2 Corintios 6:16 - Biblia Dc en Mixe de Quetzaltepec

¹⁶ Ka'ap tjëkyepy tu'ukyë yajpaatëty yë Dios yë jyëën tyëjk mëët yë awinax. Jä'ä ko jëtu'un ja Juukpyë Dios xyajwa'anëmë tsyënaaytyaknën. Jëtu'un ijxtëm ja Dios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

Biblia Mixe de Quetzaltepec

¹⁶ Ka'ap tjëkyepy tu'ukyë yajpaatëty yë Tios yë jyëën tyëjk mëët yë awinax. Jä'ä ko jëtu'un ja Juukpyë Tios xyajwa'anëmë tsyënaaytyaknën. Jëtu'un ijxtëm ja Tios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

2 Corintios 6:16 ပူးပေါင်းရင်းမြစ်များ

Apocalipsis 21:3

Ets nmëtooyës tu'uk ja ayuk mëk tsajpjotm y'ënä'äny: Jam ja Dios tyam y'ity ma ja ja'ayën ets jyuuky'ata'any mëët yë'ë. Yë'ëts ja'ay'atëtëp ets ja Dios yajpaata'any mëët yë'ëty.

Éxodo 29:45

Ëjtsës kë'ëm jam timyajpaataanp ma Israel ja'ayëtyën ets ëjtsës xyTios'atëp.

Hebreos 8:10

Jëtu'un y'ënä'äny ja Wintsën: Ja käjpxytyu'unën mëti'ipës nyaj'apaatëjäämpyën mëët ja Israel ja'ayëty, jä'ä xëëw, yë'ë ya'atë, jëtu'un y'ënä'äny ja Wintsën: Wyinma'anyjotyës npëjkta'aka'any ja n'ënä'ämënës ets njaaywyë'ëma'anyës ma y'aaw jyotëtyën, ëjts xyWintsën'atantëp, ets yë'ëjës nja'ay'atäämpy.

Jeremias 32:38

Nëjkxëp yë'ë nkajpniwa'anyës etsës nëjkx xyTyios'atë.

Ezequiel 11:20

Ënet nëjkx jyuuky'atë jëtu'un tääjës ja n'ënä'ämën ntëyajtën myinyën ets nëjkx tpatuntë. Nëjkxëpës nkajpn niwa'antë etsës nëjkx xyTyios'atë.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Jeremias 24:7

Nëjkxëpës nmo'otë ijxkujk ja'aykyujkën etsës ëjts xy'ijxpaatëty ko ëjts Wintsënajtp, yë'ë nëjkx nkajpn niwa'antës etsës nëjkx ëjts xyTyios'atë, jä'ä ko ëmuumtu'ukjot nëjkx jatëkok xynyiwinpitës.

1 Corintios 6:19

¿Ka'ap miits xynyijawëtë ko ja Dios mni'kx mkopk myajwa'anxëtë tä ja mëjtsajptëjkën ets ko mtsënaaytyakn'atëtë ja Kënu'kxymyëkajtën mëti'ipë ja Dios të mmo'ojëtënë?

Oseas 2:23

Nyajnaaxkëta'akäämpyës yë naax nkajpn ma tu'uk yë naaxjotmën etsës ëjts nkajpn niwa'ana'any; mpa'ëyowäämpyës yë Jo-ruhamá ets n'ënëëmëja'anyës yë Lo-ruhamá: Mijts nkajpn'ajtyp, etsës yë'ë xy'ëtsowa'any: Mijts nTios'ajtyp.

Romanos 8:11

Ets pën ijtp ja Dios ja Kyënu'kxymyëk'ajtën ma miitsëtyën, mëti'ipë ja Jesús ojts yajjuukpyikyën, yë'ë myo'ojäämpy ja juukyajtën ja mni'kx mkopkëty mëti'ipë o'kpën mëët ja Dios ja Myëjaaw myëk'ajtën, mëti'ipë juukyajtpën ma miitsëtyën.

Apocalipsis 21:7

Ya'atë kyuma'ayën'atëp pën ënety mëtakpën, etsës yë'ë xyTios'atëty ets yë'ëjës n'u'unk'atëty.

1 Juan 4:15

Pën nyikäjpxyp ko ja Jesús Dios y'U'unk'atyë, yë'ë mëët ja Dios jyuuky'äty ets Dios jam yajpaaty ma yë'ëjën.

Zacarías 8:8

etsës nyajmina'any jam Jerusalén ets jam tsyëënëty. Yë'ë nëjkx nkajpn'atës etsës nëjkx xyTyios'atë, mëti'ipë xëmë mëët'atanëtëpën ets mëti'ipë tëyajtënpë tii nyipaye'epyën.

Efesios 3:17

wä'än ja Kristë t'ity ma miitsëtyën ko të xymyëpëktë, ets ja tsojkën ja'awën yajpaatëty xëmë ma miitsëtyën.

Ezequiel 36:28

jam nëjkx mjuuky'atë ma ja kajpnën mëti'ipë ja m'aptëjk nmooytyënës, miits nëjkx nkajpn'atë, etsës nëjkx nTios'aty ma miitsëtyën.

Juan 6:56

Pën tsyu'tsyp ja nini'kxës ets y'ukpy ja ne'pnyës, tu'ukyë jyuuky'äty mëët ëjts ets tu'ukyës njuuky'äty mëët yë'ë.

Hebreos 3:6

E ja Kristë, jëtu'un jä'ä ijxtëm tu'uk ja u'unkën, oy tmëtuny ja Dios ma ja jyä'äyën, ëëtsajtëm yaj'antijëm; pën nmëpëjkëm ëmuumtu'ukjot mëti'ipë njëjp'ijxëmën.

1 Pedro 2:5

Näyjyëtu'un miits ja Dios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Dios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Dios y'oyjya'apën.

2 Timoteo 1:14

Mëët ja Kënu'kxymyëkajtën ja pyutëjkën mëti'ipë ijtpën ma ëëtsajtëmën, këwent'at ja oypyë ijxpëjkën mëti'ipë të myajtuknipëkyën.

1 Juan 4:12

Dios, ka'ap pën të y'ëk'ijxëpë. Pën nätsyojkëm ëëtsajtëm nixim niyam, yë'ë xëmë yajpaata'any ma ëëtsajtëmën ets ja tsojkën ja'awën mëtëy tyaj'awinpita'any ma ëëtsajtëmën.

Romanos 9:26

Ets näjyëtu'un, ma yajnëmaaytyën: ka'ap miits nja'ay'atë, jä'ä nëjkx yajmëkajpxtë Dios juukpyë m'u'unk'ajtëtëp.

Ezequiel 43:9

Tyam wä'än tyajëwa'kta'atë yë y'ëxëëktu'un y'ëxëëk kajpxënëty ets potsy ma ojts tyajkëxkojtën yë yajkutujkpë y'awinax, jëtu'un tjëkyäpëty njuuky'atëtyës xëmëkyëjxm ma yë'ëjëtyën.

Romanos 8:9

E miitsëty, ka'ap jëtu'un m'ëk juuky'ajnëtë ijxtëm ja ni'kx kopk tsokyën, jëtu'un miits mjuuky'atë ijxtëm ja Dios ja Kyënu'kxymyëk'ajtën tsokyën, pën tëy ko miits ja Dios Kyënu'kxymyëk'ajtën xymyëët'ajtëtë. Pën ka'ap tmëëtëty ja Kristë ja Kyënu'kxymyëk'ajtën, ka'ap ja Kristë jyä'ä'atyë.

Ezequiel 43:7

ets xy'ënëmaayës: Ya'atë jëtu'un mpo'kxtakn'ajtypyës maas nyajkutukyën, maas ja nteky mpëjktä'äkyën; yaajës njuuky'ata'any mëët yë Israel ja'ayëty xëmëkyëjxm. Yë Israel ja'ayëty ets kyutujkpëtëjkëty ka'ap nëjkx t'ëkyajnipäxëtëjkënëtë ja nxëëwës wa'atspë mëët ja y'ëxëëktu'un y'ëxëëk kajpxënëty: ka'ap nëjkx t'ëkojnëtë ja potsy ma tyajkëxkojtëtyën ja yajkutujkpë mëti'ipë ënety të y'o'knën,

Efesios 2:20

Jëtu'un miitsëty ijxtëm ja potsyën; ets ja ijxpëjkpëtëjk ets ja Dios ja kyäjpxynyajxpëtëjk jëtu'un ijxtëm ja potsy ëjxën; ja Jesukristë yë'ë jëtu'un ijxtëm ja tsaajën mëti'ipë ja potsy myëtënääpyën.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Deuteronomio 5:7

Ka'ap wiinkpë Dios xy'ëwtatëty tä ëjtsën.

Salmos 90:1

Wintsën, mijts ëëts ntsoktakn'ajtëp tyimku'ty jëtu'un yë xëëw jëmëjt.

Éxodo 34:14

Këtii wiinkëtypë wintsën xy'ëwtatëty, jä'ä ko yë Dios ni'äkë'ajtp yë'ë, jä'ä xyëëwajtyp Ni'äkë'ajtpë.

Éxodo 20:3

Ka'ap wiinkpë tios xymyëët'atëty ets ënät ëjts xy'ëxtijnëty.

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Dios xymyëtuntëty ets näjyëtu'un mkumeeny'atantëpëty.

Éxodo 23:13

Tuntë jëtu'un ya'atë mëti'ipë të ntuk'ënëëmëtën ets nijëna'a kyapëtsëmëty ma m'aaw myä'änëtyën yë xyëëw yë wiink tios.

Apocalipsis 2:1

Nnijayë yë tsajpjotmëtë kukäjpxy jampë yajpaatyën Éfeso ma ja mëpëjkpëtëjk ye'eymyuktën: Jëtu'un y'ënä'äny ja mëti'ipë myëët'ajtypyën ja wëxtujkpë ja matsa'a jam ma y'a'oy kyë'ëjotmën ets yajpaaty ma ja wëxtujkpë ja cerë ato'oyënën aak pu'ts pujxnpë.

Oseas 14:8

Ets Efraín nëjkx y'ënä'äny: ¿Tiijës nyajwa'anëty yë awinax? Kë'ëmës winë n'ixy ets kë'ëmës n'ijx'ity yë nnaax nkajpn. Jëtu'unës ëjts tä tu'uk yë tsiin kepyën xëmëpë tsyuxk'ityën, ma ëjtsën tpaata'any yë nnaax nkajpnës yë jyi'kxy pyiky.

1 Reyes 18:21

Tä ja Elías tmëwinkoony ja naax kajpn ets y'ënäny: ¿Jëna'apaat jëtu'un miitsëty ya'atë jëtu'unpë xytyuunk'ata'antë jëtu'un tä jeexyë je'eyë m'ëyë'ëktën mkëyätën ma xy'ixtën mëjpë mutskpë? Tyam yajxon n'ënëëmëtë, pën yë Wintsën yë'ë mëj ets janty mëtëy ko Tyiosëty panëjkxtëkëtë yë'ë, e pën yë Baal yë'ëts mëj oy yë'ë xypyanëjkxtëkëtëty. Ja naax kajpn nitii ayuk tkapaty.

Sofonías 1:5

Nyajkutëkoyäämpyës pënjaty jap tëjkkëjxy päjtëpën mëti'ipë y'ëwtajtëpën yë mëtsa'a, mëti'ipë näkyoxtënaaytyakëtëpën ets tkajpxpaatë yë nxëëwës, näjyëtu'un tkajpxpaatë yë tios Milcom yë xyëëw.

Éxodo 25:8

Ets xy'oytyuntëty tu'uk yë tsajptëjk, maas ëjts nyajpaatëtyën etsës mëët yë'ëjëty ntsëënëtyës njuuky'atëtyës.

Jeremias 31:1

Jëtu'un yë Wintsën y'ënä'äny: Ya'atë jëmëjt ëjts Tios'ataanp ma tëkokyë yë Israel ja'ayëtyën ets yë'ëjëty jëtu'unës nyajnaxa'antë tääjës yë nnaax nkajpnën.

Mateo 16:16

Tääts ja Simón Pedro y'ëtsooy: MKristë mijts, ja juuky Dios ja y'U'unk.

Juan 14:23

Tä ja Jesús y'ëtsoowë: Pën xytsyojkpës, myëjpëjktäkpy ja n'aaw n'ayukës; ets tsokanëp ja nTeetyës, ets nTeetyës mëët nmina'anyës etsës nyajpaata'antë mëët yë'ë.

1 Corintios 10:21

Ka'ap tjëkyepy miits xytyuk'uukëtëty ja Wintsën ja y'a'ukën ets näjyëtu'un xytyuk'uukëtë ja ku'oypyë ja jyä'ä. Ets ka'ap tjëkyepy näjyëtu'un jam myajpaatëty ma ja Wintsën ja kyääypyäjnën ets myajpaatëty näjyëtu'un ma ja ku'oypyë ja kyääypyäjnën.

Efesios 2:22

Näyjyëtu'un miits ko tu'ukyë m'itë mëët ja Kristë, tu'ukyë mwinpätë koonëm myajpaatëty ma ja Dios ja tsyajptëjkën mëti'ipë yajpatpën mëët ja Kyënu'kxymyëk'ajtën.

1 Timoteo 3:15

ets pën poxpës, mnijawëp wi'ix mëpaat ja ja'ay jyä'äy'äty mëti'ipë yajpatpën ma ja Dios ja jyëën tyëjkën, ma nyiye'eypyätën ja mëpëjkpëtëjkëty mëti'ipë ja juuky Dios y'ëwtajtëpën, mëti'ipë myëët'ajtypyën ets kyuwäänpyën ja tëyajtën.

Santiago 4:5

Tam tii ko ja Dios ja y'aaw y'ayuk këxja'aypyë y'ënä'änyën: Xytsyojkni'ikëm ëëtsajtëm ja Kënu'kxymyëkajtën mëti'ipë Dios të tpëjktä'äkyën ma ja njoot'ajt nwinma'any'ajtëmën, ets ka'ap tsoky ets wiinkpë xyjyä'ä'ajtmëty.

Lucas 5:36

Näyjyëtu'un tnimëtyäky ya'atë ijxpät: Ka'ap pën ja pakwit t'akëyë mëët jemywyit, jä'ä ko yë jemywyit nëëmujkp yë'ë ets ka'ap nyäpyäätyë oy mëët yë tukwit.