2 Corintios 2:13 - Biblia Dc en Mixe de Quetzaltepec

¹³ Oy jyajëtu'unëty, ka'apës ja n'aaw njot xyoontä'äky. Jä'ä ko ka'ap ojts jam npaatyës ja mmëku'uk'ajtëmë Tito, paaty ojts näjyëkyäjpxyës jam ets ojts nnëjkxyës Macedonia.

Biblia Mixe de Quetzaltepec

¹³ Oy jyajëtu'unëty, ka'apës ja n'aaw njot xyoontä'äky. Jä'ä ko ka'ap ojts jam npaatyës ja mmëku'uk'ajtëmë Tito, paaty ojts näjyëkyäjpxyës jam ets ojts nnëjkxyës Macedonia.

2 Corintios 2:13 ပူးပေါင်းရင်းမြစ်များ

Daniel 6:19

Tim je'eyë xyiinyëy ets pyëti'ky ets ojts nyijkxy ma ja kaa ijtaknën ma ja Daniel ënety të yajkujëpipën.

Marcos 6:46

Ko nyäjyëkäjpxyë, tääts pya'tëjkëy kopkëjxm Dios mëkajpxpë.

Hechos 21:6

Ënätës mëët nnäjyëkajpxëtë ets ntëjkëtyës jap kepy nëëwinye'epyëjoty, e yë'ëty ojts wyimpijnëtë ma tyëjkëtyën.

Romanos 15:26

Jä'ä ko tëë ja näypyutëkë tyajmuktë ja nmëku'uk'ajtëmë mëti'ipë jam tsënaaytyëpën Macedonia ets Acaya ets tuknikäxtë ja mëpëjkpëtëjk, ëyoopëja'ayëty jampë Jerusalén.

2 Corintios 12:18

Ojtsës yë Tito nkexy ets nëjkx mku'ixëtë mëët tu'uk yë jyämyëët. ¿Ojts tii m'amëtowëtë? ¿Ka'ap tyiyëty jyääntyëty ko nimäjtsk oyës winë të ntuntë?

2 Corintios 7:13

Jä'äkyëjxmës njotkujk'atë. Ets ni'ik njotkujkta'aktës, jä'ä ko ja Tito jotkujk yajpaaty, ko miits të xyjyotmëkmo'otë.

2 Corintios 7:14

Tëëyëm ënety ja Tito nëëmës ko miitsëty oy winë xytyuntë, ets ka'apës ja n'ayuk nëkoo të nyatëkë'aty. Jëtu'un ijxtëm tyiyëty jyääntyëty miits të ntukmëmëtya'aktën, näjyëtu'un tëy jaanty ja Tito të nëëmëtës: Ko ntukjotkëtaktëpës miits ja mtuunkëty.

2 Corintios 8:16

Nkukajpxëpës ja Dios ko Tito näjyëtu'un Dios të tyuktëkëty ets miits mmëmay mmëtajëtë ijxtëm ëjts miits të nmëmay të nmëtajtën.

2 Corintios 8:23

Pën jam pën tyajtëy ja Tito, nëëmëtë ko tyamës ja mëët ets ko mëkës yam ntuntë ko miits mputëkëtë; e pën jam pën tyajnitëwë näjyëtu'un ja wiinkëtypë ja mmëku'uk'ajtëmë, nëëmëtë ko ja mëpëjkpëtëjk yë'ë të kyäxëtë ets ko tmëjjaw tjaantyjawëtë ja Kristë.

2 Corintios 8:6

Paatyës ja Tito të npëjktsowtë ets yë'ë tyajmukëty ja näypyutëkë ma miitsëtyën ets tjaakyajmukëty mëti'ipë miits kë'ëmtsojkën mjaakyakantëpën.

Gálatas 2:1

Kommajmajkts jëmëjt ojts nnëjkxyës jatëkok jam Jerusalén mëët ja Bernabé ets nwoowës yë Tito.

Gálatas 2:3

Yë'ëpaat ja Tito, oy griego ja'ayëty, mëti'ipës ënety jam mmëëtën, ka'ap ojts yajtuk'atsip'aty ets yajnatsujk'ëwtitëty ja ye'etyëjkajtën.

2 Timoteo 4:10

Ja Demas, tëëjës ja xynyikäknë, mëti'ipë yi'iyë tsyojkën'ajtypyën yaapë naaxwiinyën, tëë ja tsyo'onë ets të nyëjkxnë jam Tesalónica. Yë Crescente jam të nyijkx Galacia y'itjotm, e yë Tito të nyijkx jam Dalmacia y'itjotm.

Tito 1:4

Tyam ya'atë noky ntuknijayë, mijts u'unk Tito mëët ko mëpëky. Ja nTeety'ajtëm Dios mëët ja yajnitsokpë Jesukristë, yë'ë mmo'ojëtëp ja kënu'kxën ets jotkujk'ajtën.