2 Corintios 7:7 - Biblia Dc en Mixe de Quetzaltepec

⁷ Ka'ap yi'iyëty ko jyä'äjty, näjyëtu'un ko miits të xyjyotmëkmo'otë. Yë'ës të xytyukmëmëtyakta'ay koos miits xy'ixa'antë ets tëëjës xytyukmëmëtyä'äky ja mma'ayën mtajënëty ets ko miits xytyukjotmay'ooktës. Wäänë ni'ikës jotkujk të näjyawëty mëët ya'atë.

Biblia Mixe de Quetzaltepec

⁷ Ka'ap yi'iyëty ko jyä'äjty, näjyëtu'un ko miits të xyjyotmëkmo'otë. Yë'ës të xytyukmëmëtyakta'ay koos miits xy'ixa'antë ets tëëjës xytyukmëmëtyä'äky ja mma'ayën mtajënëty ets ko miits xytyukjotmay'ooktës. Wäänë ni'ikës jotkujk të näjyawëty mëët ya'atë.

2 Corintios 7:7 ပူးပေါင်းရင်းမြစ်များ

Salmos 141:5

Mëyajtën ënety tu'uk yë oyjyä'äy tyuunpy koos xytyukkumëtowëty maas tii oy nkatunyën, jëtu'unës njawëty tä tu'uk yë on pya'akxuukyën koos xy'ojëty ka'apës jëtu'unpë nwiinkjawëja'any oy mëk njamëtowëtyës ëjts je'eyëmës Dios nmëkajpxa'any.

Salmos 30:5

Yë'ë tsojk'am yë tsyip y'äkë tmëët'aty, yë'ë y'oyjyot ijtëëp xëmë maapaat njuuky'ajtëmën. Pën jë'ëyëm yaxëm koots, komjëpom jotkujk nyajpaata'anëmë.

Salmos 38:18

Minës yë npoky n'ëkmaaywyätsy, ka'apës njotkujk'aty koos nkanikäjpxy.

Salmos 51:1

Mijts Dios, mëët yë mtsojkën mja'awën, pa'ëyoow najts'ëyo'owëkës; mëët ja m'oyjot m'oywyinma'any ja mëjpë këjääpë, po'tëkës yë npoky.

Mateo 26:75

ets ja Pedro tja'amyejtsy ko ja Jesús ënety të y'ënë'ëmxëty: Naamka'anëm ënety ja këtseynyë'aaw yaaxë'ëky, ko mijts m'ëna'ana'any tëkëëk ok ko ka'apës xy'ixy'äty. Ënet ja Pedro jap pyëtsiimy ets tyëjkëy jëëpyë yaxpë.

Mateo 5:4

Jotkujk yë ja'ay yajpaatë mëti'ipë jëëytyëp yaxtëpën, jä'ä ko yë'ë Dios yajjotkujk'atanëtëp.

Lucas 22:44

Ma ja Jesús y'ëyoyën ets ja Dios mëktä'äky tja'amyetsyën, nëkoo ja pyëxyik nyajtsxä'kxënë ijxtëm ja ne'pynyën.

Hechos 11:23

Ko jam jyä'äjty ja Bernabé ets t'ijxy wi'ix ja antioquiiëtë ja'ay ënety tëë ja Dios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Romanos 1:12

Yë'ëjës ntijpy ets näjyotmëkwinkajpxëmëty nixim niyam mëët ya'atë mëpëjkën mëti'ipë nmëët'ajtëmën.

1 Corintios 5:2

Ets miitsëty ni'ikyë mëj këjxm mnäyajnajxëtëpë. Ijxtëm jeexyë mmontën mtuktën. Ja ja'ay mëti'ipë jëtu'un ëtëtspën, ixkäxtë ma miitsëtyën.

2 Corintios 1:14

ko miits tëë xynyijawëtë wi'ix ëëts ja jot winma'any nmëët'atën, ko ënety wyimpity ja Wintsën Jesús, jää nëjkx mnäyjyawëtë akëtä'äky jotkëtä'äky ëëtskyëjxmëty, näjyëtu'un ijxtëm ëëts nëjkx näjyawëtën akëtä'äky jotkëtä'äky mëët miitskyëjxmëty.

2 Corintios 1:4

Yë'ë xyjyotmëkmo'oyëm ko nyajpatmëty ëyo'onjoty ets jëtu'un nyajjotkujk'ajtmëty näjyëtu'un mëti'ipë ëyoowtëpën ijxtëm ja Dios Teety të xyajjotkujk'ajtëmën.

2 Corintios 2:9

Miitsëty tëë n'ëktuk'ëwa'anëtëpë ya'atë jotmay, yë'ëjës ënety n'ixäämpy pën mpatuuntëp ja n'aaw n'ayukës.

2 Corintios 5:2

Paaty nmëkxäj n'o'kxäjëmë ko yaa naaxwiiny njaakyajpatëmë, ëëtsajtëm njatsojkëm ets jeexyë nëjkxënë jam tsajpjotm,

2 Corintios 7:6

E ja Dios mëti'ipë yajjotkujk'ajtypyën ja mon tukpë yajpaatyën, tëëjës xyajjotkujkta'aktë ko të jyä'ty ja Tito.

2 Corintios 7:8

Oy miits wäänë të nyajmon të nyajtuktë mëët ko të ntuknikäxtë ja noky, tyam ka'apës nëkooyë n'ëkja'amyäjtskojnë. Ëjts tëëjës nmëmay nmëtajy ko miits tu'ktsojk të xymyëmay të xymyëtajtë ja noky.

2 Corintios 8:16

Nkukajpxëpës ja Dios ko Tito näjyëtu'un Dios të tyuktëkëty ets miits mmëmay mmëtajëtë ijxtëm ëjts miits të nmëmay të nmëtajtën.

Filipenses 1:20

Njëjp'ijxypës ëmuumtu'ukjot ko ka'apës ntsëtyu'unpaata'any, ni'ikyës xymyo'oja'any ja Dios ja mëk'ajtën wi'ix yajmëjjaw yajjaantyjäwëtyën ja Kristë, oyës n'ookëty ëkë njuuky'atëtyës.

Colosenses 2:5

Oyës kë'ëm nkatimjam'aty, tamës ja nja'awën y'ity ma miitsëtyën ets jotkujkës näjyawëtëty jä'ä ko oy yajxon xytyuntë ets ko tu'ukyë xymyëpëktë ja Kristë.

1 Tesalonicenses 3:6

E ja Timoteo ojts ja wyimpity ets tmëja'ajty ja ayuk oypyë wi'ix miits mmëpëktën ets ko ja mëku'uk oy xytsyoktë xyjyawëtë. Jëtu'unës të xynyëëmëtë ko xëmës miits xyjyä'ämyätstë ets ko näjyëtu'un ja tsojkën xymyëët'atë etsës xyjyapaata'an xyjya'ixa'antë, ijxtëm ëëts miits nja'ixa'antën näjyëtu'un.

1 Tesalonicenses 3:8

Koos nijawëtë ko ja Dios tu'ukyë xymyëpëktë, xyajjotkujkëtëpës jatëkok.

Hebreos 2:1

Paatykyëjxm wäänëni'ik nmëjpëjktakmëty mëti'ipë të nmëto'owëmën ets ka'ap n'ëxmajtsmëty mëti'ipë të nmëpëjkëmën.

Santiago 5:17

Ja Dios ja kyäjpxynyajxpë Elías, näjyëtu'un y'ijty ja'ay ijxtëm ëëtsajtëmën, ko ja Dios tja'amyejtsy ets ja nëë tuu ka'ap myinëty, ka'ap ojts tyu'uy tëkëëk jëmëjt ja kujkm.

2 Juan 1:4

Akujk jotkujkës näjyawëty koos të npaaty ma miitsëtyën mëti'ipë kyuuytyuuntëpën ja ënä'ämën tëyajtën, mëti'ipë ja Dios të tnajts'ënä'ämën.

Judas 1:3

Mëku'uktëjkëty, janty jotkujkës näjyawëty ko miits ya'atë noky ntuknijayëtë, jä'ä ko yë'ëjës jap nnikäjpxy nimëtyäkpy ja nitsokën mëti'ipë nmëët'ajtëmën; e paaty ya'atë noky yam ntuknijayëtë ets nmënu'kxta'aktë ko tu'ukyë xyaj'itëty ja mëpëjkën mëti'ipë ja Dios të mo'ojëtën.