2 Corintios 13:3 - Biblia Dc en Mixe de Quetzaltepec

³ jä'ä ko miitsëty yë'ë m'ixtaaytyëp pën ja Kristë oy xynyikäjpxy xynyimëtyä'äkyës. E yë Kristë ka'ap jyëtu'unëty ijxtëm tu'uk ja ja'ayën mëti'ipë ka'ap tii tmëëtëtyën ja mëk'ajtën, yaj'ijxëp ja myëk'ajtën ma miitsëtyën.

Biblia Mixe de Quetzaltepec

³ jä'ä ko miitsëty yë'ë m'ixtaaytyëp pën ja Kristë oy xynyikäjpxy xynyimëtyä'äkyës. E yë Kristë ka'ap jyëtu'unëty ijxtëm tu'uk ja ja'ayën mëti'ipë ka'ap tii tmëëtëtyën ja mëk'ajtën, yaj'ijxëp ja myëk'ajtën ma miitsëtyën.

2 Corintios 13:3 ပူးပေါင်းရင်းမြစ်များ

Mateo 10:20

jä'ä ko ka'ap yë'ëjëty xykyajpxa'antë mëti'ipë kë'ëm mmaay mtajtëpën, ja Dios Teety ja jya'awën miits myajkajpxanëtëp.

Lucas 21:15

Ëjts miits ja winma'any ets ja ayuk nmo'ojantëp wijypyë kejypyë mëti'ipë mkajpxtëpën këtiipë ja mmëtsip mëmëta'akëtëty ets këtiipë wyinma'anypyaatëty wi'ix myaj'ëmonëtëty.

1 Corintios 7:40

Ëjts jëtu'unës nja'ëna'any ko wäänë jotkujk tsyëënëty pën ka'ap jatëkok pyiky. Jëtu'unës nmay ntajy ets Dios yë jya'awën jëtu'un xyaj'ënaanpës.

2 Corintios 10:1

Ëjts, Pablo, n'amëtoy npëjktsoyës ja mëyajtën ma miitsëtyën, mëët ja Kristë yujy'ajt nyäxym'ajtën; oy pën y'ëna'anëty ko amonyës n'ity koos jam nyajpaaty ma miitsëtyën, ko ku'aawës näpyëjktä'äkyë koos jëkäm nyajpaaty.

2 Corintios 10:4

Ja mëti'ipë yajmëtsiptuunpën ka'ap yë'ëjëty mëti'ipë yaajën naaxwiiny, yë'ë ja Dios ja myëk'ajtën mëti'ipë maayëpën ja kuttujkën tyajkutëkoyëty. Jëtu'unës nyajkutëkoytyë ja mëti'ipës nanëkoo xynyi'ë'ënëtëpën,

2 Corintios 12:12

Tëës najënu'un ëxëëk njaty nkëpety ets nmënaxy nyajnaxyës ja ëyo'on jotmay mëët ja mä'kxtujkën ma miitsëtyën ets nyaj'ixyës ja Dios ja myëj'ajtën mëti'ipë të xy'ixtën. Yë'ë yajnitë'kxyp koos ja Kristë y'ayuk nkajpxwa'kxë.

2 Corintios 2:10

Jëtu'un, pën jam miits pën xynyimä'kxtë, näjyëtu'unës nimä'kxëty; ets koos pën nimä'kxëty, ënät pën jam tii të tuuntëkoy mëti'ipë yajnimä'kxëpën; ko ënety miits të m'ëna'antë ets ja Kristë myëjnaxëty.

2 Corintios 2:6

Ja tëytyu'unën mëti'ipë mtuknipëjktën tääpë ja'ayëty, tëë ja kyëjääjënë.

2 Corintios 9:8

Mmo'ojanëtëp miits ja Dios wäänëni'ik oymyëti'ipë kënu'kxënëty ets xymyëët'attëty xëmë mëti'ipë mtukjuuky'attëpën; näjyëtu'un nyatëkëty mëti'ipë mtukputëjkëtëpën ja ka'apë tii tmëëtëtyën.