2 Corintios 5:21 - Biblia Dc en Mixe de Quetzaltepec

²¹ Kristë nitii poky ojts tkatuny, je'eyë ko ëëtskyëjxm ja Dios pyëjktakë ijxtëm jeexyë ja poky tmëët'atyën, jëtu'unts ja Dios xyaj'ëwaatsëpëtsë'emëty mëët ja Kristë.

Biblia Mixe de Quetzaltepec

²¹ Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

2 Corintios 5:21 ပူးပေါင်းရင်းမြစ်များ

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

Romanos 5:19

Yë'ë tyijpy ko tu'uk ja ja'ay kyäjpxykyumëtoownajxy, may ja ja'ay ojts tmëpokytyëjkë; näjyëtu'un ënät ko tu'uk ja ja'ay ojts kyäjpxymyëtoy, may ja ja'ay tuk'oy'ata'any ets wa'ats nëjkx wyë'ëmtë.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënety ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

1 Juan 3:5

Tëë miits xynyijawëtë ko ja Jesukristë, yë'ë të tniminy yaa naaxwiiny ets xyajpokywyatsmëty, yë'ë, ka'ap tii poky tmëëtëty.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

Filipenses 3:9

ets nyajpaata'anyës jam ma yë'ëjën; ka'ap yë'ëkyëjxmëty koos të nyajpaye'ey mëët ja ënä'ämën kuttujkën; yë'ëkyëjxm ko yajmëët'aty ja mëpëjkën ma ja Kristën, mëti'ipë ja Dios nyipaye'eyën'ajtypyën ko të yajmëpëky.

2 Corintios 5:17

Paaty tyam, pën tu'ukyë mëët ja Kristë y'ityën, jemyjä'äy yajpatnë; ka'ap y'ëkjëtu'un'ajnë ijxtëm të y'ityën, aak jemy tu'kë'ëyë të y'awinpijtaaynyë.

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

Romanos 4:25

Jesús, ojts yajkë'ëyäky ets y'ookëty mëët ko ënety ëëtsajtëm npokymyëët'ajtëmë, e ojts jyuukpyiky ets ëëtsajtëm wa'ts nwë'ëmëty.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Dios wintum.

Romanos 1:17

Ya'atë aaw ayuk oypyë yë'ë xytyukni''ijxëmë wi'ix ja Dios ja npoky'ajtëm xytyukniwatsmëtyën: mëët ja mëpëjkën tsyo'ontä'äky ets jëtu'un jyëjpkëxy. Jëtu'un ijxtëm ja Dios ja y'aaw y'ayuk këxja'ay myinyën: Ja wa'ats ja'ay mëpëjkën mëët jyuuky'ata'any.

Jeremias 33:16

Jä'ä xëëw ëwaatsëtuuy nëjkx Judá yajpaaty ets Jerusalén jotkujk nëjkx y'ity. Jëtu'un nëjkx tijtë: Yë Wintsën yë'ë xyajmëtakëm.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënety nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Hechos 3:14

Miitsëty yë'ë ojts xyajnitukëtë ja wa'ats ja'ay mëti'ipë ka'ap tii poky tmëëtëtyën ets xyaj'ëwaatsëpëtsëëmtë ja yaja'ay'o'kpë.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Dios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Dios U'unk yë'ë.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Daniel 9:26

Ko ënety të nyäxy tëkë'px mäjtsk sëmaan, ënät nëjkx ja jyuukyajtën tpëjkëtë ja yajkutujkpë kënu'kxypyë. Yë Jerusalén kajpn ets tsajptëjk yë'ë nëjkx yajkutëkoyë yë yajkutujkpë ets ja'ayëty mëti'ipë minantëpën wiink naax wiink kajpn. Jëtu'un kyukëxëja'any tä nëëkom muum tyajnikoompetyën tii winë ets mapaat jyëjpkëxyën yë juukyajtën tsip käjpxy jää itaanp ets o'kën tëko'oyën jëtu'un tä të yajtuknipëjktaakën.

Jeremias 23:26

¿Mapaat tääpë käjpxynyajxpëtëjkëty wyin'ëëna'antë, ko aakyë'ë nyimëtyaktëp ka'apë myëtëyëtyën, mëti'ipë kë'ëm wyinma'any'ajtëpën?