2 Corintios 3:3 - Biblia Dc en Mixe de Quetzaltepec

³ Wa'ats yaj'ixy ko jëtu'un miitsëty ijxtëm ja noky tsyä'äyën mëti'ipë ja Kristë kë'ëm të tja'ayën ets ëëts të nyaktë, ka'ap oy nyatiijëty të yajtukja'ay, yë'ë të yajtukja'ay yë Juukpyë Dios yë Jya'awën; ja noky mëti'ipë ka'ap tsaakëjxy kyëxpajyëtyën, mëti'ipë të yajja'ayën ma naaxwiinyëtë ja'ay ja jyot wyinma'anyëtyën.

Biblia Mixe de Quetzaltepec

³ Wa'ats yaj'ixy ko jëtu'un miitsëty ijxtëm ja noky tsyä'äyën mëti'ipë ja Kristë kë'ëm të tja'ayën ets ëëts të nyaktë, ka'ap oy nyatiijëty të yajtukja'ay, yë'ë të yajtukja'ay yë Juukpyë Tios yë Jya'awën; ja noky mëti'ipë ka'ap tsaakëjxy kyëxpajyëtyën, mëti'ipë të yajja'ayën ma naaxwiinyëtë ja'ay ja jyot wyinma'anyëtyën.

2 Corintios 3:3 ပူးပေါင်းရင်းမြစ်များ

Salmos 40:8

Ëjts ntunäämpyës mëti'ipë mijts mni'ënä'ämëpën, Dios, mëti'ipës nTios'ajtypyën; Njootjoty nwinma'anyjyotyës nyaj'ity mëti'ipës mijts xytyuk'ni''ijxëpën.

Salmos 42:2

Ëjts nyajmëyäjtypyës yë Dios yë näpyutëkë, Dios juukpyë. ¿Jëna'ajës jëtää jatëkok jam nëjkxëty Dios wintum?

Salmos 84:2

Janty itaanpës ets janty nëjkxaanpës ma mtsajptëjkën, winë aaw winëjot nkuuy'iy nkuuyä'äxyës mëti'ipë juukyajtën yäjkpyën.

Éxodo 24:12

Jëtu'un yë Dios t'ënëmaay yë Moisés: Pät jam ma kopkën, maas ëjts nyajpaatyën ets jamës xy'ëwxitëty, jam nmo'oja'any mäjtsk yë tsaatsetsy maas të nkëxja'ayën yë ënä'ämën tëyajtën mëti'ipë yë Israel ja'ayëty pyatuntëpën.

Éxodo 31:18

Ko yë Dios ojts myëtyakta'ay mëët yë Moisés jam ma Sinaí kopkën, mäjtsk ojts yë Moisés yajmo'oy yë tsaatsetsy, ma tkëxjaayën ja ënä'ämën tëyajtën mëti'ipë ojts yë Dios kë'ëm timy'oytyunyën.

Éxodo 32:15

Tä ja Moisés ojts jam tsyo'onë kopkkëjxm, tam ja tsaatsetsy mäjtsk tkë'ëkë'ëy'äty, mëti'ipë aak tsaajën, ma ja ënä'ämën tëyajtën jam kyëxja'ayëtyën.

Éxodo 34:1

Ënet yë Dios t'ënëmaay yë Moisés: Tsäts mijts kë'ëm yë tsaa, mäjtsk xy'oytyunëty, jëtu'un tä ojts mëjëyëjpë y'ityën etsës jam ja n'aaw n'ayuk xykyëxja'ajëty jatëkok, mëti'ipë ijty jam miinpën këxja'ay ma ja tsaatsetsyën mëti'ipë ojts xytyukpu'ujën.

Proverbios 3:3

Këtii nijëna'a xymyajtstu'utëty yë nätsyok näjyawë ets tëyajtën, jëtu'un xymyëët'atëty tä nantsëmën, yajwë'ëm akëpäjky ma mjot mwinma'anyën,

Proverbios 7:3

Këxtsumpyën xymyëët'atëty ma mkë'ëwa'axyën, akëpäjky xymyëët'atëty.

Jeremias 10:10

Yë Wintsën yë'ë Tios'ajtp mëtëy, yë Dios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Jeremias 17:1

Mijts Judá, yë m'ëxëëktu'un m'ëxëëk kajpxën këxpajy jap y'ity mëët yë juunpujxn, mëët yë juuntsaa ma ja mjot mwinma'anyën mëti'ipë juunën tä tsaajën ets ma ja mwintsë'këntyakn nyiwajën.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Ezequiel 11:19

Njëpëkäämpyës yë jyot wyinma'anyëty, jëtu'unpë tä tsaajën ets nmo'oja'antës ja jyuukyjotëty mëët ja jemypyë ja jot winma'any.

Daniel 6:26

ets ni'ënä'ämës ma tëkokyë naax kajpnën wä'än tyajwintsë'ëkë ets wä'än tyajmëjjawë yë Dios mëti'ipë Daniel y'ëwtajtypyën. Jä'ä ko juuky Dios yë'ë ets xëmëkyëjxm yë y'ity. Yë y'ënä'ämën kyutujkën ka'ap nijëna'a pën tyaj'atëkoyëty ets myëk'ajtën ka'ap nijëna'a jyëjpkëxy.

Mateo 16:16

Tääts ja Simón Pedro y'ëtsooy: MKristë mijts, ja juuky Dios ja y'U'unk.

1 Corintios 3:5

¿Pën xyëëwajtyp Apolo ets pën Pablo? Dios ëëts yi'iyë nmëtuuntëp mëti'ipë miits të xymyëpëktën. Këëkjä'ä ëëts ja ntuunk ntuntë mëti'ipës ja Wintsën të xytyuknipëktën ets ntuntëtyës.

2 Corintios 3:6

Yë'ë të xyajwij të xyajkäjëm ets ja käjpxytyu'unën nkuuytyu'unmëty; ka'ap yë'ëjëty mëti'ipë Moisés yajmooyën, yë'ë mëti'ipë ja Kënu'kxymyëkajtën tyuunpyën. Yë ënä'ämën tëyajtën je'eyë nyi'ënä'ämë ets n'o'kmëty, e yë Kënu'kxymyëkajtën yäjkpy yë juukyajtën.

2 Corintios 3:7

Yë ënä'ämën jëwyiinpë, mëti'ipë ja o'kën tukpatpën, tsaakëjxypyë kyëxja'ayëtyën mëët ja të'kxën jajën, ojts nyikëxë'ëky ma ja Israel ja'ayëtyën ets ka'ap ja Israel ja'ay myääyëtë twintë'kxtëty; jä'ä ko tääpë ja ajajk atë'kxk mëti'ipë ënety tëkoyaanpën mëk ënety yaj'ixy tyi'kxy.

2 Corintios 6:16

Ka'ap tjëkyepy tu'ukyë yajpaatëty yë Dios yë jyëën tyëjk mëët yë awinax. Jä'ä ko jëtu'un ja Juukpyë Dios xyajwa'anëmë tsyënaaytyaknën. Jëtu'un ijxtëm ja Dios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

1 Tesalonicenses 1:9

Yë'ë kë'ëm nyimëtyaktëp wi'ixës ojts miits jotkujk xykyupëktën ets wi'ix të xy'ëxmatstën ja wiink tios ets xymyëpëjktë ja Dios juukpyë mëtëypyë

Hebreos 10:16

Ja käjpxytyu'unën mëti'ipës ntunäämpyën, yë'ë ya'atë, jëtu'un y'ënä'äny ja Wintsën: npëjkta'akäämpyës ja ënä'ämën ma jyuukyjotmën ets njaaypyäta'anyës ma wyinma'anyëtyën.

Hebreos 8:10

Jëtu'un y'ënä'äny ja Wintsën: Ja käjpxytyu'unën mëti'ipës nyaj'apaatëjäämpyën mëët ja Israel ja'ayëty, jä'ä xëëw, yë'ë ya'atë, jëtu'un y'ënä'äny ja Wintsën: Wyinma'anyjotyës npëjkta'aka'any ja n'ënä'ämënës ets njaaywyë'ëma'anyës ma y'aaw jyotëtyën, ëjts xyWintsën'atantëp, ets yë'ëjës nja'ay'atäämpy.

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënety të njatu'unëmë mëti'ipë yaj'o'kpën, ets jëtu'un npatmëty ja juukyajtën.

Josue 3:10

Ya'atë jëtu'un yajtuk'ixëp ko yë Dios juukpyë tyaa yajpaaty mëët miitsëty, ma ënety mnaxtën, jëtu'un tyajkutëkoyä'äny yë Canaán ja'ayëty, Hit ja'ayëty, Heve ja'ayëty, Ferez ja'ayëty, gergeseos ja'ayëty, Amor ja'ayëty ets Jebús ja'ayëty.

Apocalipsis 2:1

Nnijayë yë tsajpjotmëtë kukäjpxy jampë yajpaatyën Éfeso ma ja mëpëjkpëtëjk ye'eymyuktën: Jëtu'un y'ënä'äny ja mëti'ipë myëët'ajtypyën ja wëxtujkpë ja matsa'a jam ma y'a'oy kyë'ëjotmën ets yajpaaty ma ja wëxtujkpë ja cerë ato'oyënën aak pu'ts pujxnpë.

Apocalipsis 2:12

Nnijayë ja tsajpjotmëtë kukäjpxy jampë yajpaatyën Pérgamo: Jëtu'un y'ënä'äny mëti'ipë myëët'ajtypyën ja jëjpxu'unypë tëypyujxn mäjtsk atu'umpë mye'eyëtyën:

Apocalipsis 2:18

Nnijayë yë tsajpjotmëtë kukäjpxy jampë yajpaatyën Tiatira: Jëtu'un y'ënä'äny ja Dios U'unk, mëti'ipë ja wyiin jëtu'un këxë'kpën tä jëënyä'änkën ets ja tyeky tä ja tsuxkpujxnën mëti'ipë ajajpën.

Apocalipsis 2:8

Yë'ë yajnija'ayëp yë tsajpjotmëtë kukäjpxy jampë yajpaatyën Esmirna: Jëtu'un y'ënä'äny mëti'ipë tso'ontakpën ets mëti'ipë tyukjëjpkëjxypyën, mëti'ipë o'kën ets mëti'ipë të jyuukpyikyën jatëkok.

Apocalipsis 3:1

Nnijayë yë tsajpjotmëtë kukäjpxy jampë yajpaatyën Sardes: Jëtu'un y'ënä'äny mëti'ipë myëët'ajtypyën wëxtujkpë ja Dios ja jya'awën ets wëxtujkpë ja matsa'a: Nija'apës tii mtuunpyën ets nija'apës ko mjajuuky'ajtp je'eyëp ko ooky myajpaaty.

Apocalipsis 3:14

Nnijayë yë tsajpjotmëtë kukäjpxy jampë yajpaatyën Laodicea: Jëtu'un y'ënä'äny ja mëti'ipë yäjkpyën ja tëyajtën ets mëti'ipë yajkutujkpyën tu'kë'ëyë mëti'ipë ja Dios yajkojën.

Apocalipsis 3:22

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy:

1 Samuel 17:26

Ënet yë David tyajtëëy yë ja'ay jampë ënety winkon tyänëtën: ¿Tii jëtää yajmo'ojëp ja ja'ay mëti'ipë ënety yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Dios yë tsyiptuunpëtëjk.