2 Corintios 6:5 - Biblia Dc en Mixe de Quetzaltepec

⁵ ja näywyop näkya'atsë, ja pujxntëjk, ja nëëmujk tukmujkën; ja mëktuunk, ja yuu nëëtëëtsë ets ko ja tsuu ma'ay kyaminy.

Biblia Mixe de Quetzaltepec

⁵ ja näywyop näkya'atsë, ja pujxntëjk, ja nëëmujk tukmujkën; ja mëktuunk, ja yuu nëëtëëtsë ets ko ja tsuu ma'ay kyaminy.

2 Corintios 6:5 ပူးပေါင်းရင်းမြစ်များ

1 Reyes 22:27

Jëtu'un xy'ënëëmëtëty ko ëjtsës yam ni'ënä'ämëp ets tpëjkta'aktëty pujxn tëkoty ets ka'ap tmo'otëty yë kääky uuky, koonëmës nwinpitëty oy mëk maas tyam nëjkxyën tsiptuunpë.

2 Crónicas 16:10

Ënet ja Asá yajxon tukjoot'anpëjky ja Wintsën ja kyäjpxynyajxpë, ojts tsumy tmatsy. Näy jä'ä xëëw ojts jam ëxëëk yë ja'ay tuny t'ënëëmë.

Isaías 53:5

Ojts tsyëtyuty wyintëkoy ko ëëtsajtëm ënety të nkäjpxykyumëtoownajxëmë, ojts tmë''ëyoy ja ntuuntëko'oyën'ajtëmë; mëët yë'ë ko ojts y'ëyoy jyotëkoy, ënät ojts njotkujktakëmë; mëët ko tsyëtyujty wyintëkooy, ënät ojts ëëtsajtëm ntsok n'akëtakëmë.

Jeremias 33:1

Tsumy matsy ënety y'ity ja Jeremías jam ma ja kyëwent'ajtpëtëjk y'itën, jam ma ja kutujkëntëjkën, ko ojts ja Wintsën jatëkok myëkäjpxyë ets y'ënëmaayë:

Jeremias 38:6

Ënet tmajtstë ja Jeremías ets jap tkujëpijpëtyë nëëjutjoty mëti'ipë yë Malquías jyä'ä'ajtypyën, yë yajkutujkpë myaank. Mëët yë tejpxy tkutëëynyajxtë. Jap nëëjutjoty ka'ap ënety jap tii nëë, yi'iyë nëë mo'onts, paaty yë Jeremías myo'onts jë'ënë.

Ezequiel 3:17

Mijts, ye'etyëjk, të mpëjktä'äky ijx'ijtpë këwent'ajtpë ma Israel kajpnën. Ko ntukmëtowëty ja aaw ayuk, mkajpxnaxëp ets mnimëtya'akëp ma yë'ëjëtyën ets nijawëtëty wi'ixës ënety n'ëna'anyën.

Mateo 14:10

Ënet ni'ënä'ämëy ets ja Juan ja kyëpajk yajkatspuxëty jap pujxn tëkoty.

Mateo 14:3

Jä'ä ko tëë ja Herodes ënety tni'ënä'ämë ja Juan ets yajmatsëty wä'än tsumy t'ity. Ja y'uty Filipo ja tyo'oxytyëjk mëti'ipë xyëëwajtypyën Herodías yë'ë ënety të y'ënë'ëmxëty ets tmatsëty ja Juan,

Mateo 9:15

Tääts ja Jesús y'ëtsoowëtë: ¿Mëpaat jëtää ja ja'ay myontë tyuktë mëti'ipë kaaytyëp uktëp ma ja pëjkën ukën y'ityën ets pën jam yajpaaty ja ye'etyëjk mëti'ipë pëjkpën? Temë pyatäämpy ja xëëw jëmëjt ma nëjkx yajjëwoyën ja ye'etyëjk mëti'ipë pëjkpën, jäänëm tëy, jyëkyejpy mjanty ayuu'atëty.

Hechos 13:3

Tëë ënety ja Dios tja'amyäjta'atë ets y'ayuu'ajta'atë, ënät ojts tkë'ënixajtë ja Bernabé ets ja Saulo ets mëët nyäjyëkajpxëtë.

Hechos 14:19

Ënet ja jutiis ja'ayëty jyajtë mëti'ipë tso'ontëpën Antioquía ets Iconio, mëti'ipë ojts t'akajpxëtën ja ja'ay ets tyajwinmaaytyëkajtstë. Tääts ja Pablo tka'tstë, jëtu'un tjëjp'ijxtë tëë yowë tyaj'ooktë, tää tjëtujttso'ontë ets kajpnpë'am tnajtsjëtutëtë.

Hechos 14:23

Ojts ja Pablo ets ja Bernabé tnikajpxpätë ja mëjja'aytyëjk maajëty ja mëpëjkpëtëjk ye'eymyuktën, ets ja Dios tuknija'amyäjtsëtë ets y'ayuu'ajtë, ets tukë'ëtëjkëtyë ja Wintsën mëti'ipë ënety të tmëpëktën.

Hechos 17:5

Tam ja Judá ja'ayëty mëti'ipë joot'anpëjktën ets twoowmujktë ja ëxëëkja'aytyëjk mëti'ipë jëtijtëpën jam kajpnjotm ets ja ja'ay tyajjoot'anpëjktë ets ënätyë ye'eymyujktë. Ënet ojts pëyi'ikyë nyëjkxtë ma ja Jasón ja tyëjkën, ja Pablo ets Silas myatsantëp ets tkë'ëka'antë ma kutuunkën;

Hechos 20:31

Paaty yajxon mnäkyëwent'atëtëty. Ja'amyätstë ko miits tëkëëk jëmëjt ojts nyaj'ijxpëktë xëënaxy tsuunaxy ets ka'ap të ntukmëpo'kxtë ja ijxpëjkën, jëëpy yaxp miits të nkajpxwijtë nitu'ukjaty.

Hechos 23:10

Tääts ko ni'ikyë tyëjkëtyë yaxpë jojkpë, ënät ja mëj tsiptuunpë wintsën ojts tsyë'ëkë ko tsojk yowë ja Pablo yajtuknukëty. Ënet ja tsyiptuumpë tkejxy ets ja Pablo yajwijtspëtsëmëty jap mayjä'äyjoty ma ya'axtën jyoktën ets ojts twoownëjkxy jëkäm ma ja tsiptuunpë y'itën.

Hechos 23:35

Ënet ja yajkutujkpë Félix t'ënëmaay ja Pablo: Wä'än t'ëkmintë mëti'ipë mni'ë'ënëyëpën, jäänëmës nmëtowëty mëti'ipë mkajpxäämpyën. Ënet ja yajkutujkpë Félix ojts t'ëne'emy ja tsyiptuumpë ets jap tkëwent'atëty ma ja Herodes ja tyutujktaknën.

Hechos 24:27

Ko mäjtsk jëmëjt nyäjxy, ënät ja yajkutujkpë Félix ojts jyëtëkajtsnë ets ja wiinkpë tyëjkëy mëti'ipë ijty xyëëwajtypyën Porcio Festo. Félix, jä'ä tsyojkpy ets y'oyjyawëtëty ja jutiis ja'ayëty, paaty ja Pablo ojts tsumy tyajwë'ëmy.

Hechos 26:10

Jëtu'unës n'ëtëtsy jam Jerusalén, ja teety wintsëntëjk ojts xymyo'otës ja kuttujkën etsës ntsumëty nmatsëty mëti'ipë ja Jesús myëpëjktëpën ets ko yajpaye'eytyëty. Nyajkutujkpyës ijty ets y'ooktëty.

Hechos 26:29

Tääts ja Pablo y'ëtsooy: Pën ënätyë ëkë pën ka'ap, npëjktsoopyës yë Dios ets mijts, mëët ni'ëmukë yë mja'ay mëti'ipë yam myëtoowtëpën, m'itëty ijxtëm ëjtsën, oy kyakë'ëtsumyëty ijxtëmës yamën.

Hechos 28:30

Mäjtsk jëmëjt ja Pablo y'ijty ma ja tëjk t'ajuuytyukyën, oy jam pyënëty ijty kyu'ixëty ets t'ëxajë.

Hechos 5:18

ets tmajtstë ets ttsuumtë.

1 Corintios 15:10

E ja Dios tëë ja myëj'ajtën tuny, paatyës të xykyupëky ets ja mëyajtën mëti'ipë të tunyën ka'ap ja nyatëkë'aty. Nikë tëëjës wäänëni'ik ntuny këtiinëm ja wiink ijxpëjkpëtëjkëty; je'eyëp ko ka'ap y'ëjtsëty kë'ëm, Tiosës të xypyutëkë mëët ja y'oyjyot y'oywyinma'any.

1 Corintios 4:11

Tyampaatës ja ëyo'on n'ixtë npaatë, ja yuu tëëtsë ets ko ja wit xox kyaka'ty, ëxëëkjaty ja ja'ay xytyuntës, ka'apës tii ja njëën ntëjkëty.

1 Corintios 7:5

Paaty n'ënëëmëtë, këtii mnäy'ëxmatsëtëty, nätyookëtë nimäjtskëty; ënät tëy pën mkäjpxy'ajtëp ko mnäy'ëxmatsa'anëtë jä'ä ko ja Dios mëkajpxantëp. Ok jatëkok mnäpyuwa'akëtëty, këtiipë ja mëjku'u mëmëta'akëtëty ets myajpokytyunëtëty.

2 Corintios 11:27

Tëës nmënaxy nyajnaxy ja tuunk mëkpë tsaatsypë ets ja amay jotmay, ma nkama'ay nkapo'kxyës, ma ayuu nëëtëëtsë të n'ityësën ets ma ja potmjot näjyëtu'un të nyajnaxyës ets ko ja nwit nxoxës të kyaka'ty.

Efesios 3:1

Paatyës, ëjts Pablo, yap tsumy n'ity mëët yë'ëkyëjxm koos ja Kristë nmëtuny ets miits xytyuk'oy'attëty mëti'ipë ka'ap jyutiis'atën.

Deuteronomio 25:3

Ja mëti'ipë yajwojpën ka'ap tjëkyepy yajwopëty naxy wëxtyikxy'ok, këtiipë nyäjyawëtëty o'ktëy jam ma ja kutuunktëjkëtyën ets ma ja myëkunaax myëkukajpnën.

Filipenses 1:13

Koos yap jëtu'un tsumy n'ity tëë tyuny etsës nikajpx nimëtya'akëty ja Kristë mayjä'äyjoty ets näjyëtu'un ma ja kutuunktëjkëtyën ets ma oy pyënëtyën.

1 Tesalonicenses 2:9

Mëku'uktëjkëty, wa'ats ënät miits xyjyä'ämyätstë wi'ix ijty ntuntënës xëëny koots këtiipë myaj'atsiptëty ko ntukmëmëtyaktë ja oy aaw oy ayuk, mëti'ipë Dios jyä'ä'ajtypyën.

1 Timoteo 4:10

Paaty ëëts ntuntë mëk, jä'ä ko yë Dios ntuk'ijxpätës juukpyë, mëti'ipë ni'ëmukë ja'ay yajnitsokpyën, yë'ë ni'ik mëti'ipë mëpëjktëpën.

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

2 Timoteo 2:9

Ets mëët yë'ë koos ja oy aaw oy ayuk nkajpxwä'kxy paatyës n'ëyoy ets paatyës n'ity tsumy xotsy mëët yë pujxntejpxy jëtu'un tääjës jeexyë tëë nyajja'ay'ookyën; je'eyëp ko yë Dios yë y'aaw y'ayuk ka'ap tjëkyepy wi'ix yajkutsum yajkuxotsëty.

2 Timoteo 4:5

E mijts, niwijy nikejy mja'ay'atëty, mëtanë ja ëyo'on, kajpxwa'kx xëmë yë aaw ayuk oypyë, patun oy yë mtuunk.

Hebreos 11:36

Ojts wiinkpë yajnëxi'ik yajtukxi'iktë ets yajwojp yajka'tstë, wiinkëtypë pujxntejpxy yajtuktsuumtë ets pujxn tëkoty yajpëjktaktë.

Hebreos 13:17

Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Dios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.

Hebreos 13:23

Näyjyëtu'un n'ëwaanëtë ko nmëku'uk'ajtëm Timoteo të y'ëwa'atspëtsëëmnë. Pën ja'ajtp tsojk, nwowëpës ma miitsëtyën ko ënety nëjkx nku'ixëtë.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.