2 Corintios 2:11 - Biblia Dc en Mixe de Quetzaltepec

¹¹ Jëtu'un ka'ap ja mëjku'u xymyëmëtakmëty mëti'ipë nija'awëmën ko je'eyë wyin'ëëny.

Biblia Mixe de Quetzaltepec

¹¹ Jëtu'un ka'ap ja mëjku'u xymyëmëtakmëty mëti'ipë nija'awëmën ko je'eyë wyin'ëëny.

2 Corintios 2:11 ပူးပေါင်းရင်းမြစ်များ

Job 1:11

E ko winë xy'ëkjëpëjkta'ajëty ma yë'ëjën, tää xy'ëk'ixëty wi'ix mpokyën ets nëjkxëp kë'ëm xymyëtoy.

Job 2:3

Ënet ja Wintsën y'ënëmaayë: ¿M'ixy'äjtyp yë Job mëti'ipës ntuunpë'ajtypyënë? Nimaa ja'ay jëtu'unpë kyaka'ty tä yë'ëjën naaxwiiny naaxkëjxy, mëti'ipës oy xymyëtuunpën ets mëti'ipë tëy tëtä'äky juukyajtpën, mëtëy winë tuny ets nitii tëko'oyën tkamëëtëty, aak'oy jyiiky myëku'uk tjawë. Oy ëxëëk të xyjatuny ets të xyaj'ëyo'onpaaty ets ka'ap tii poky tmëëtëty, yë'ë mëk yë wyinma'any tmajts'ity ets ka'ap maa tyëkoy.

Job 2:5

E yë'ë ko wi'ix xy'ëktunëty ma jyot nyini'kxën, tä xy'ëk'ixëty wi'ix mpokyën.

Job 2:9

E ja tyo'oxytyëjk jëtu'un y'ënëmaayë: ¿Wi'ix ko janty'oy mnäypyëjktä'äkyë ets oy ja'ay mnäyajnaxyë? Nikë tim pok yë Dios ets m'ookëty.

Mateo 4:10

Ënet ja Jesús y'ëtsooy: Nëjkx mëjku'u, jëtu'un ja Dios y'aaw y'ayuk kyëxja'ayëty: wintsë'ëkë mWintsën Dios. Yë'ë tu'ukyë m'ëwtatëp ets xymyëmëtowëty.

Lucas 22:31

Näyjyëtu'un ja Wintsën y'ënäny: Simón, Simón, tëë yë mëjku'u m'amëtowëtë ets myajwinxitëty ijxtëm ja'ay yë tsajpmoktë'ëts twinxityën,

Juan 13:2

Ja mëjku'u tëë ënety tuktëkë ja Judas Iscariote, Simón yë myaank ets ja Jesús tkë'ëyaka'any. Nyija'ap ja Jesús ko tsyoony ma Tiosën ets ko jatëkok nyëjkxa'any ma Tiosën ets ko ja Tyeety ënety tu'kë'ëyë kuttujkën ets mëk'ajtën të myooytyä'äyë; paatykyëjxm pyëti'ky, tam ënety y'a'ux'atë, ets ja nyijän ojts tjeny ets nyätyukwë'ënë tu'uk ja wit myoxkëjxy.

Hechos 1:25

Wä'än tuny ja tuunk mëti'ipë ja Judas y'ëxmajtsën ko ojts nyijkx ma ënety tuknipëjktaakë y'ityën.

1 Corintios 7:5

Paaty n'ënëëmëtë, këtii mnäy'ëxmatsëtëty, nätyookëtë nimäjtskëty; ënät tëy pën mkäjpxy'ajtëp ko mnäy'ëxmatsa'anëtë jä'ä ko ja Dios mëkajpxantëp. Ok jatëkok mnäpyuwa'akëtëty, këtiipë ja mëjku'u mëmëta'akëtëty ets myajpokytyunëtëty.

2 Corintios 11:14

Ets ka'ap mëk nja'awëmëty, yë'ëpaat yë mëjku'u nyäpyëjktä'äkyë ijxtëm yë Dios kukäjpxy mëti'ipë ajajp atë'kxpën.

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Dios nyäjxypyën.

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Dios niwinpittëty ets nijawëtëty ja tëyajtën.

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

Apocalipsis 2:24

E miitsëty, mëti'ipë jam ijtëpën Tiatira, pën ka'ap yë'ë xypyanëjkxtë ja jëtu'unpë ijxpëjkën ets ni xykyanijawëtë ja mëjku'u ja y'ijxpëjkën mëti'ipë tyijtëpën ja Mëjku'u ja yu'utsypë ja y'ijxpëjkën, tyam n'ënëëmëtë ko ka'ap tii tuunk njaaktimtyuknipëka'antë.