2 Corintios 5:13 - Biblia Dc en Mixe de Quetzaltepec

¹³ Pën tsuu ëëts ja ja'ay xytyijtë, Tioskyëjxm ëëts ntsuu'atë; e pën ka'ap, miits mtuk'oy'atantëp.

Biblia Mixe de Quetzaltepec

¹³ Pën tsuu ëëts ja ja'ay xytyijtë, Tioskyëjxm ëëts ntsuu'atë; e pën ka'ap, miits mtuk'oy'atantëp.

2 Corintios 5:13 ပူးပေါင်းရင်းမြစ်များ

Jeremias 29:26

Mijts yë Wintsën të mpëjktä'äkyë ets mteety'atëty ets xykyutëkëty yë Joiadá ets mijts mniwintsën'atëp ja tsajptëjk ma yaj'ijx'ity yajkëwent'atyën. Ko pën ja'akyupoj myinëty ets tyëkëty ëëpë kajpxpë jëtu'un tä käjpxynyajxpën, ënätyë xymyatsëty ets xypyëjkta'akëty ma ja kepyën mëti'ipë pokyjyä'äy yajtukyo'ktsuumpën ets yë'ë mtukutsumëp yë pujxntä'äky.

Marcos 3:21

Ko ja Jesús ja myëku'uktëjk tnija'awëtyë, ënät nyimiinëtë ets yajtsoona'anëtë jä'ä ko jëtu'un ënety myäytyë tyajtë ko tëë lyokëjaty.

Romanos 12:3

Jä'äkyëjxm ko ja Dios ja mëyajtën të tuny ma ëjtsën, paaty miits nëëmëtë ko ka'ap je'eyë mnämyëmay mnämyëtajëtëty ets mnämyëjpëjkta'akëtëty. Yë'ë mëmay mëët'ajtëp wi'ix ja Dios të mmo'ojëtën ja wijyajtën kejyajtën mëët ja mëpëjkën.

2 Corintios 11:1

Jääpëk wäänë xyjyä'äkyukëtë koos yam ja'aykupojën nkuxiik nkukajpxë. Oy y'ëkwi'ixëty tëëjës kupëjktëkës.

2 Corintios 12:11

Jëtu'unës yam nkäjpxy nmëtyä'äky ijxtëm tu'uk ja ja'akyupojën, je'eyëp ko miits të xy'akwanë'atës etsës jëtu'un n'ëtë'ëtsëty. Jä'ä ko miits mjapatëtëp jeexyë oy xynyimëtya'aktës, ëjts ka'apës tii nkëjxmëty ma tääpë ja'ayëtyën mëti'ipë nätyijëtëp mëj ayuk käjpxynyajxpë. Ma yë'ëjëtyën, ëjts ka'apës tii ntsowëty.

2 Corintios 12:6

Koos jeexyë n'ëknämyëjawëja'anyë, ka'ap jëtu'un yaj'ixëty tsuunwinma'anyën, jä'ä ko ja mëtëypyës ënety nimëtyäkpy; je'eyëp ko ka'apës jëtu'un ntuny, këtiipë pën wyinmayëty ko ni'ikës tii nijawë këtiinëm mëti'ipës nnikäjpxypën,

2 Corintios 7:12

Jëtu'unts, ko ojts miits ntuknikäjxtë ja noky, ka'ap yë'ëkyëjxmëty ntuknikäjxtë ko jam ja tuuntëkoopyë ets mëti'ipë yajmëtuuntëkoopyën. Yë'ëkyëjxm ojts ntuknikäxtë ja noky ets yaj'ixëty Dios wyintum ko miits ëëtsëty xymyëmay xymyëtajtës.

Colosenses 1:24

Jotkujkës näjyawëty ko miits nku'ëyowëtë, jëtu'unës nyajkä'pxy ja ëyo'on maas ja njot nini'kxën, mëti'ipë ja Kristë kyayajka'pxën ma tku'ëyo'owëyën ja mëpëjkpëtëjkëty, mëti'ipë yë'ë nyi'kx'ajtyp kyopk'ajtypyën.

1 Tesalonicenses 1:5

paaty ko ojts miits ntuk'ëwaanëtë ja oy aaw oy ayuk, ka'ap ojts je'eyë nwinmëtya'aktë, ja Dios yë myëjaaw myëk'ajtën ets ja Kyënu'kxymyëk'ajtën ojts xyajtuntës ets tsyojkën jya'awën. Wa'ats miits xynyijawëtë wi'ixës ojts winë ntuntën ma miitsëtyën ets xytyuk'oy'attëty.

2 Timoteo 2:10

Paatyës nkupëky akujk jotkujk oymyëti'ipë ëyo'onëty ets tpaatëty ja nitsokën ets ja Jesukristë ja y'oyajtën mëti'ipë ja Dios të wyinwitsëtën.