2 Corintios 13:5 - Biblia Dc en Mixe de Quetzaltepec

⁵ Nämyëmay nämyëtajëtë miits kë'ëm ets xy'ixtëty xynyijawëtëty pën mjantymyëpëjktëp ja Jesukristë. Näwyinma'any'ixëtë miits kë'ëm. ¿Këtii xynyijawëtë ko ja Jesukristë yajpaaty mëët miitsëtyë? ¿Ëkë nëkoo miits mnanyikajpxëtë ko Kristë xymyëpëktë?

Biblia Mixe de Quetzaltepec

⁵ Nämyëmay nämyëtajëtë miits kë'ëm ets xy'ixtëty xynyijawëtëty pën mjantymyëpëjktëp ja Jesukristë. Näwyinma'any'ixëtë miits kë'ëm. ¿Këtii xynyijawëtë ko ja Jesukristë yajpaaty mëët miitsëtyë? ¿Ëkë nëkoo miits mnanyikajpxëtë ko Kristë xymyëpëktë?

2 Corintios 13:5 ပူးပေါင်းရင်းမြစ်များ

Salmos 119:59

Ënätës të nmëmay të nmëtajy wi'ixës winë ntunyën, täätsës jatëkok të n'ëna'any ni'ik jaak'oy yowë koos yë m'ënä'ämën mtëyajtën nkuuytyunëty.

Salmos 17:3

Mijts mnija'ap wi'ixës nmay ntajyën; oy kyootsëty wa'atsës xy'ixy, jëtu'unës mijts xyajtooywyä'ätsy tä ja'ay pu'ts pujxn tyajtooywyä'ätsyën ets ka'ap tii ëxëëkpë të xypyääty ma ëjtsën. Ka'apës nijëna'a tii të nikäjpxy mëti'ipë ka'ap nyimëtyaknëtyën.

Salmos 26:2

Ix yë njuukyajtënës, winma'any'ijxkës, ijxmats yë njot nwinma'anyës. Tëkokyë xy'ijxta'ajëty wi'ixës nmay ntajyën.

Jeremias 6:30

Jä'ä yajtijanëtë poop pujxn mëti'ipë tëë mya'ta'ayën, jä'ä ko mijts Wintsën tëë xy'ixpëky xy'ixtuny.

Lamentaciones 3:40

Tsojk nmëma'ay nmëtajëmë wi'ix nyajpatëmë ets tsojk niwinpijtëmë yë Wintsën.

Ezequiel 18:28

Ko wyinma'anypyaatëty ets t'ëxmatsëty yë ëxëëk në'ë ëxëëk tu'u, tääpë ja'ay juuky'ataanp yë'ë ets ka'ap y'ooka'any tyëkoyä'äny.

Hageo 1:5

Ëjts Wintsën, mëti'ipë maaytyääyëpën winë, jëtu'unës n'ëna'any: ko yajxon xymyëmay xymyëtajtëty wi'ix mmaytyën mtajtën.

Hageo 1:7

Ëjts Wintsën, mëti'ipë maaytyääyëpën winë, jëtu'unës n'ëna'any ko yajxon xymyëmay xymyëtajtëty wi'ix mtuntën mkajpxtë.

Juan 14:23

Tä ja Jesús y'ëtsoowë: Pën xytsyojkpës, myëjpëjktäkpy ja n'aaw n'ayukës; ets tsokanëp ja nTeetyës, ets nTeetyës mëët nmina'anyës etsës nyajpaata'antë mëët yë'ë.

Juan 15:4

Itë tu'ukyë mëët ëjts etsës n'itëty tu'ukyë mëët miitsëty. Tu'kxe'entypë kepy ka'ap tjëkyepy ets tyëëm'atëty ko kya'itëty tu'ukyë mëët ja myëjkepy; näjyëtu'un miitsëty ka'ap tjëkyepy mtëënmpätëty pën ka'ap tu'ukyë myajpaatë mëët ëjts.

Juan 17:23

Jamës nyajpaatëty tu'ukyë ma yë'ëjëtyën ets mijts myajpaatëty tu'ukyë ma ëëtsëtyën, jëtu'un ja naaxwiinyëtë ja'ay nijawëtëty ko mijts të xykyexyës ets ko xytsyoky xyjyawë ijxtëmës mijts xytsyokyën.

Juan 17:26

Tëës ntuk'ëwaanëtë mpën mijts ets njaaktuk'ëwanëjantëpës, ets ja tsojkën ja'awën tmëët'atëty mëti'ipës mijts të xymye'eyën ets nyajpaatëtyës ma yë'ëjëtyën.

Juan 6:56

Pën tsyu'tsyp ja nini'kxës ets y'ukpy ja ne'pnyës, tu'ukyë jyuuky'äty mëët ëjts ets tu'ukyës njuuky'äty mëët yë'ë.

Juan 6:6

Paaty ja Felipe ojts jëtu'un yaj'ënëëmë, yë'ë ja Jesús ënety y'ixäämpy wi'ix ja Felipe y'ëk'ëtsoy, jä'ä ko tëë ënety ja Jesús kë'ëm tnijawë wi'ix tii tuna'anyën.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Romanos 8:10

Pën yajpatp ja Kristë ma miitsëtyën, tam xymyëët'atë ja juukpyë ja kënu'kxymyëk'ajtën, jä'äkyëjxm ko m'itë jotkujk mëët ja Dios, oy ja jot nini'kx të jyayajpëjktä'äky o'kp mëët ko jyääjëty ja poky.

1 Corintios 11:28

Paaty, jëyëjp xy'ixtëty xytyuntëty ja mjuukyajtënëty wi'ix myajpaatën naamka'anëm ënety xykyäytyë xy'uuktë ya'atë a'ux.

1 Corintios 11:31

Kooxyëp jeexyë kë'ëm näyaj'o'oyëmë, ka'ap ja Dios jeexyë xytyiytyu'unëmë.

1 Corintios 3:16

¿Këtii xynyijawëtë ko miitsëty, jëtu'un yë Dios myajnaxëtë ijxtëm tu'uk yë tsajptëjkënë ets ko ja Kënu'kxymyëkajtën yë'ë jap tsënääpy ma miitsëtyënë?

1 Corintios 6:15

¿Ka'ap xynyijawëtë ko yë mni'kx mkopkëty jëtu'un yë'ë ijxtëm kanaakjëjpën winë, ets tu'ukyë yajpaaty mëët ja Kristë? ¿Mëpaat jëtää ëjts njëpëky tu'kpëky mëti'ipë ijtpën tu'ukyë mëët ja Kristë etsës ntuknini'kx'atëty ja ku'into'oxyë? Niwi'ix'äämpy.

1 Corintios 6:19

¿Ka'ap miits xynyijawëtë ko ja Dios mni'kx mkopk myajwa'anxëtë tä ja mëjtsajptëjkën ets ko mtsënaaytyakn'atëtë ja Kënu'kxymyëkajtën mëti'ipë ja Dios të mmo'ojëtënë?

1 Corintios 6:2

¿Ka'ap xynyijawëtë ko ja mëpëjkpëtëjk pyaye'eytyëp näjyëtu'un ja naaxwiinyëtë ja'ayë? e pën miitsëty mnija'awëtyëp ko xypyaye'eya'antë ja naaxwiinyëtë ja'ay, ¿wi'ix ko ënät mkamayëtëty ja jotmay wäänëpë?

1 Corintios 9:24

Mnija'awëtëp miits ko ja'ay pyëyë'kijpxtë, ni'ëmukë pyëyë'ëktë ets tu'uk ja mëti'ipë mëtakpën. Jëtu'un miits mtu'uye'eytyëty ets mmëta'aktëty.

1 Corintios 9:27

Ni'ikyës ja ni'kx nkopk ntëytyuny etsës winë mëtëy ntuny ijxtëm pyaat'atyën, këtiipës nwë'ëmtëty tukxi'iky ma ja ja'ayëtyën mëti'ipës të nyaj'ijxpëktën.

2 Corintios 6:16

Ka'ap tjëkyepy tu'ukyë yajpaatëty yë Dios yë jyëën tyëjk mëët yë awinax. Jä'ä ko jëtu'un ja Juukpyë Dios xyajwa'anëmë tsyënaaytyaknën. Jëtu'un ijxtëm ja Dios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Dios ja y'U'unk, mëti'ipës të xytsyokyën etsës të xykyu'oo'kë.

Gálatas 4:19

U'unk ëna'këty, mëk miits jatëkok nku'ëyowëtë ijxtëm tu'uk ja u'unktaak y'ëyoyën ko y'u'unk tyajmëxu'unk'ata'any ets nku'ëyoowëtëtstëp koonëm jëtu'un mjuuky'attëty ijxtëm ja Kristë tsokyën.

Gálatas 6:4

Kë'ëm mëpaat yajmëmay yajmëtajy tii oy ka'oy yatuump; pën mëj näyajnaxanëp, ka'ap wyi'ixëty, je'eyëp ko yë'ë nätyukyajmëjnaxëtëp mëti'ipë ënety tii oy të tunyën, ka'ap yë'ëjëty ma wiink ja'ay tii oy të tunyën.

Efesios 3:17

wä'än ja Kristë t'ity ma miitsëtyën ko të xymyëpëktë, ets ja tsojkën ja'awën yajpaatëty xëmë ma miitsëtyën.

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

Colosenses 1:27

Jëtu'unts yë'ë të tuknijawë mëti'ipë ka'ap jyutiis ja'ay'atën ets tnijawëtëty ja mëj'ajtën jaanty'ajtën mëti'ipë ijty ka'ap yajnijawën. Ja yu'utsypë ijty y'ityën yë'ë ja Kristë, mëti'ipë tyam yajpatpën ma miitsëtyën, mëti'ipë mjëjp'ijxtëpën ets mtukpaatëtëty ja mëj'ajtën jaanty'ajtën.

Colosenses 2:19

Ka'ap mëët y'itë ja Kristë, mëti'ipë nyikopk'ajtypyën ja mëpëjkpëtëjk ets mëti'ipë yajwinpejtypyën ja mëpëjkën ko n'ijtmëty mëët ja Kristë ijxtëm tu'uk ja ni'kx kopkën ijxtëm ja Dios tsokyën.

Colosenses 2:7

Ijxtëm tu'uk ja kepy tyikts në'p yajpaatyën, jëtu'un miits mëk yajpaatë tu'ukyë mëët ja Jesukristë. Jëtu'un ijxtëm myajtukni''ijxëtën ets xëmë ja Dios xykyukajpxëtëty.

1 Timoteo 2:15

Ja to'oxytyëjk näyajtso'okanëp kë'ëm ma y'ityën taak tsi'tsk, ets ni'ik ko wijy yajpaatëty ma ja mëpëjkënën, ma tsojkën ja'awënën ets ko wa'ats jyuuky'atëty.

2 Timoteo 3:8

Ets jëtu'un ijxtëm ja Janes ets Jambrés tmëtsippëjktën ja Moisés, näjyëtu'un tääpë ja'ayëty tmëtsippëktë ja tëyajtën. Ma'at yë wyinma'anyëty ets tëë ja myëpëjkën tyajtëkooynyëtë.

Tito 1:13

Ets tëy ojts y'ënä'äny, paaty xywyinkukajpxëty mëk'äämpy ets tu'ukyë tmëpëktëty ja Wintsën,

Tito 1:16

Jëtu'un y'ëna'antë ko Dios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

Tito 2:2

Ja mëjja'aytyëjkëty mëtëy winë tuntëty, mëët ets wijy kujk; yajtuntëp oy ja myëpëjkënëty, myëët'atëp ja tsojkën ja'awën ets amëk jotmëk yajpaatëty ets tmëtänëtëty ja ëyo'on.

Hebreos 12:15

Nämyëjotëkoyëtë këtiipë pën tyëkoy'ajtxëtëty ja Dios ja tsyojkën jya'awën. Nitu'uk mka'itëty ijxtëm ja ta'am ujtsën mëti'ipë pa'amtuunpën ets mayjyä'äy tukpaaty.

Hebreos 4:1

Paatykyëjxm ma tyam njaakyajpatëmën ets ntëjkëmëty ma Dios ja pyo'kxtaknën, mëpaat näkyëwent'ajtëmë këtiipë pën wyë'ëmëty.

Hebreos 6:8

E pën aak äpny aak ëxëëk ujts mujxp, ka'ap tsyowpaaty, kajpxpoky ja Dios yaj'itëtë ets ok yajnino'oktë.

Santiago 4:4

Miitsëty, mëti'ipë ja Dios të y'ëxmatstën, ¿tii këtii xynyijawëtë ko ja Dios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Dios myëtsipëjkpy.

1 Pedro 5:9

Winkuwa'akëtë mëk mëët ja mëpëjkën ja mëjku'u, mnija'awëtëp miits ko ja mmëku'uktëjkëty näjyëtu'un tmënax tyajnaxtë ja ëyo'on jotmay mëti'ipë ijtëpën yajpatëpën oymyaajëty.

Apocalipsis 2:5

Paaty mëmay mëtaj ma të mka'ayën, ja'amyäts ja Dios ets xytyuntëty ja oypyë jatëkok ijxtëm më'ëka'anyën. Pën ka'ap, ninëjkxëp yë'ë ets njëpëka'anyës ja mcera ato'oyën ma y'ityën, e ko mjootwinpitëty ka'ap jëtu'un jyatëty.