2 Corintios 7:14 - Biblia Dc en Mixe de Quetzaltepec

¹⁴ Tëëyëm ënety ja Tito nëëmës ko miitsëty oy winë xytyuntë, ets ka'apës ja n'ayuk nëkoo të nyatëkë'aty. Jëtu'un ijxtëm tyiyëty jyääntyëty miits të ntukmëmëtya'aktën, näjyëtu'un tëy jaanty ja Tito të nëëmëtës: Ko ntukjotkëtaktëpës miits ja mtuunkëty.

Biblia Mixe de Quetzaltepec

¹⁴ Tëëyëm ënäty ja Tito nëëmës ko miitsëty oy winë xytyuntë, ets ka'apës ja n'ayuk nëkoo të nyatëkë'aty. Jëtu'un ijxtëm tyiyëty jyääntyëty miits të ntukmëmëtya'aktën, näjyëtu'un tëy jaanty ja Tito të nëëmëtës: Ko ntukjotkëtaktëpës miits ja mtuunkëty.

2 Corintios 7:14 ပူးပေါင်းရင်းမြစ်များ

Juan 17:19

Yë'ë koos yë'ëjëty nmëmay nmëtajtë paatyës kë'ëm nnäkyënu'kxyë, ets näjyëtu'un yë'ëjëty yajkënu'kxtëty mëët ja tëyajtën.

2 Corintios 10:8

Oyës janaam jatsojk ja n'aaw n'ayuk niwinpity ets ka'ap jëtu'un kyutukyëty, ka'apës ntuktsëtyuny; jä'äkyëjxmës ja Wintsën të xymyo'otë ja kuttujkën ets miits mwinpätëty, ka'ap yë'ëjëty ets miits nyajkutëkoytyëty.

2 Corintios 12:6

Koos jeexyë n'ëknämyëjawëja'anyë, ka'ap jëtu'un yaj'ixëty tsuunwinma'anyën, jä'ä ko ja mëtëypyës ënety nimëtyäkpy; je'eyëp ko ka'apës jëtu'un ntuny, këtiipë pën wyinmayëty ko ni'ikës tii nijawë këtiinëm mëti'ipës nnikäjpxypën,

2 Corintios 2:13

Oy jyajëtu'unëty, ka'apës ja n'aaw njot xyoontä'äky. Jä'ä ko ka'ap ojts jam npaatyës ja mmëku'uk'ajtëmë Tito, paaty ojts näjyëkyäjpxyës jam ets ojts nnëjkxyës Macedonia.

2 Corintios 7:13

Jä'äkyëjxmës njotkujk'atë. Ets ni'ik njotkujkta'aktës, jä'ä ko ja Tito jotkujk yajpaaty, ko miits të xyjyotmëkmo'otë.

2 Corintios 7:4

Ntukjoot'ëmëj'ajtëp ets ntukjotkëtaktëp miitsëty. Oyës ja ëyo'on npaaty, jotmëk ets jotkujkës näjyawëty mëët miitskyëjxmëty.

2 Corintios 7:6

E ja Dios mëti'ipë yajjotkujk'ajtypyën ja mon tukpë yajpaatyën, tëëjës xyajjotkujkta'aktë ko të jyä'ty ja Tito.

2 Corintios 8:24

Yajnikëxë'ëktë miitsëty ko mëk xytsyoktë ets ja mëpëjkpëtëjk nijawëtëty ko miits ntukjotkëta'aktë.

Filipenses 1:26

Jëtu'unts jatëkok nyajpaatëtyës ma miitsëtyën ets kyëjääjëty ja Kristë Jesús ja myëj'ajtën.

2 Tesalonicenses 1:4

Paatykyëjxm miits jotkujk nimëtya'aktë maajëty ja Dios ja jyä'äy ye'eymyuktën, tääts jëtu'un mëj'äämpy mnaxtë mëët ja mëpëjkën, oy ja ja'ay ëxëëk mja'ixëtë ets mjapajëtitëtë.