2 Corintios 2:7 - Biblia Dc en Mixe de Quetzaltepec

⁷ Mëti'ipë tëy tyam mtuntëp, nimä'kxtë ets putëkëtë, ko nëjkx ja ma'ayën tajën tkamëmëtä'äky.

Biblia Mixe de Quetzaltepec

⁷ Mëti'ipë tëy tyam mtuntëp, nimä'kxtë ets putëkëtë, ko nëjkx ja ma'ayën tajën tkamëmëtä'äky.

2 Corintios 2:7 ပူးပေါင်းရင်းမြစ်များ

Salmos 124:3

jëna'ajëp jeexyë jëtu'unyë ajuuky xjyjë'ënënë ko ojts xytyukjoot'anpëjkëmë.

Salmos 21:9

ets jap xypyëjkta'aka'any jëënjoty ko ënety xynyipaye'ey ja nëë poky. Yë Wintsën mëët yë tsyip y'äkë, yë'ë nyino'okäämpy mëët yë jëën mëti'ipë yaj'o'k yajtëkoopyën.

Salmos 57:3

Yë'ë kyukäjxnaxäämpy yë tsyojkën jya'awën ets tyiyajtën jam tsajpjotm, etsës xyajtso'oka'any ma ja'ay kyë'ë y'aawëtyën mëti'ipës xypyajëtijtëpën tä yë uk'iinpën.

Proverbios 1:12

Ajotkumonë nyaj'o'kmëty mëti'ipë oy juuky'ajtëpën, jëtu'un tä yë o'kën tëko'oyën janty ku'uxyë nyäjyawëtyën ko pën jap kyä'äy o'kpëjutjoty.

Proverbios 17:22

Mëk tsooy yë'ë ko ja'ay jotkujk nyäjyawëty; e ko ja'ay mon tuk nyäjyawëty, tim këjxtääpy tjawë yë jyot myëjaaw.

Isaías 28:7

Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

1 Corintios 15:54

Ko nëjkx ja nni'kx'ajt nkopk'ajtëm y'awinpity ijxtëm ja mëti'ipë ka'ap wyintëkoyën ets ko y'awinpitëty tä mëti'ipë ka'ap y'ookyën, jä'ä ënety yajkuuytyuunp ja Dios ja y'aaw y'ayuk mëti'ipë ënaanpën: Tëë ja o'kën yajmëmëtä'äky.

2 Corintios 2:8

Paatykyëjxm miits nmënu'kxta'aktë ets xytyuk'ix xytyuknijawëtëty ko miits yë'ë xytsyoktë.

2 Corintios 5:4

Ko yaa naaxwiiny njaakjuuky'ajtëmë mon tuk nmëkxäj n'o'kxäjëmë, jä'ä ko ka'ap njatsojkëmë ets yaa ntso'onmëty, yë'ë jayajtsojkp ets jeexyë ni'ikyë n'ajemyëmë.

2 Corintios 7:10

Ja mo'onën tujkën mëti'ipë yajmënajxp yajjëjpnajxpën ijxtëm ja Dios tsokyën, yë'ë jëtu'un yajjootwinpijtp ets ja nitsokën npatmëty ets ka'ap tii nmëma'ay nmëtajmëty. E ko nmëma'ay nmëtajmëty jëtu'un ijxtëm ja mëti'ipë myëmaay myëtajtëpën ja naaxwiinyëtë winma'any, o'kën yë'ë tukpatp.

Efesios 4:32

Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Dios të mnimä'kxëtën, ko ja Kristë të xymyëpëktë.

Filipenses 2:27

Tëy ko tëë jyänty pyikyë, jawäänë të kya'ooky; je'eyëp ko tëë ja Dios pya'ëyoyë ets tëë tsyo'oky, ets ka'ap yi'iyëty nätyu'uk, näjyëtu'unës ëjts këtiipës nëkoo n'ëkjotmay'o'knëty.

Colosenses 3:13

Nämyëmä'kxtukëtë nixim niyam ets nänyimä'kxëtë näjyëtu'un. Jëtu'un ijxtëm ja Kristë të mnimä'kxëtën, näjyëtu'un miits yë mmëku'uk xynyimä'kxtëty.

1 Tesalonicenses 4:13

Mëku'uktëjkëty, ka'apës ntsoky ets miits xykyanijawëtëty wi'ix ja o'kpëtëjk jyatën, këtiipë mjotmay'ooktëty ijxtëm ja ja'ayëtyën mëti'ipë ka'ap tii tjëjp'ixtën.

2 Tesalonicenses 3:6

Mëku'uktëjkëty, Wintsën Jesukristë xyëëwkyëjxm miits ntuk'ënä'ämtë ets ka'ap mëët mye'eymyuk mnaxmuktëty ja ja'ay mëti'ipë ënantëpën ko Jesukristë tmëpëktë e ka'ap tii tuna'antë ets ka'ap tpatuntë ja tëyajtën mëti'ipës ojts njatuk'ëwaanëtën.