2 Corintios 8:23 - Biblia Dc en Mixe de Quetzaltepec

²³ Pën jam pën tyajtëy ja Tito, nëëmëtë ko tyamës ja mëët ets ko mëkës yam ntuntë ko miits mputëkëtë; e pën jam pën tyajnitëwë näjyëtu'un ja wiinkëtypë ja mmëku'uk'ajtëmë, nëëmëtë ko ja mëpëjkpëtëjk yë'ë të kyäxëtë ets ko tmëjjaw tjaantyjawëtë ja Kristë.

Biblia Mixe de Quetzaltepec

²³ Pën jam pën tyajtëy ja Tito, nëëmëtë ko tyamës ja mëët ets ko mëkës yam ntuntë ko miits mputëkëtë; e pën jam pën tyajnitëwë näjyëtu'un ja wiinkëtypë ja mmëku'uk'ajtëmë, nëëmëtë ko ja mëpëjkpëtëjk yë'ë të kyäxëtë ets ko tmëjjaw tjaantyjawëtë ja Kristë.

2 Corintios 8:23 ပူးပေါင်းရင်းမြစ်များ

Lucas 5:10

Näy tam ënety ja Santiagë ets ja Juan, Zebedeo myaank, Simón Pedro myëku'uk ets ja Jesús t'ënëmaay ja Simón Pedro: Këtii mtsë'ëkë, tyam ja'ay mijts matsäämpy wi'ix ja nitsokën tpaatëtyën.

Lucas 5:7

Ënet tmëjyäämtë ja ja'ayëty mëti'ipë ënety jamëtyën wiink kepy nëëwinye'epyëjoty ets pyutëkëtëty. Yë'ë ojts myintë ets ja kepy nëëwinye'epyë mäjtsk tyaj'ujtstë ets jawäänë kyakiiny.

Juan 13:16

Tëy miits nëëmëtë ko ni pën ja wyintsën tkawinaxy ets ni pën kexyye'epyë tkawinaxy mëti'ipë käjxëpën.

1 Corintios 11:7

Ye'eytyëjk ka'ap mëpaat nyäkyupe'enyë, jä'ä ko yë'ë ja Dios myëj'ajtën jyääntyajtën yajwinkëxë'këp ets ko nän yë'ë Dios yajmëjnajxyp. Ja to'oxytyëjk yë'ë ye'etyëjk myëj'ajtën jyääntyajtën yajwinkëxë'këp.

2 Corintios 12:18

Ojtsës yë Tito nkexy ets nëjkx mku'ixëtë mëët tu'uk yë jyämyëët. ¿Ojts tii m'amëtowëtë? ¿Ka'ap tyiyëty jyääntyëty ko nimäjtsk oyës winë të ntuntë?

2 Corintios 7:6

E ja Dios mëti'ipë yajjotkujk'ajtypyën ja mon tukpë yajpaatyën, tëëjës xyajjotkujkta'aktë ko të jyä'ty ja Tito.

2 Corintios 8:16

Nkukajpxëpës ja Dios ko Tito näjyëtu'un Dios të tyuktëkëty ets miits mmëmay mmëtajëtë ijxtëm ëjts miits të nmëmay të nmëtajtën.

2 Corintios 8:18

Mëët yë Tito nkexyës tu'uk ja nmëku'uk'ajtëmë mëti'ipë oy tsuj yanimëtyakpën ma ja mëpëjkpëtëjkëtyën, jä'ä ko oy tuny tkäjpxy ja oy aaw oy ayuk.

2 Corintios 8:19

Näy kë'ëm ja mëpëjkpëtëjk të wyin'ixyë etsës mëët nnaxëty ntëkëty etsës xytyukputëkëty ma ja näypyutëkë myaj'amëtowtën ets ja Wintsën yajmëjjaw yajjaantyjyawëty ets jëtu'un nyajnikëxë'kmëty ko mputëkëja'anëm ja nmëku'uk'ajtëmë.

2 Corintios 8:22

Tyamës wiinkpë nkexy ja nmëku'uk'ajtëmë, mëti'ipë ëëts nnija'awëmën ko oy winë tuny ets ni'ik tyam ko miits mtukjotkujk'atëtë.

2 Corintios 8:6

Paatyës ja Tito të npëjktsowtë ets yë'ë tyajmukëty ja näypyutëkë ma miitsëtyën ets tjaakyajmukëty mëti'ipë miits kë'ëmtsojkën mjaakyakantëpën.

Filipenses 2:25

Jëtu'unës nmay ntajy ko kopkpëky etsës näjyëtu'un nkäxa'any ja nmëku'uk'ajtëm Epafrodito, mëti'ipë mëët tu'ukyë ntuunmukyënës ets ntsiptunyës, mëti'ipës ojts miits xytyuknikäxtën etsës xypyutëkëty ko tiiputëjkën nyajmëyatëtyës.

Filipenses 4:3

Ets mijts mëku'uk, mëti'ipës oy të xypyutëkën ma ja Kristë yamëtunyën, n'amëtoopyës ja mëyajtën ets xypyutëkëty ya'atë to'oxytyëjkëty. Yë'ë mëk ojts tyuntë mëët ëjts ma yajkajpxwä'kxyën ja oy aaw oy ayuk, näjyëtu'un ja Clemente ets wiinkëtypë mëti'ipës mëët të ntuunmuktën. Kuja'ay ja xyëëw y'ijnëtë nokyjoty ma ja ja'ay xyëëwëtyën mëti'ipë juuky'ajtëpën xëmëkyëjxm.

Colosenses 1:7

Yë'ë ojts mtuk'ijxpëkëtë ja nmëku'uk'ajtëm Epafras, mëti'ipës mëët ntuunmujktën ets myëtuumpy ja Kristë ma miitsëtyën.

1 Tesalonicenses 2:2

Mnija'awëtëp näjyëtu'un ko oyës ojts nyajwinkäjpx nyajjëjpkajpxtë ëkë o'ktëyës nyajtuuntë jam Filipos, ojts ëëts ja Dios xypyutëkë ets myajtuk'ëwaanëtëty ja aaw ayuk oypyë. Aamëk jotmëkës ojts nkajpxwa'kxtë oy ja ëtujkpë jam ni'ik jyayajpaty.

2 Timoteo 4:10

Ja Demas, tëëjës ja xynyikäknë, mëti'ipë yi'iyë tsyojkën'ajtypyën yaapë naaxwiinyën, tëë ja tsyo'onë ets të nyëjkxnë jam Tesalónica. Yë Crescente jam të nyijkx Galacia y'itjotm, e yë Tito të nyijkx jam Dalmacia y'itjotm.

Tito 1:4

Tyam ya'atë noky ntuknijayë, mijts u'unk Tito mëët ko mëpëky. Ja nTeety'ajtëm Dios mëët ja yajnitsokpë Jesukristë, yë'ë mmo'ojëtëp ja kënu'kxën ets jotkujk'ajtën.

Filemón 1:17

Jëtu'un, pën xymyëku'ukja'apës mijts, kupëk ijxtëm jeexyë ëjts kë'ëm xykyupëkyën.

Filemón 1:24

näjyëtu'un mkajpxpo'kxëtë ja Marcos, Aristarco, Demas ets Lucas, mëti'ipës xypyutëjkëtëpën ma tuunkën.

3 Juan 1:8

Paatykyëjxm ëëtsajtëm xypyattëm ets nyajja'ajtakmëty, jä'ä ko tu'ukyë nmëtu'unëm ja Dios.