2 Corintios 5:11 - Biblia Dc en Mixe de Quetzaltepec

¹¹ Paaty ko yajnijawë ko ja Dios mëpaat yajwinkutsë'ëkë, paatykyëjxm ja ja'ay jëtu'un jyayaj'ënëëmëtë. Ko ja Dios wa'ats ëëts xy'ixy'atë ets ntsojktëpës ets miits näjyëtu'un xy'ixy'attëtyës.

Biblia Mixe de Quetzaltepec

¹¹ Paaty ko yajnijawë ko ja Tios mëpaat yajwinkutsë'ëkë, paatykyëjxm ja ja'ay jëtu'un jyayaj'ënëëmëtë. Ko ja Tios wa'ats ëëts xy'ixy'atë ets ntsojktëpës ets miits näjyëtu'un xy'ixy'attëtyës.

2 Corintios 5:11 ပူးပေါင်းရင်းမြစ်များ

Génesis 35:5

Ko yë Jacob tsyo'ontë jam ma kajpnën mëët tu'kë'ëyë y'u'unk y'ëna'k y'u'unk tyo'oxytyëjk ets tu'kë'ëyë jënu'un ënety winë tmëët'atyën, ënät ja ja'ayëty tsyë'këtyaktë, mëti'ipë jam kukajpnajtëpën, paaty ojts ka'ap twinmaytyë tpaatsoontëty ja Jacob ets mëët tu'kë'ëyë ja jyä'äy.

Job 18:11

Oy maatsow jyanëjkxy je'eyëm ëyo'on pyaata'anyë; jëtu'un xëmë nyäjyawëty yaj'ixjëtijtp yajpaajëtijtp yowë.

Job 31:23

Ëjts tëëjës ntsë'ëkë Dios yë tyiytyu'unën; ka'apës ijty nmëmëta'aka'any yë myëj'ajt y'oyajtën.

Job 6:4

Mëti'ipë maaytyääyëpën winë, jëtu'unës të xytyuny ijxtëm jeexyë të xytyukmoxmëkumën yë xyëwät ets të tukye'eyëtyä'äy yë njot nini'kxës. Tëës yë Dios xytyuktu'u'ëtujkta'ay yë ëyo'on jotmay.

Salmos 73:19

Tsojkyë nëjkx kyutëkoytyë. Yë tsë'ëkë yë'ë nëjkx yajkëxëtë.

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

Salmos 90:11

¿Pën y'ëknija'ap? wi'ix mijts janty mëk mjoot'anpëkyën ets ¿pën y'ëknija'ap? wi'ix m'ëwa'antä'äkyën.

Isaías 19:16

Ja Egiptë ja'ayëty wintse'kny nëjkx y'awinpitë, tsyë'kënëtëp oytyiijëty ets tsyë'ëkëjantëp ko ja Wintsën ënety ja kyë'ë t'akojxmuky.

Isaías 33:14

Jam Sión, janty tsëtyuuytyëp ja pokyjyä'äytyëjkëty ets ja ëxëëkja'aytyëjk janty tsë'këtyëp ets y'ëna'antë: ¿Pën jëtää y'ëkmëmëta'akëp ya'atë mëj jëën mëti'ipë no'ktëkoopyën mëti'ipë jam toopyën jäämpën ma o'ktaknën?

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Mateo 25:46

Ja ëxëëk ja'ay ëts jap yë nyëjkxa'antë ëyoowtaknjoty, e ja wa'ats ja'ayëty jap ja nyëjkxa'antë ma juukyajtën yajpaatyën xëmëkyëjxmëpë.

Lucas 12:5

Yë'ë ntuk'ëwaanëjantëp pën mëpaat xytsyë'ëkëtë. Tsë'ëkëtë ja Dios. Ko ënety tëë ja mni'kx mkopk y'ooktë yë'ë yajkutukäämpy pën mnëjkxtëp ëyoowtaknjoty ëkë ka'ap.

Lucas 16:31

Tääts ja Abraham y'ëtsooy: ¿Pën ka'ap tkupëktë mëti'ipë ja Moisés jyääyën ets wi'ix y'ëna'antën ja Dios ja kyäjpxynyajxpëtëjk, nän ka'ap tmëpëka'antë oy tu'uk ja o'kpë jyatimjyuukpyëjkpë.

Hechos 13:43

Ko ye'eywya'kxnëtë tsajptëkotm, nimay ënety ja jutiis ja'ay jam ets näjyëtu'un ja ja'ayëty mëti'ipë ënety të tmëpëjknëtën ja jutiis ja'ay ja myëpëjkënëty, jä'ä pyanëjkxtë ja Pablo ets ja Bernabé. Ënet ja Pablo ets ja Bernabé ojts tkajpxwijtë ja ja'ayëty ets nyäyaj'itëtëty mëët ja Dios ja tsyojkën jya'awën.

Hechos 18:13

ets t'ënëmaaytyë ja yajkutujkpë: Ya'atë ja'ay, nëkoo naax kajpn t'ëkyajma'tnë jä'ä ko y'ënä'äny ets ja ja'ay ja Dios twintsë'ëkëtëty jëtu'un ijxtëm ka'ap kyutukyëtyën ma ja ënä'ämënën.

Hechos 18:4

Winsábëdë ijty nyijkx tsajptëkotm, ets ja ja'ay mëët kyäjpxy myëtyä'äky, jëtu'un ja ja'ay tjayajmëpëka'any, wä'än tjutiisëty ets tkajutiisëty.

Hechos 19:26

Tëë xy'ixtë xynyijawëtë ko tää ja Pablo jyëtity ets y'ënä'äny ko ka'apëk tyiosëty mëti'ipë ja'ay y'oytyuunpyën. Tëë ja'ay may yajtukmëpëktë jëtu'unpë ja winma'any, ka'ap yääyëty Éfeso, näjyëtu'un jam Asia nyaaxjotm.

Hechos 26:26

Yë yajkutujkpë Agripa, nyija'ap wa'ats jëtu'unpë winma'any, paatyës yaa akujk jotkujk nnikäjpxy ma yë'ëjën. Ka'apës yë'ëjëty nikäjpxy mëti'ipë ayu'utsy ame'tsyë të tyuny të jyätyën.

Hechos 28:23

Ënet tkäjpxy'ajtë jëna'a jatëkok ye'eymyuka'antë. Ko tpaty ja xëëw ets ja ja'ay nimay ye'eymyujktë ma ja Pablo ënety të jyajtä'äkyën. Ënet ja Pablo tyëjkëy mëtyakpë, jëtu'un kyutsu'ujëy, tuk'ëwaanë ja ja'ay wi'ix ja Dios ja kyutujkën. Jä'ä tyukmëmëtyak ja Moisés ja y'ënä'ämën ets wi'ix ja Dios ja kyäjpxynyajxpë y'ëna'antën, jëtu'un ojts tjatukmëpëka'any ko Jesús yë'ë jëtu'un Kristë.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

2 Corintios 5:20

Yë'ë të xytyuknipëjkëm ets ja Kristë nkutënä'ämyëty, ets jëtu'un tpaaty ijxtëm jeexyë miits mmënu'kxta'akëtën ja Dios, je'eyëp ko ëëts xyajkajpxtëp. Jëtu'un miits nmënu'kxta'aktë mëët ja Kristë ja xyëëw ets mnämyë'oypyëkëtëty mëët ja Dios.

2 Corintios 6:1

Jëtu'un, ijxtëm ëëtsajtëm nmëtu'unëmën ja Dios, tyam nmënu'kxta'aktë ets xytyukjuuky'atëty ja oyajtën mëti'ipë ja Dios të mtuk'ixëtën,

Gálatas 1:10

Ëjts ka'apës yë'ëjëty n'ixta'ay etsës yë ja'ay xykyumayëty, yë'ëjës ntsojkën'ajtyp etsës yë Dios xykyumayëty. Ka'apës yë'ëkyëjxmëty winë ntuny ets naaxwiinyëtë ja'ay xy'oyjyawëtyës. Koos jeexyë ëjts oy nwë'ëma'any ma naaxwiinyëtë ja'ayëtyën, ka'ap ënety ja Kristë ëjts xy'ëktuunpë'ajnë.

Efesios 5:21

Näjyä'äkyukëtë nixim niyam jä'ä ko Kristë xywyintsë'ëkëtë.

Hebreos 10:31

Mëj ëyo'on yë'ë ko Dios Juukpyë xytyiytyu'unmëty.

Hebreos 12:29

Jä'ä ko jëtu'un ja nTios'ajtëmë ijxtëm ja jëënën mëti'ipë yajtooytyëkoopyën winë.

Judas 1:23

Yaj'ëwaatspëtsëmtë ja mëti'ipë jëënjoty yajpatëpën, mmëët'atë ja pa'ëyo'owën ma mmëku'ukëtyën, ets näkyëwent'atëtë ma ja ja'ayëtyën mëti'ipë tëë tyaj'ëxëëkëtën ja wyit tyujkxyëty mëët ja ëxëëk juukyajtën.

Apocalipsis 20:15

Jap yajkujëpijpëtyääytyë mëti'ipë ja xyëëw ka'ap y'akëxë'ëkën nokyjoty mëti'ipë juukyajtënmëëtën.