2 Corintios 4:2 - Biblia Dc en Mixe de Quetzaltepec

² Ka'apës tii ayu'utsy të ntuntë jëtu'un tä jeexyë tii yajtsëtyu'unjawën; ka'apës pën je'eyë të nwin'ëëntë ets ja Dios ja y'aaw y'ayuk të nyajtëkajtsëtë, tëy jaantyës të nnikäjpxy të nnimëtya'aktë mayjyä'äyjoty Dios wyintum.

Biblia Mixe de Quetzaltepec

² Ka'apës tii ayu'utsy të ntuntë jëtu'un tä jeexyë tii yajtsëtyu'unjawën; ka'apës pën je'eyë të nwin'ëëntë ets ja Tios ja y'aaw y'ayuk të nyajtëkajtsëtë, tëy jaantyës të nnikäjpxy të nnimëtya'aktë mayjyä'äyjoty Tios wyintum.

2 Corintios 4:2 ပူးပေါင်းရင်းမြစ်များ

1 Reyes 18:34

Tä y'ënäny: Tuktä'ämëtya'atë taxk yë tu'ts mëët yë nëë ets xytyuknitamtëty yë tsajpkaa tsu'utsy mëti'ipë yajnino'okaanpën ets näjyëtu'un xytyuknitaanpëtëty yë ja'axy. Mëtëkëëk ok ojts tuk'ëne'emy ets jëtu'un tuntëty, ojts jëtu'un tjantytyuntë.

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Dios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Romanos 6:21

¿E tii jap të xypyaatë? Tyam je'eyë mtsëtyuunëtë ko jëtu'un të mjuuky'atë, jä'ä ko je'eyë ja o'kën të mtukpaatëtë.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Dios yë mëyajtën të tuny etsës oy njuuky'atëty.

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

2 Corintios 11:6

Oyës nyajtijy koos n'awë'ëmë, nija'apës mëti'ipës nikäjpxypën. Miitsëty tëë wa'ats ntuk'ix ntuknijawëtë wi'ixës winë të ntuntën.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

2 Corintios 5:11

Paaty ko yajnijawë ko ja Dios mëpaat yajwinkutsë'ëkë, paatykyëjxm ja ja'ay jëtu'un jyayaj'ënëëmëtë. Ko ja Dios wa'ats ëëts xy'ixy'atë ets ntsojktëpës ets miits näjyëtu'un xy'ixy'attëtyës.

2 Corintios 6:8

Jëna'ajëtyës pën xykyamëj'ixtë ets jëna'ajëty pën xyajjotma'atës; jëna'ajëty nyajnimëtya'aktës ëxëëk oyës ja mëtëypyë njanimëtya'aktë.

2 Corintios 7:14

Tëëyëm ënety ja Tito nëëmës ko miitsëty oy winë xytyuntë, ets ka'apës ja n'ayuk nëkoo të nyatëkë'aty. Jëtu'un ijxtëm tyiyëty jyääntyëty miits të ntukmëmëtya'aktën, näjyëtu'un tëy jaanty ja Tito të nëëmëtës: Ko ntukjotkëtaktëpës miits ja mtuunkëty.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

Efesios 5:12

Tsëtyu'un je'eyë xytyukpatmëp ko nnimëtyakmëty mëti'ipë tyuuntëpën ayu'utsy ame'tsyë.