2 Corintios 6:17 - Biblia Dc en Mixe de Quetzaltepec

¹⁷ Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

Biblia Mixe de Quetzaltepec

¹⁷ Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

2 Corintios 6:17 ပူးပေါင်းရင်းမြစ်များ

Esdras 10:11

E tyam, yaa ma Wintsën wyintuuy, nikajpxtë ets mëmay mëtajtë wi'ix të mtëkoytyën ets xypyatuntëty mëti'ipë ja Wintsën yajkutujkpyën. Jëwa'aktë jam ma ja'ayëtyën mëti'ipë ëxëëk ja jyot wyinma'anyëtyën ets ëxmatstë tääpë to'oxytyëjkëty mëti'ipë ka'ap y'Israel ja'ay'atën, mëti'ipë wiink wintsën y'ëwtajtëpën.

Esdras 6:21

Ni'ëmukë ja Israel ja'ayëty mëti'ipë ënety të y'itën ëxwopy ixkexy ojts tkaaytya'atë ja kääky uuky mëti'ipë ënety të yajtuknikojën yë ëmaayxyëëw ets may myiintë ja'ayëty mëti'ipë ënety ka'ap të nyätyukpaatëtën ja ëxëëktu'un, ëxëëkajpxën, ka'apë të yajtukwin'ëëntën ja wit meeny; ojts myiinta'atë, tukxoontaktë ja Wintsën, mëti'ipë y'ëwtajtëpën ja Israel ja'ayëty.

Proverbios 9:6

Këtii xëmë tsuu myajpaatë, oy mjuuky'atëty: jëtu'un mnaxtëty mtëkëtëty tä ja'ayën mëti'ipë niwijy nikujk yajpatpën.

Isaías 52:11

Tso'onta'atë, tso'onta'atë jam ni'ëmukë Babilonyë, këtii nëkoo tii xy'ëktuuntëkooynyëtë, pëtsëmtë jam Babilonyë. Wa'ats mnäyaj'itëtëty miitsëty mëti'ipë mënëjkxantëpën yë Wintsën y'apëjk y'atu'unën.

Jeremias 15:17

Ëjts ka'apës nëkoo ja'ay të nmëjwa'kpety mëti'ipë yi'iyë äjtsk xoontak myëmaay myëët'ajtëpën; koos mijts të xyjyä'äniwa'any ëjts ëpëkyës të nyäyaj'ityë, jä'ä ko yë'ëjës ntsë'këp koos xytyukjoot'anpëkëty.

Jeremias 51:6

Käkpëtsëmtë jam Babilonyë. Näyyajtso'okëtë pënjaty jyëkyäjptëpën nyäyajtso'okëtëty. Këtii nëkoo xykyu'ookëtëty yë nyëë pyoky. Tëë tpaaty maas ntukumëtowa'antën ja nyëë pyokyëty etsës ntukukëpäta'antë tä pyaat'atëtën.

Hechos 2:40

Jeky ja Pedro ojts ja ja'ay tmëëtmëtyä'äky kanaakpëky, ets tjakajpxwijy: Ixmatstë ja m'ëxëëk winma'anyëty ets këtii mëët mnämyäyëtë yë ja'ay mëti'ipë näyaj'ijtëtëpën pokyjotm.

Romanos 15:7

Paaty näkyupëkëtë nixim niyam ijxtëm ja Kristë të mkupëkëtën ets ja Dios mëjjaw jaantyjawë y'itëty.

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Dios, tsojk ntu'unëm ja oypyë ets ja wa'atspë Dios wyintuuy.

Deuteronomio 14:6

Jyëkyejpy xytsyu'utstëty tëkokyë yë jëyujk mëti'ipë apu'uyëpën, mëti'ipë yë tyekyxyooky amäjtsk ëkë axeenyën.

Apocalipsis 18:4

Tääts ja wiinkpë ja ayuk nmëtooyës mëti'ipë tso'onpën jam tsajpjotm ets y'ënä'äny: Pëtsëmtë miitsëty ma ya'atë kajpnën, ninu'un njä'ä'atën, këtiipë nëkoo ja poky ets ja ëyo'on xypyaatëty,