2 Corintios 7:11 - Biblia Dc en Mixe de Quetzaltepec

¹¹ Jëtu'un miits ja ma'ayën tajën të xymyëtänëtë ijxtëm ja Dios tukjotkëtä'äkyën. Ets ixtë ënät tyam wi'ix të wyimpëtsëmyën. Tëë xytyukpëtsëmtë ja aaw ayuk mëti'ipës të nnikäjpxyën, ojts mjoot'anpëktë ets tëë mtsë'ëkëtë. Ok ojts xyjya'ixa'antës ets xytyukkumëtoowtë ja pokyjyä'äy ja nyëë pyoky. Yë'ë miits myajnikëxë'ëktëp ko ka'ap myiitsëty të mtuuntëkoytyë.

Biblia Mixe de Quetzaltepec

¹¹ Jëtu'un miits ja ma'ayën tajën të xymyëtänëtë ijxtëm ja Tios tukjotkëtä'äkyën. Ets ixtë ënät tyam wi'ix të wyimpëtsëmyën. Tëë xytyukpëtsëmtë ja aaw ayuk mëti'ipës të nnikäjpxyën, ojts mjoot'anpëktë ets tëë mtsë'ëkëtë. Ok ojts xyjya'ixa'antës ets xytyukkumëtoowtë ja pokyjyä'äy ja nyëë pyoky. Yë'ë miits myajnikëxë'ëktëp ko ka'ap myiitsëty të mtuuntëkoytyë.

2 Corintios 7:11 ပူးပေါင်းရင်းမြစ်များ

Romanos 14:18

Mëti'ipë ja Kristë myëtuumpyën, jä'ä ja Dios tukjotkëtakëp ets näjyëtu'un ja ja'ayëty.

2 Timoteo 2:15

Tun tu'kë'ëyë mëti'ipë Dios y'oyjya'apën mapaat mmëtä'äkyën, jëtu'un ijxtëm tu'uk yë ja'ayën tëëpë Dios y'ëxajëtyën, ijxtëm tu'uk yë mëtuunpën ka'apë tii tmëët'atyën tii nyatuktsëtyunëp, mëti'ipë ja tëyajtën nyikäjpxyp nyimëtyäkpyën.

2 Corintios 7:7

Ka'ap yi'iyëty ko jyä'äjty, näjyëtu'un ko miits të xyjyotmëkmo'otë. Yë'ës të xytyukmëmëtyakta'ay koos miits xy'ixa'antë ets tëëjës xytyukmëmëtyä'äky ja mma'ayën mtajënëty ets ko miits xytyukjotmay'ooktës. Wäänë ni'ikës jotkujk të näjyawëty mëët ya'atë.

1 Corintios 5:13

E miitsëty mpaat'ajtëtëp xypyaye'eytyëty mëti'ipë mëpëjktëpën, yajpëtsëmtë ya'atë pokyjyä'äy mëti'ipë jap ma miitsëtyën.

Salmos 2:11

Ëwtatë ets wiinkoxtänëtë ja Wintsën mëët ja xoontakën ets ja wintsë'kën. Winta'ak naaxkowtë ma yë'ëjën mëët yë winkutsë'kën, këtiipë jyoot'anpëkëty ets këtiipë muum tu'u'aay m'ooktëty, jä'ä ko yë'ë pojën jyoot'anpëky. Jotkujk ets xoontä'äky yë ja'ay yajpaaty mëti'ipë y'ixtääpyën yë näkyëwent'atë ma yë'ëjën.

Apocalipsis 3:19

N'ojpyës ets ntsaatytyuunpyës mëti'ipës ntsojkpyën. Paaty mijts pëjkta'ak mëk ja mwinma'any ets niwinpit ja Dios.

Judas 1:23

Yaj'ëwaatspëtsëmtë ja mëti'ipë jëënjoty yajpatëpën, mmëët'atë ja pa'ëyo'owën ma mmëku'ukëtyën, ets näkyëwent'atëtë ma ja ja'ayëtyën mëti'ipë tëë tyaj'ëxëëkëtën ja wyit tyujkxyëty mëët ja ëxëëk juukyajtën.

1 Pedro 2:2

Tsoktë ja Dios ja y'aaw y'ayuk, ijxtëm ja mëxu'unk janaam tsyi'itsyën ets miits mwinpäjt'ëtë'ëtstëty ma ja Dios ja nyë'ë tyu'ujën ets jëtu'un ja nitsokën xypaatëty,

1 Pedro 1:17

Pën miitsëty Tatë, xynyëëmëtë ja Dios, mëti'ipë paye'epyën mëtëy ets ka'ap wyin'ixy wyinkexyëty, kopkpëky ko xywinkutsë'ëkëtëty xëmë mapaat yaa naaxwiiny mjuuky'atën.

Hebreos 4:1

Paatykyëjxm ma tyam njaakyajpatëmën ets ntëjkëmëty ma Dios ja pyo'kxtaknën, mëpaat näkyëwent'ajtëmë këtiipë pën wyë'ëmëty.

Tito 3:8

Tëyajtën ya'atë, ntsojkpyës ets xynyikajpxëty mëk'äämpy, wä'än ja oypyë tuntë mëti'ipë ja Dios myëpëjktëpën. Oy ya'atë ijxpëjkën tu'unxëtëp ja ja'ay oypyënëty.

Filipenses 2:12

Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Efesios 5:11

Ka'ap xytyuntëty mëti'ipë ka'ap y'oyëtyën, ijxtëm mëti'ipë ja Kristë ka'ap tmëpëktën; yë'ë mtuntëp wi'ix xyajnikëxë'ëkëtyën ko ka'ap y'oyëty mëti'ipë yë'ë tyuuntëpën.

Efesios 4:26

Ko mjoot'anpëkëty, këtii mpokytyuntëty; këtii tu'kxëëwpaaty mjoot'anpëkëty.

2 Corintios 13:7

Nmëpëjktsoowtëpës ja Dios ets ka'ap ja ëxëëkpë xytyuntëty; ka'ap yë'ëkyëjxmëty ko ëëts ja ëxëëkpë të ntuknaxtë; yë'ëkyëjxm ko miitsëty maayëtëp tii oy winë xytyuntëty, oy jëtu'un yaj'ixy ka'apës yowë ja ëxëëkpë të ntuknaxtë.

2 Corintios 9:2

Jä'ä ko nnija'apës ko mputëkëja'antë tsojkënkyëjxm, paaty akujk jotkujk të nëëmës ja Macedonia mëpëjkpëtëjkëty ko miits Acaya ja'ayëty junktë'ëy ja mwinma'any jëtu'un xypyaatë ko xyaka'antë ja putëjkën. Paaty näjyëtu'un të jyotmëkpëktë ja Macedonia ja'ayëty ko miits ja oyjyot oywyinma'any xymyëët'atë.

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Dios, tsojk ntu'unëm ja oypyë ets ja wa'atspë Dios wyintuuy.

2 Corintios 6:4

Ni'ikyënëm nyajnikëxë'ëktës koos ja Dios nmëtuntë, nmënax nyajnaxtës ja ëyo'on jotmay mëët ja mä'kxtujkën, oyës n'ëyowtë, oyës tii nyajmëyatë ets oy tsip ja xëëw juukyajtën nyajnaxtës,

2 Corintios 2:6

Ja tëytyu'unën mëti'ipë mtuknipëjktën tääpë ja'ayëty, tëë ja kyëjääjënë.

1 Corintios 12:25

Këtiipë ja ni'kx kopk nyäwya'kxëtëty. Näpyutëkëtë nixim niyam wä'än tpënëty ets tu'ukyë myajpaatëty.

1 Corintios 5:2

Ets miitsëty ni'ikyë mëj këjxm mnäyajnajxëtëpë. Ijxtëm jeexyë mmontën mtuktën. Ja ja'ay mëti'ipë jëtu'un ëtëtspën, ixkäxtë ma miitsëtyën.

Romanos 11:20

Tëy jëtu'un. Ojts jyänty yajkatspuxy je'eyëp ko yë'ë ko ka'ap myëpëjktë, e mijts paaty jam myajpaaty jä'ä ko mmëët'ajtyp ja mëpëjkën. E paaty mijts këtii mnämyëjjawëtëty, këtiipë näjyëtu'un myajkatspuxëty.

Hechos 17:16

Jam Atenas, tam ënety ja Pablo tjëjp'ixy ja Timoteo ets ja Silas. Ënet t'ijxpaty ko ujts ënety ja kajpn yajpaaty mëët ja awinax.

Juan 2:17

Ënet ja y'ijxpëjkpëtëjk tja'amyäjtstë ja Dios ja y'aaw y'ayuk mëti'ipë ënaanpën: Mëkës yë mtëjk ni'äkë'aty.

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënety ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Daniel 6:14

Ko ja yajkutujkpë jëtu'un tmëtooy, ojts tmëkjawë ets ka'ap ojts jotkujk nyäjyawëty ënätyë tja ixtaay ja winma'any wi'ix jeexyë ja Daniel tyajtso'okyën. Jëtu'un ojts kyutsu'ujë ojts mëk jyamay jyatajy ets tjayajtso'okany ja Daniel,

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

Isaías 26:8

Ëëtsëty akujk jotkujkës näjyawëtë koos yë'ë npanëjkxtë ja në'ë tu'u mëti'ipë ja ënä'ämën tëyajtën nyi'ënä'ämëpën. Yë njot nwinma'anyëtyës jam xëmë myäy tyäjy ma mijtsën.

Cantares 8:6

Xyaj'itëpës xëmë ma mjot mwinma'anyën, yaj'ijtkës xëmë ma mkë'ëpa'tkën. Jä'ä ko yë tsojkën ja'awën ka'ap jyëjpkëxy jyëjptuky; yë nätsyok näjyawë xëmë mëpaat juun nyäpyëjktä'äkyë. Yë tsojkën ja'awën Dios yë yäjkpy.

Proverbios 28:14

Janty jotkujk yë ja'ay yajpaaty mëti'ipë wyinkutsë'këpën yë Dios; e ja'ay mëti'ipë ka'ap jyä'äkyukën, ëxëëk jyata'any kyëpäta'any.

Proverbios 14:16

Yë wijyjyä'äy tsyë'këp yë ëxëëkpë paaty ënätyë jam jyëwä'äky ma tii ëxëëk t'ixyën; e yë tsuuja'ay ka'ap tii tmëjpëjktä'äky.

Salmos 145:19

Yë'ë kyuuytyuunpy ets yaj'atëëpy yë tsyojkën ma ja'ayën mëti'ipë mëjja'aw jaanty ja'awëyëpën. Ko y'amëtoyë yë putëjk pupäjtën, yë'ë ënätyë tmëtoy ets tyajtso'oky.

Salmos 130:6

Ëjts n'a'ijxyp njëjp'ijxypyës yë Wintsën jëtu'un tä y'a'ix jyëjp'ixtën yë këwent'ajtpëtëjkëty mëti'ipë yë naax kajpn y'ijx'ijt kyëwent'ajtëpën jopyëp.

Salmos 119:139

Yajxonës njantyjyootanpëky koos yë nmëtsip ja'atyëkoy yë m'aaw m'ayuk tyaj'itë.

Salmos 69:9

Mëët yë'ë koos niku'ëwa'an'aty yë mtsajptëjk, wiinkës nnäjyawëty ko pën ëxëëkjaty tnikäjpxy tnimëtyä'äky, janty ëjtsës ntimjya'ap xytyimpatp ko pën ëxaty y'ënä'äny.

Salmos 42:1

Jëtu'un tä jëtyu'u u'unk tyëëtsën, nëë'ëkë'pë nyijkxyën nëë ukpë, jëtu'un n'ixta'ay mijts Dios, mëti'ipës n'ëwtajtypyën.

Salmos 38:9

Wintsën, mijts wa'ats xynyijawë mëti'ipës ntsojkën'ajtypyën. Koos nmëkxejy mijts wa'ats xynyijawë tii ko jyëtu'unëty.

Salmos 35:13

Ko ijty pyëkëtë y'ixëtë, näjyëtu'unës ijty ëjts nyajpaaty mon tuk mëët yë'ëjëty, etsës ja nwit ntuktëkë mëti'ipë kuumpën u'kxpën, täätsës näjyëtu'un n'ayuu'aty n'axëëw'aty; ets maas ja njot nwinma'anyën ka'apës npo'kxy mëët ja wa'anën tso'owën.

Nehemías 13:25

Ojts mëëtëty yajxon näy'ojyës, ets ojtsës mpoky. Ojts pën nwopyës ets ojts mëti'ipë kyuwaay nkatswijxës ets ojts ntukupëktës ets tnikajpxtëty mëët ja nTios'ajtëmë ja xyëëw ko ka'ap tkupëka'antë ets ja y'u'unk y'ëna'k pyëktëty mëët ja jaaypyaat jaaypyo'kxy ja y'u'unkëty y'ëna'këty mëti'ipë mëët ka'ap ntu'kja'ayajtëmën. Ojtsës näjyëtu'un n'ënëëmëtë:

2 Corintios 7:9

Xëmë jotkujkës nyajpaaty. E ka'ap yë'ëjëty ntukjotkujk'atyës ko miits të mmontë mtuktë, yë'ëjës ntukxoontäkpy ko miits ja mma'ayën mtajën të myajjootwinpitëtë ma Tiosën. Miitsëty tëë ja ma'ayën tajën xymyëtänëtë ijxtëm ja Dios tukjotkëtä'äkyën, jëtu'un ka'ap miitsëty maa të nmëtëkoytyë.

Job 42:6

Paaty yam ntukjootwinpity, maas yam n'u'unyën kuyjaamjoty ets naaxwayjoty.

Romanos 3:5

E pën ëxëëk ëëts winë të ntu'unëmë ets tyajnikëxë'ëky ko mëtëy yë Dios winë tuny, ¿Wi'ix na'ëna'anmëty? ¿Ko Dios ka'ap tii oy tuny ko xytyukkëpäjtëm ja mpoky'ajtëmë? Jëtu'unës yam nkäjpxy ijxtëm ja naaxwiinyëtë ja'ay myäy tyäjyën.

1 Tesalonicenses 4:6

Ka'ap pën ja myëku'uk ja tyo'oxytyëjk twin'ë'ënëty, jä'ä ko Dios tu'kë'ëyë tukumëtoowta'aja'any mëk'äämpy mëti'ipë jëtu'un ëtëtstëpën; ijxtëm të ntuk'ëwaanëtën janaam jatsojk.

1 Timoteo 5:20

Pën pokytyuuntëpën, tuknëëmë ma ja mayjyä'äyën ets ja ja'ay tsyë'ëkëtëty.

Santiago 3:17

pën myëët'ajtyp ja wijyajtën kejyajtën mëti'ipë tso'onpën ma Tiosën, wa'ats yajpaatë ma jyuuky'ajtënëtyën; ka'ap maa pën mëët yë tsip tmëët'atë, tëtä'äky jyuuky'atë, yaj'ijxëtëp ja y'oyjyot y'oywyinma'anyëty. Pa'ëyoow najts'ëyo'owëtëp, pyutëjkëtyëp yë ja'ay xim yam, ëmuumtu'ukjot winë tuntë ets oy myäytyë tyajtë.