2 Corintios 5:18 - Biblia Dc en Mixe de Quetzaltepec

¹⁸ Tu'kë'ëyë ya'atë, aak Dios jëtu'un të tuknipëjktakëtyä'äy, mëti'ipë mëët ja Kristë të xyajnämyë'oypyëjkëmën ets të xymyo'oyëm ja tuunk ets ja ja'ay ntuk'ëwa'anëmëty wi'ix yë tsyip y'äkë tyaj'oyëtëtyën.

Biblia Mixe de Quetzaltepec

¹⁸ Tu'kë'ëyë ya'atë, aak Tios jëtu'un të tuknipëjktakëtyä'äy, mëti'ipë mëët ja Kristë të xyajnämyë'oypyëjkëmën ets të xymyo'oyëm ja tuunk ets ja ja'ay ntuk'ëwa'anëmëty wi'ix yë tsyip y'äkë tyaj'oyëtëtyën.

2 Corintios 5:18 ပူးပေါင်းရင်းမြစ်များ

Isaías 52:7

Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

Isaías 57:19

Etsës n'ënëëmëja'any nitëkokyë ja'ayëty: Ko wä'än tjotkujk'atë ja'ayëty jëkämpë ets wiinkonpë yajpaatën. Ëjts nyajtso'okäänpyës yë nnaax nkajpnës.

Ezequiel 45:15

E ma kupixynyëtyën, tu'uk xypyuyaktëty ma ja mäjtsk mëko'pxjatypyën, mëti'ipë oyëtyën mëkëtyën jampë yajpaatën Israel. Yë'ë yajtukniyakëp ko ënety yajyoxy yë aaypyajk ujtspajk, ko ënety yajyäky ja jëyujk ooky nino'okpyë ets ko ënety ja wintsë'kën yajyäky ma ja nay'ëëw'oy näykyajpx'oyë y'ityën.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Lucas 10:5

Ko muum mja'ajtakn xy'amëtowtëty, jëtu'un ja ja'ay xykyajpxpo'kxtëty: Wä'än jotkujk'ajtën tyajpaaty ma ya'atë tëjkën.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Dios tmëpëktë ets ja pyoky yajnimä'kxtëty.

Juan 3:16

Yë'ë ko Dios ni'ik ja naaxwiinyëtë ja'ay tsoky, paaty tkejxy ja y'U'unk tu'kpajkpë. Pën myëpëjkpy ka'ap y'ookëty, yë'ë myëët'atëp ja juukyajtën xëmëkyëjxmëpë.

Juan 3:27

Ets ja Juan y'ënëmaayëtë: Ka'ap pën tii tmëëtëty pën ka'ap ja Dios të myo'oyë.

Hechos 10:36

Dios ojts tmëkäjpxy ja Israel ja'ay ja y'u'unk y'okëty, tuk'ëwaanë ja jotkujk'ajtën mëët ja Jesukristë, ko yë'ë nyiwintsën'ajtääpy winë.

Romanos 11:36

Dios tu'kë'ëyë winë myëët'ajtääpy, ets yë'ë winë yaj'ijtääpy. Jëtu'un xëmëkyëjxm y'itëty ja Dios ja myëj'ajt y'oyajtën.

Romanos 5:1

Paaty ja Dios wa'ats të xyajwë'ëmëmë ko të nmëpëjkëmë, nmëët'ajtëm ja jotkujk'ajtën mëët ja Dios ko ja nWintsën'ajtëm Jesukristë të myiny naaxwiiny.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

1 Corintios 11:12

Tëy ko ja to'oxytyëjk ojts tsyoony ma ja ye'etyëjkën, ets tëy näjyëtu'un ko ja to'oxytyëjk yajmiimpy yajke'exyp ja pi'k ëna'k, je'eyëp ko Dios aakyë'ë nyikopk'ajtääpy winë.

1 Corintios 12:6

Kanaakjëjp ja mëk'ajtën mëti'ipë ja'ay yajmooytyëpën, je'eyëp ko tu'ukyë ja Dios, mëti'ipë tyuunpyën winë ets mëti'ipë winë yäjkpyën.

1 Corintios 3:5

¿Pën xyëëwajtyp Apolo ets pën Pablo? Dios ëëts yi'iyë nmëtuuntëp mëti'ipë miits të xymyëpëktën. Këëkjä'ä ëëts ja ntuunk ntuntë mëti'ipës ja Wintsën të xytyuknipëktën ets ntuntëtyës.

1 Corintios 8:6

Mëët ëëts'ajtëmë, tu'ukyë je'eyë ja Dios, ja Dios Teety yë'ë winë të tyajtso'ontakta'ay ets yë'ë ëëts nnijuuky'ajtëmë. Näy tu'ukyë ja Wintsën Jesukristë, paaty tu'kë'ëyë winë jää yajpata'ay näjyëtu'un ëëts'ajtëmë.

Colosenses 1:22

E tëë ja Dios tpëjktä'äky ja näykyajpx'oyë mëët miitsëty ko Kristë të myajjootwinpitëtë ets ko ja Kristë wyimpijty ja'ayën ets ojts mku'ookëtë kruutskëjxm. Paaty jëtu'un të tuny ets miits wa'ats myaj'ita'anëtë Dios wyintum, ka'ap tii poky xy'ëkmëët'ajnëtëty ets ka'ap m'ëk yajpoky'ijxnëtëty.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Dios wyintuuy y'itëty teety wintsën oypyë ets pa'ëyoopë ets ja Dios ja ja'ay tpokmyä'kxëty mëët ja wintsë'kën.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

1 Juan 2:2

Tëë ja Jesukristë y'ëyoy kruutskëjxm ets ja npoky'ajtëm yajmä'kxëty ets ka'ap yi'iyëty npoky'ajtëm, näjyëtu'un ni'ëmukë ja naaxwiinyëtë ja'ay.

1 Juan 4:10

Jëtu'un'äämpy ja Dios të xytsyojkëmë: ka'ap ëëtsajtëm jëwyiin të ntsojkëmë, yë'ë jëwyiin të xytsyojkëmë ets ja y'u'unk të xytyuknikäjxëmë ets të xykyu'o'këmë tääts të nyajpokymyä'kxëmë.