2 Corintios 4:7 - Biblia Dc en Mixe de Quetzaltepec

⁷ Ijxtëm ja ja'ay ja myeeny tpëjkë'ëkyën naax tu'tsjoty, jëtu'un ya'atë oyajtën nmëët'ajtëmë ma ja ni'kx'ajt nkopk'ajtëmën ets nyikëxë'ëkëty ko jam tsyoony ma Tiosën.

Biblia Mixe de Quetzaltepec

⁷ Ijxtëm ja ja'ay ja myeeny tpëjkë'ëkyën naax tu'tsjoty, jëtu'un ya'atë oyajtën nmëët'ajtëmë ma ja ni'kx'ajt nkopk'ajtëmën ets nyikëxë'ëkëty ko jam tsyoony ma Tiosën.

2 Corintios 4:7 ပူးပေါင်းရင်းမြစ်များ

Job 10:9

Ja'amyäts ko naax mwinpëjkmujk etsës ojts xyajkojy, ¿e tyam näy naaxës jatëkok xyaj'awinpita'anyë?

Job 33:6

Mijts ets ëjts tu'knax'ajtëm Dios wyintum; ëjts naaxës ojts nyajtukpotsy.

Job 4:19

¿wi'ixpëm jëtää tu'uk yë naaxwiinyëtë ja'ay mëti'ipë ka'ap tii tkëjxmëtyën, mëti'ipë jëtu'un kojy mä'kxy ijtpën tä jëën tëjkën mëët yë mo'onts naaxwayjotypë kyojyëtyën ets kyutëkoyëty tä waanyën?

Lamentaciones 4:2

Yë Sión ja'ayëty, mëti'ipë ijty yajtsojktëpën, mëti'ipë ijty tsoopatëpën këtiinëm yë pu'ts pujxn, tyam jëtu'un yajjawëtë naaxtu'tsën.

Mateo 13:44

Jëtu'un ja tsajpjotmëpë kuttujkën tä wit meenyën mëti'ipë yu'utsy ijtpën ma tu'uk ja kamën. Tu'uk ja ye'etyëjk tpaaty ets jatëkok nän jam tyu'utsy; akujk jotkujk nyijkxy ets tooky tiijaty myëët'ajtypyën ets tjuy ja naax ma ja wit meeny të tpaatyën yu'utsy.

Mateo 13:52

Ënet ja Jesús y'ënëmaayëtë: Ko tu'uk tsajptëkotyëtë yaj'ijxpëjkpë yajtukni''ixë ja tsajpjotmëpë kuttujkën, jëtu'un tä tu'uk ja'ayën mëti'ipë kutëjk'ajtpën, nyija'ap mëti'ipë jap tëkoty myëët'ajtypyën pëjkë'ëky, ets ko tii jap tyajpëtsëma'any nyija'ap mëti'ipë jemyën ets mëti'ipë tëkën.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

1 Corintios 1:28

Dios tëë ja ja'ay twinwitsy mëti'ipë ka'ap yajtsoktën ets mëti'ipë ka'ap yajmëjjaw yajjaantyjyawëtën yaa naaxwiiny ets këtiipë yë'ë mëj'äämpy y'itëty mëti'ipë mëj këjxm näyajnajxëtëpën yaa naaxwiiny,

2 Corintios 10:10

Jä'ä ko tam mëti'ipë ënaanpën: Yë Pablo nëkoo y'ëk'ënä'ämnë mëët yë noky, koos muum nyajpaaty ka'apës pën tii ntuk'atsip'aty ets ka'apës pën tii atsip ntuktuny.

2 Corintios 13:4

Tëy ko jëtu'un ojts kyëruutspety ijxtëm jeexyë tkamëët'atyën ja mëk'ajtën, je'eyëp ko juuky'ajtp ja tyam mëët ja Dios Teety ja myëk'ajtën. Näyjyëtu'un ëëtsëty yë Kristë nmë'ëyoowpättës, je'eyëp ko Dios xymyëk'ajtënmooytyëpës ets njuuky'attës mëët ja Kristë ets miits nputëkëtëty.

2 Corintios 4:1

Paatyës ka'ap n'ëxëëkjawëtë, jä'ä ko Tiosës të xytyuknipëktë ya'atë tuunk mëët yë pya'ëyo'ow nyajts'ëyo'owën.

2 Corintios 5:1

Jëtu'un ëëtsajtëm tä tu'uk ja tëjkën naaxwiinypë yajpaatyën, tä wit tëjkën mëti'ipë ka'ap jeky y'ityën; je'eyëp ko nnija'awëm pën ya'atë tëjk wintëkoopy, tap ja Dios xytyukjëjp'ijxëm tu'uk ja tëjk tsajpjotm mëti'ipë xëmëkyëjxm ijtpën, mëti'ipë ka'ap jyä'äyëty të tkojyën.

2 Corintios 6:10

Jëtu'unës nyaj'ixtë maaytyëp tajtëpës yowë, je'eyëp ko jotkujkës n'itë; ëyoowtëpës nyaj'ixtë, je'eyëp nyajjotkujktaktëpës may ja ja'ay; jëtu'un kyëxë'ëky ka'apës yowë tii nmëët'atë, e nmëët'ajtaaytyëpës winë.

Efesios 2:5

tëë xymyo'oyëmën ja juukyajtën ko mëët ja Kristë ma ënety nyajpatëmën ooky ko ja nëë poky nmëët'ajtëmë. Dios ja myëyajtën të ttuny ets miits të xypyaatë ja nitsokën.

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Colosenses 1:27

Jëtu'unts yë'ë të tuknijawë mëti'ipë ka'ap jyutiis ja'ay'atën ets tnijawëtëty ja mëj'ajtën jaanty'ajtën mëti'ipë ijty ka'ap yajnijawën. Ja yu'utsypë ijty y'ityën yë'ë ja Kristë, mëti'ipë tyam yajpatpën ma miitsëtyën, mëti'ipë mjëjp'ijxtëpën ets mtukpaatëtëty ja mëj'ajtën jaanty'ajtën.

Colosenses 2:12

Jëtu'un miitsëty ijxtëm ja Kristë jeexyë mëët të mnaaxtëkëtën nëëpäjtënkyëjxm ets tëë mëët mjuukpyëktë jä'ä ko të xymyëpëktë ja Dios ja myëk'ajtën, ja Dios mëti'ipë Kristë yajjuukpyëjkën.

Colosenses 2:3

Kristë mëët yajnijawë tu'kë'ëyë ja wijyajtën kejyajtën ets ja'aykyujkën mëtoowkujkën.

1 Tesalonicenses 1:5

paaty ko ojts miits ntuk'ëwaanëtë ja oy aaw oy ayuk, ka'ap ojts je'eyë nwinmëtya'aktë, ja Dios yë myëjaaw myëk'ajtën ets ja Kyënu'kxymyëk'ajtën ojts xyajtuntës ets tsyojkën jya'awën. Wa'ats miits xynyijawëtë wi'ixës ojts winë ntuntën ma miitsëtyën ets xytyuk'oy'attëty.

1 Tesalonicenses 4:4

mjattëp wi'ix mjot mnini'kx xymyajts'ittëty ets m'ittëty oy wa'ats ets wintsë'kën mëët,

2 Timoteo 2:20

Ma tu'uk ja mëj tëjkën, ka'ap jap yi'iyëty yajpaaty yë pu'ts pujxn ets poop pujxn, tap näjyëtu'un kepytyexy, naax texy. Jënaakën mëti'ipë tuunpën jëna'ajëty ets jënaakën mëti'ipë tuunpën xëmë.

Jueces 7:2

Ënet ja Wintsën t'ënëmaay ja Gedeón: Naxy yë ja'ay nimay xywyoomiinë, ko ënät ka'ap tyajmëta'aktëty yë Madián ja'ayëty ëna'antëp ënät ko jä'ä ko nyimay'atë paaty të myëta'aktë.