2 Corintios 4:17 - Biblia Dc en Mixe de Quetzaltepec

¹⁷ Ja ëyo'on mëti'ipës yaa nmënajx nyajnajxtëpën, ka'ap yë myëjwiin kyëjääjëty, tsojk nyäxy; wäänë mëj ja mëj'ajtën jaanty'ajtën xytyukpatmëty xëmëkyëjxmëpë.

Biblia Mixe de Quetzaltepec

¹⁷ Ja ëyo'on mëti'ipës yaa nmënajx nyajnajxtëpën, ka'ap yë myëjwiin kyëjääjëty, tsojk nyäxy; wäänë mëj ja mëj'ajtën jaanty'ajtën xytyukpatmëty xëmëkyëjxmëpë.

2 Corintios 4:17 ပူးပေါင်းရင်းမြစ်များ

Romanos 8:18

Ja ëyo'on mëti'ipë tyam nmënajx nyajnajxëmën yi'inëm yë'ë, ko mëët n'ijxkijpxmëty ja mëj'ajtën jaanty'ajtën mëti'ipë ok npaata'anëmën.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

Romanos 8:37

Ko tii xyjyajtëm xykyëpäjtëm, nmëmëtakëm, jä'äkyëjxm ko ja Kristë xypyutëjkëmë, mëti'ipë ni'ik xytsojkëmën.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

1 Corintios 2:9

E jëtu'un të jyäty ijxtëm kuja'ay myinyën: Ni pën tka'ixy tkamëtoynyëm ets ni pën tkawinmaynyëm mëti'ipë ja Dios të tuknipëjktaakën.

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Romanos 8:34

¿Pën xy'ëkyajnitujkëmëp? Kristë Jesús mëti'ipë ojts y'ookyën ets mëti'ipë ojts jyuukpyikyën ets tam yajpaaty Dios y'aka'anytsyow ma xynyinu'kxtakëmën.

Romanos 2:7

Myo'ojäämpy ja juukyajtën xëmëkyëjxmëpë mëti'ipë y'ijxtaaytyëpën ja mëj'ajt oyajtën, xoontakën ets ka'apë kyixy nyäxyën, ets të tuntë xëmë ja oypyë;

Filipenses 1:19

jä'ä ko nija'apës koos npaata'any ja nitsokën, nkukajpxëpës ko tëë ja Dios xytyuknija'amyätsëtës ets tëë näjyëtu'un ja Jesukristë ja Kyënu'kxymyëk'ajtën xypyutëkës.

Isaías 54:8

Koos yë joot'an xytyuktëjkëy poj'am, ojts nkuke'eky ets nwinwa'ktuty, e mëët ja tsojkën ja'awën xëmëkyëjxmëpë ojts jatëkok npa'ëyoy. Jëtu'un ja Wintsën y'ënä'äny, mëti'ipë yaj'ëwaatsëpëtsëëmpën.

Salmos 119:71

Nikë tëë tyim'oyë koos ëxëëk të njaty, jëtu'un'äämpyës të nja'akyukë etsës të nnijawë yë m'ënä'ämën mtëyajtën.

Salmos 73:24

tëës mijts xytyu'uwinye'ey mëët yë m'ëëwij mkajpxwijën, e ko ja xëëw jëmëjt tpaatëty mijtsës xy'ëxajëjaanp mëët yë xoontakën.

Hechos 20:23

Yi'iyës nija'ap, ko oymyaajëty ntimnyijkxyës, jëtu'unës ja Kënu'kxymyëkajtën xy'ënëëmë ko ja pujxntëjk ets ja ëyo'on jotmayës jam xyjyëjp'ijxp.

Mateo 5:12

Xi'iktë xontë ets jotkujk yajpaatë, jä'ä ko mëj ja Dios mkumaya'anëtë; jä'ä ko näjyëtu'un ojts t'ixjëtit tpajëtitë ja Dios kyäjpxynyajxpëtëjk mëti'ipë tëëyëp juuky'ajtëpën ma ënety miitsëty ka'ap mjuuky'atënëm.

Isaías 64:4

Ni ma kyayajmëtoy'äty wiinkpë Dios jëtu'unpë tä mijtsën, mëti'ipë jëtu'un winë tyuunpyën tä mijtsën ma ja y'u'unk y'ëna'kën mëti'ipë tukjotkujk'ajtëpën.

Salmos 119:67

Maanëmës ënety ka'ap ëxëëk njaty nkëpetynyëmën, ojtsës wiinkjaty winë ntuny, e tyam yë'ëjës nmëmëtoopy yë m'aaw m'ayuk.

Salmos 31:19

Janty mëj yë m'oyjot m'oywyinma'any xyajnikëxë'ëky ma ja'ayëtyën mëti'ipë mtukxoontakëtëpën. Jëtu'un xypyëjkë'ëky tä yë wit meenyën, ets wa'ats xytyuk'ixy xytyuknijawë ko xyajwä'kxy yë m'oyajtën ma ja'ayëtyën mëti'ipë ëmuumtu'ukjot mtuk'ijxpäjtëpën.

Salmos 30:5

Yë'ë tsojk'am yë tsyip y'äkë tmëët'aty, yë'ë y'oyjyot ijtëëp xëmë maapaat njuuky'ajtëmën. Pën jë'ëyëm yaxëm koots, komjëpom jotkujk nyajpaata'anëmë.

Génesis 15:1

Ënet yë Dios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

1 Juan 3:2

Mëku'uktëjkëty ninu'un miits ntsoktën njawëtën, Dios ëëts tyam xy'u'unk'ajtënëp. Oy nkanija'awëmë wi'ix ok nyajpaata'anëmën, tëë nnija'awëm ko ja Jesukristë myina'any jatëkok jëtu'un nëjkx n'awinpijtëmë tä yë'ëjën; jä'ä ko nëjkxëp n'ijxëmë wi'ix y'ixëtyën.

2 Tesalonicenses 1:6

Paat'ajtëp ets ja Dios tukumëtowëty mëti'ipë miits myaj'ëyoowëtëpën,

2 Tesalonicenses 1:4

Paatykyëjxm miits jotkujk nimëtya'aktë maajëty ja Dios ja jyä'äy ye'eymyuktën, tääts jëtu'un mëj'äämpy mnaxtë mëët ja mëpëjkën, oy ja ja'ay ëxëëk mja'ixëtë ets mjapajëtitëtë.

Lucas 6:23

Jotkujk itë ets xoonta'aktë ko jëtu'un myajtun myaj'ënëëmëtëty, jä'ä ko mëj myajkumaya'antë tsajpjotm; jä'ä ko ja y'aptëjkëty tääpë ja'ayëty mëti'ipë tyam juuky'ajtëpën näjyëtu'un ojts ëxëëk tuntë ja Dios ja kyäjpxynyajxpëtëjk.

Isaías 26:20

Paaty myaj'ënëëmëtë miitsëty naax kajpnëty, tëkëtë ma mjëën mtëjkëtyën ets ko ënety jap tëkoty myajpaatë tääts xyaj'ëtuktëty ja mtëjk. Jap wäänë mnäyu'utsëtëty koonëm ja Wintsën ja tsyip y'äkë nyaxëty.

2 Timoteo 2:10

Paatyës nkupëky akujk jotkujk oymyëti'ipë ëyo'onëty ets tpaatëty ja nitsokën ets ja Jesukristë ja y'oyajtën mëti'ipë ja Dios të wyinwitsëtën.