2 Corintios 5:15 - Biblia Dc en Mixe de Quetzaltepec

¹⁵ Ets ja Kristë tëë xykyu'o'këmë ni'ëmukë ets ja ja'ay ka'ap y'ëkjuuky'ajnëtëty ijxtëm kë'ëm tsoktën, Kristëkyëjxm jyuuky'atëty, mëti'ipë juukpyëjkën jatëkok.

Biblia Mixe de Quetzaltepec

¹⁵ Ets ja Kristë tëë xykyu'o'këmë ni'ëmukë ets ja ja'ay ka'ap y'ëkjuuky'ajnëtëty ijxtëm kë'ëm tsoktën, Kristëkyëjxm jyuuky'atëty, mëti'ipë juukpyëjkën jatëkok.

2 Corintios 5:15 ပူးပေါင်းရင်းမြစ်များ

2 Reyes 5:17

Ënet ja Naamán y'ënäny: Pën ka'ap xykyupëky, ëjts yë'ëjës yam n'amëtowäämpy ets xy'a'ixëty wä'änës yë naax mäjtsk jëyujk n'ëkpatsëmy mëti'ipë yaajën ma Israel nyaaxjotmën; jä'ä ko tëëjës ntuknipëjktaakë ko ka'apës n'ëk'ëwtatanë oynatii awinax ka'apë wyintsënëtyën ets ka'apës oynatii wintsë'kën n'ëkmo'ojanë, yi'iyë tëy mëti'ipë Wintsën'ajtpën.

Ezequiel 16:6

Ëjts winkonës nnajxy ma mijtsën, ko n'ijxy tëë mne'pny xytyukyäjtsëtyä'äy ënätës ojts n'ëna'any ko jyëkyejpy mjuuky'atëty.

Ezequiel 37:14

Ëjts miitsëty nmo'ojantëp yë xejy mëti'ipë yajjuuky'ajtpën ets mjuuky'ajtwinpitëty; ets nëjkx mpëjkta'aktë ma mkë'ëmnaax mkë'ëmkajpnëtyën. Ënet xynyijawëtëty ko ëjts Wintsën, tëëjës nikäjpxy ets tëëjës jëtu'un winë ntuny tääjës të nikäjpxyën. Ëjts Wintsën ëjts ënaanp.

Ezequiel 37:9

Ënet ja Wintsën xy'ënëmaayës: Mëkajpx ëjts nxëëwkyëjxmës ja xejy mëti'ipë yajjuuky'ajtpën ets xy'ënëëmëty: Jëtu'un yë Wintsën y'ënä'äny: Xejy mëti'ipë yajjuuky'ajtpën, mintë anëkëjxytsyow, ëpa'tkë'ëytsyow, a'oytsyow ets anajnytsyow ets mo'o juukyajtën ya'atë jot nini'kx tëëpë y'ooktën tyëkoytyën.

Habacuc 2:4

Jëtu'un xykyëxja'ajëty, ko yë ëxëëkja'aytyëjk amëj akëjxm nyäyjyawëtë e yë wa'ats ja'aytyëjk juuky wyë'ëma'antë ets juuky'atantëp mëët ko Dios oy tmëtuntë.

Zacarías 10:9

Ojtsës nyajye'eywya'kxtë ma wiinkëtypë naax kajpnën, je'eyëp ko oy ënety muum jëkäm yajpaatë, nëjkxëpës xyjyä'ämyätstë ets nëjkx wyimpitë jatëkok mëët yë y'u'unk y'ëna'këty ma nyaax kyajpnëtyën.

Lucas 1:74

ko xytyukmëmëta'aka'anëm ja nmëtsip'ajtëmë, ka'ap ntsë'këmëty, wa'ats aaw wa'ats jot n'ijtmëty ets nyajpatmëty xëmë ma yë'ëjën mapaat njuuky'ajtëmën.

Juan 5:24

Tëy miits nëëmëtë, pën xy'amëtoow'ijtpës ets tmëpëky mëti'ipës xykyäjxpën, pyaatëp y'ixëp ja juukyajtën xëmëkyëjxmëpë ets ka'ap yajpoky'ixëty, tëë ënety tu'knax ja o'kën ets tëë ënety tpaaty ja juukyajtën.

Juan 6:57

Ja nTeetyës mëti'ipës të xykexyën myëët'ajtyp ja juukyajtën ets jam njuuky'ätyës ma yë'ëjën; näjyëtu'un mëti'ipë kääpy ukp ma ëjtsën paaty jyuuky'äty jä'ä koos ëjts yaa.

Romanos 12:1

Mëku'uktëjkëty, yë'ëkyëjxm ko ja Dios pya'ëyoy nyajts'ëyowë, nmënu'kxtaktëp miitsëty ets mnätyukë'ëtëkëtëty ja Dios, miits kë'ëm wintsë'kën'atë ma ja Tiosën ijxtëm ja wintsë'kën juukpyë, wa'atspë ets mëti'ipë Dios y'oyjya'apën. Ya'atë jëtu'un wintsë'kën'ajtp mëtëypyë mëti'ipë mëpaat xyaktën.

Romanos 4:25

Jesús, ojts yajkë'ëyäky ets y'ookëty mëët ko ënety ëëtsajtëm npokymyëët'ajtëmë, e ojts jyuukpyiky ets ëëtsajtëm wa'ts nwë'ëmëty.

Romanos 6:2

Niwi'ix'äämpy. Jëtu'un nyajpatëmë ijxtëm ja o'kpë ma ja pokyën. ¿Wi'ix npokytyuun'ëtëtsmëty?

Romanos 6:6

Nnija'awëm ko ëëtsajtëm ëxëëk ijty njuuky'ajtëmë, e tëë ja njuukyajtën'ajtëm mëët tu'ukyë ja Kristë kyëruutspety, ets jëtu'un kyutëkoyëty ja ëxëëk winma'any ets ka'ap ja poky xy'ëktëytyu'unënëty,

Romanos 8:10

Pën yajpatp ja Kristë ma miitsëtyën, tam xymyëët'atë ja juukpyë ja kënu'kxymyëk'ajtën, jä'äkyëjxm ko m'itë jotkujk mëët ja Dios, oy ja jot nini'kx të jyayajpëjktä'äky o'kp mëët ko jyääjëty ja poky.

Romanos 8:2

jä'ä ko ja Kënu'kxymyëkajtën ja y'ënä'ämën mëti'ipë ja Kristë Jesús yajjuuky'äjtypyën, tëë ja myajpëtsëmyë ma ja pokyën mëti'ipë yaj'o'kpën.

Romanos 8:6

Ko ja ja'ay tmay ttajy mëti'ipë ja ni'kx kopk tsyojkpyën, tukpatëp ja o'kën; e ko ja ja'ay twinmay mëti'ipë ja Kënu'kxymyëkajtën tsyojkpyën, tukpatëp ja juukyajtën ets ja jotkujk'ajtën.

1 Corintios 10:33

Mëët ëjts, yë'ëjës njatuunpy etsës ja nmëku'uk jyotkujk'atëty, ka'apës ja nkë'ëm oyajtën n'ixta'ay, ja wiinkëtypë ja jyä'ä n'ixtaayëtëpës ets tpaatëty ja nitsokën.

2 Corintios 12:10

Ets jotkujkës näjyawëty koos n'ëyoy, koos nyajwinkäjpxy nyajjëjpkäjpxy, koos nyaj'ixjëtity nyajpajëtity ets koos ëxëëk ja Kristë nkujatë. Koos npëkyë n'ixyë jääjës näjyawëty nmëktä'äky.

2 Corintios 3:6

Yë'ë të xyajwij të xyajkäjëm ets ja käjpxytyu'unën nkuuytyu'unmëty; ka'ap yë'ëjëty mëti'ipë Moisés yajmooyën, yë'ë mëti'ipë ja Kënu'kxymyëkajtën tyuunpyën. Yë ënä'ämën tëyajtën je'eyë nyi'ënä'ämë ets n'o'kmëty, e yë Kënu'kxymyëkajtën yäjkpy yë juukyajtën.

2 Corintios 5:16

Paaty ëëtsëty ka'apës ja njëëky nmëku'uk jëtu'un n'ëk'ijxnëtë ijxtëm ja naaxwiinyëtë ja'ayëtyën, oy ijty tëëyëp ja Kristë n'ixtës ijxtëm yë naaxwiinyëtë ja'ayëtyën, tyam ka'apës jëtu'un ja winma'any n'ëkmëët'ajnëtë.

Gálatas 5:25

Pën jëtu'un ëëts njuuky'ajtëm ijxtëm ja Kënu'kxymyëkajtën tsokyën, nkupëjkëm näjyëtu'un ets ja Kënu'kxymyëkajtën xynyë'ëmo'oy xytyu'umo'omyëty.

Efesios 4:17

Ya'atës nnikäjpxyp ets yë'ë yam ntukkë'ëtëjkëtyëp ma ja Wintsën Jesukristë ja xyëëwën: Ko ka'ap jëtu'un m'ëkjuuky'ajnëtëty ijxtëm ja ja'ayëtyën mëti'ipë ka'ap ja Dios tnijawëtën, mëti'ipë jëtu'un juuky'ajtëpën ijxtëm ja kyë'ëm jot kyë'ëm winma'anyëtyën,

Efesios 5:14

Jä'ä ko ja ajajk atë'kxk tu'kë'ëyë tyajnikëxë'kta'ay. Paaty y'ënä'äny: Wijtë käjtë mëti'ipë jëtu'un ijtëpën tä ja'ay myä'äyën, pëtë'ëktë ets ka'ap m'ëk ijnëtëty ijxtëm ja o'kpën, jëtu'un ja Kristë mkujaj mkutë'kxëtëty.

Colosenses 2:12

Jëtu'un miitsëty ijxtëm ja Kristë jeexyë mëët të mnaaxtëkëtën nëëpäjtënkyëjxm ets tëë mëët mjuukpyëktë jä'ä ko të xymyëpëktë ja Dios ja myëk'ajtën, ja Dios mëti'ipë Kristë yajjuukpyëjkën.

Colosenses 3:1

Jä'ä ko m'itë ijxtëm jeexyë të mjuukpyëktën mëët ja Kristë, ixta'atë mëti'ipë tsajpjotmën, ma ja Kristë jap y'u'unyën Dios y'aka'anytsyow.

Colosenses 3:17

Ets tu'kë'ëyë mëti'ipë mtuuntëp mkajpxtëpën, tuntë Wintsën Jesús xyëëwkyëjxm, mo'otë ja Dios ja kukajpxën Jesukristë mëët.

Colosenses 3:23

Tu'kë'ëyë mëti'ipë mtuuntëpën, tuntë jotkujk, ijxtëm jeexyë ja Dios yë'ë xymyëtuntën ka'apë jyä'äyëtyën.

1 Tesalonicenses 5:10

Tëë ja Kristë xykyu'o'këmë ets mëët n'ijtmëty, oy njuuky'ajtmëty ëkë oy n'o'kmëty.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

1 Pedro 4:6

Paatykyëjxm ojts näjyëtu'un yajtukmëmëtyaktë ja oy aaw oy ayuk mëti'ipë të y'ooktën ets ja y'anëmë jyuuky'atëty ijxtëm ja Dios tsokyën, oy ja nyi'kx kyopk të jya'ooktë.

1 Juan 4:9

Tëë ja Dios xytyuk'ijxëm ja tsyojkën ko ja tu'kpajkpë ja y'U'unk të xytyuknikäjxëmë yaa naaxwiiny ets ja juukyajtën të xytyukpatëmë.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kuttujkën ja nyi'ëwatsn.