2 Corintios 8:12 - Biblia Dc en Mixe de Quetzaltepec

¹² E pën winë aaw winëjot yoxäämpy ja myeeny, kyëwentëpëkäämpy ja Dios wi'ix pën myëtä'äkyën, Dios ka'ap pën t'amëtoy mëti'ipë ka'ap tii tmëëtëtyën.

Biblia Mixe de Quetzaltepec

¹² E pën winë aaw winëjot yoxäämpy ja myeeny, kyëwentëpëkäämpy ja Tios wi'ix pën myëtä'äkyën, Tios ka'ap pën t'amëtoy mëti'ipë ka'ap tii tmëëtëtyën.

2 Corintios 8:12 ပူးပေါင်းရင်းမြစ်များ

2 Corintios 9:7

Nitu'ukjaty xyaktëty mtsojkënkyëjxm ijxtëm të xytyukniwinmayëtën, ka'ap mäjtsk aaw mäjtsk jot ëkë ka'ap y'akwanëty, jä'ä ko Dios tsyojkpy yë ja'ay mëti'ipë jotkujk tii yäjkpyën.

Éxodo 35:29

Tëkokyë yë ja'ayëty ye'etyëjk to'oxytyëjkpë ojts ja jyot wyinma'any y'ëwa'atstë ets pyutëkëja'antë ma ja tuunk jam y'ityën, mëti'ipë ja Moisés ojts ja Dios tyuk'ëne'emyën, mëët ja ayajk ako'onën mëti'ipë myëmiintën, jëtu'un ojts tyaktë tä ënety ja jyot wyinma'any y'ëna'antën.

1 Pedro 4:10

Këëkjä'ä miits xytyuntëty ja mtuunk ijxtëm ja Dios të mmo'ojëtën. Näpyutëkëtë nixim niyam wi'ixëty ja Dios ja kënu'kxën mtukpaatëtën.

Éxodo 35:5

Pënjaty ja y'ayajk y'ako'onën kyë'ëyakäämpyën ma Tiosën, mëët ko jëtu'un ja jyot wyinma'any tyajja'ty ets ko jëtu'un tuknipëjktaakë winë aaw winëjot. Ya'atë mëpaat xyaktë: pu'ts pujxn, poop pujxn, tsuxkpujxn,

Éxodo 25:2

Ënëëmë yë Israel ja'ayëty wä'än tyajmuktë yë ayajk ako'onën mëti'ipës xymyo'otëpën. Ko xyaktëty ya'atë ayajk ako'onën yam n'amëtoyësën, jä'ä xyaktëty kë'ëmtsojkën ets winë aaw winëjot.

Lucas 16:10

Pën oy yajtuunpy ja wit meeny wäänëpë, näjyëtu'un tyajtuna'any ja maypyë. Pën ka'ap tyajtuny oy ja wit meeny wäänëpë, nän ka'ap tyajtuna'any oy ja maypyë.

Proverbios 19:22

Ko ja'ay tii t'atsoky, ëxëëk tmëjaty tmëkëpety. Ni'ik oy ko ëyoopëja'ay yajpaaty ets këtii ko je'eyë kyë'ëtsik'aty.

2 Crónicas 6:8

E yë Wintsën jëtu'un y'ëtsooy: Oy jëtu'un ko xyjyamay xyjyatajy xyjyakoja'any yë ntëjkës;

2 Corintios 8:11

Näyjyëtu'un tyam tuntë ijxtëm të xyajtso'onta'aktën, winë aaw winëjot tuntë koonëm xyaj'apaatëtëty nitu'ukjaty ijxtëm mmëta'aktën.

2 Corintios 8:13

Ka'ap yë'ëjëty ntijyës ets miits winë mtëkoy'ajtxëtëty ko ënety pën xypyutëkëtë, yë'ëkyëjxm jëtu'un n'ëna'anyës ets nixim niyam tu'knax winë nmëët'ajtmëty.

2 Corintios 8:19

Näy kë'ëm ja mëpëjkpëtëjk të wyin'ixyë etsës mëët nnaxëty ntëkëty etsës xytyukputëkëty ma ja näypyutëkë myaj'amëtowtën ets ja Wintsën yajmëjjaw yajjaantyjyawëty ets jëtu'un nyajnikëxë'kmëty ko mputëkëja'anëm ja nmëku'uk'ajtëmë.

Éxodo 35:24

Mëti'ipë myëmiintëpën ja poop pujxn ja tsuxkpujxn, yë'ë ja Dios ënety tyukë'ëtëjkëtyëp e ja mëti'ipë myëmiintëpën ja kepy mëti'ipë yajtijpën ajë kepy, yë'ë tyukniyajkëtyë, ma ënety winë yaj'oytyuna'anyën aak kepyë.

Mateo 25:17

Näyjyëtu'un mëti'ipë y'ëxajëyën mäjtsk mil, ojts tyaj'u'unk'aty.

Mateo 25:22

Ënet näjyëtu'un myiiny ja mëti'ipë ënety ja meeny të t'ëxajën mäjtsk mil ets y'ënäny: Wintsën, mäjtsk mil ja meeny ojts xymyo'oyës, e tëëjës nän ja mäjtsk mil njaakyaj'u'unk'aty, tyaa, ëxajë.