2 Corintios 13:14 - Biblia Dc en Mixe de Quetzaltepec

¹⁴ Ja myëj'ajt y'oyajtën ja nwintsën'ajtëm Jesukristë, ja Dios ja tsyojkën jya'awën ets ja Kënu'kxypyë ja Mëk'ajtën wä'än tyajpaaty ma miitsëtyën ni'ëmukë.

Biblia Mixe de Quetzaltepec

¹⁴ Ja myëj'ajt y'oyajtën ja nwintsën'ajtëm Jesukristë, ja Tios ja tsyojkën jya'awën ets ja Kënu'kxypyë ja Mëk'ajtën wä'än tyajpaaty ma miitsëtyën ni'ëmukë.

2 Corintios 13:14 ပူးပေါင်းရင်းမြစ်များ

Efesios 2:22

Näyjyëtu'un miits ko tu'ukyë m'itë mëët ja Kristë, tu'ukyë mwinpätë koonëm myajpaatëty ma ja Dios ja tsyajptëjkën mëti'ipë yajpatpën mëët ja Kyënu'kxymyëk'ajtën.

Romanos 5:5

Ya'atë mëpëjkën ka'ap maa tëkatsy xyajwë'ëmëty, jä'ä ko yë Dios tëë xymyo'oyëm ja tsyojkën jya'awën ma njoot'ajt nwinma'any'ajtëmën mëët ja kënu'kxymyëk'ajtën.

1 Corintios 16:23

Wä'än ja Wintsën mkënu'kxëtë.

Romanos 16:20

Jëtu'unts ja Dios, mëti'ipë yäjkpyën ja jotkujk'ajtën, nëjkx tsojk tyaj'atëkoy ja mëjku'u ma miitsëtyën. Wä'än ja Wintsën Jesús mkënu'kxëtë.

Judas 1:21

Näy'ijx'itëtë näkyëwent'atëtë, näyaj'itëtë mëët ja Dios ja tsyojkën, tyam xyjyëjp'ixtë ja Wintsën Jesukristë, mëti'ipë mëët ja pa'ëyo'owën xymyo'oja'anëmën, ja juukyajtën xëmëkyëjxmëpë.

Filipenses 2:1

Pën tëë mmo'ojëtë ja Kristë ja mëk'ajtën ets ja mjëëky mmëku'uk xyjyotmëkwinkajpxëtëty, xyajjotmëkta'aktëty, ets tu'ukyë ja winma'any xymyëët'atë ets xypya'ëyowtëty ja ja'ay,

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

2 Corintios 8:9

Jä'ä ko miitsëty tëë xynyijawëtë wi'ix ja Wintsën Jesukristë mëyajtën të tunyën. Jesús jam y'ity tsajpjotm, myëët'ajtääpy tu'kë'ëyë winë, je'eyëp ko ojts myiny yaa naaxwiiny; jëtu'un ojts nyäpyëjktä'äkyë ijxtëm tu'uk ja ëyoopëja'ayën mëët jä'äkyëjxm ko të xytsyojkëm ets npatmëty ja jotkujk'ajtën.

1 Corintios 6:19

¿Ka'ap miits xynyijawëtë ko ja Dios mni'kx mkopk myajwa'anxëtë tä ja mëjtsajptëjkën ets ko mtsënaaytyakn'atëtë ja Kënu'kxymyëkajtën mëti'ipë ja Dios të mmo'ojëtënë?

Romanos 8:9

E miitsëty, ka'ap jëtu'un m'ëk juuky'ajnëtë ijxtëm ja ni'kx kopk tsokyën, jëtu'un miits mjuuky'atë ijxtëm ja Dios ja Kyënu'kxymyëk'ajtën tsokyën, pën tëy ko miits ja Dios Kyënu'kxymyëk'ajtën xymyëët'ajtëtë. Pën ka'ap tmëëtëty ja Kristë ja Kyënu'kxymyëk'ajtën, ka'ap ja Kristë jyä'ä'atyë.

Juan 7:38

Ets y'atëwëty ijxtëm jap kuja'ay myinyën: Mëti'ipë mëpëjkpën jëtu'un jap y'aawjoty jyotjoy yajpaata'any ijxtëm jeexyë ja komnëë jap myuutyën mëti'ipë yajjuuky'ajtpën.

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

1 Juan 1:3

Yë'ë yam ntuk'ëwa'anëtyëp mëti'ipë të n'ijxtë nmëto'owëmën ets jëtu'un tu'kmukyë n'ijtmëty, ijxtëm mëët n'ijtëmën ja Dios Teety ets ja y'u'unk Jesukristë.

1 Corintios 3:16

¿Këtii xynyijawëtë ko miitsëty, jëtu'un yë Dios myajnaxëtë ijxtëm tu'uk yë tsajptëjkënë ets ko ja Kënu'kxymyëkajtën yë'ë jap tsënääpy ma miitsëtyënë?

Efesios 6:23

Wä'än ja mëpëjkpëtëjk tmëët'atë ja jotkujk'ajtën, ja tsojkën ets ja mëpëjkën mëti'ipë ja Dios Teety ets Wintsën Jesukristë yajktëpën.

Romanos 16:23

Mkajpxpo'kxëtëp ja Gayo, jam maas nja'ajtä'äkyën, ma ja mëpëjkpëtëjk ye'eymyuktën. Mkajpxpo'kxëtëp näjyëtu'un ja Erasto, mëti'ipë ja kajpn meeny pyëjkë'kpyën ets ja nmëku'uk'ajtëm Cuarto.

Romanos 8:39

ni këkpë, nitii wiinkëtypë mëti'ipë Dios y'oytyuunën. Ka'ap tii xytyuk'ëxmajtsmëty ja Dios ja tsyojkën mëti'ipë nmëët'ajtëmën Wintsën Jesukristë mëët.

Juan 4:10

Ënet ja Jesús y'ëtsoowë: Ko jeexyë mijts xy'ëknijawë mëti'ipë ja Dios yäjkpyën ets pën m'amëtoowëp yë nëë, mijts jeexyë m'amëtoopy ja nëë ma yë'ëjën ets mooyëp jeexyë ja nëë mëti'ipë yajjuuky'ajtpën.

1 Juan 3:24

Pën ja y'ënä'ämën pyatuunëp, yë'ë ënety ja Dios mëët tu'ukyë y'ity. Ja Kënu'kxymyëkajtën mëti'ipë të xymyo'oyëmën, yë'ë xytyuknija'awëm ko yë'ë mëët tu'ukyë nyajpatëmë.

1 Juan 3:16

Nnija'awëm wi'ix ja Jesukristë xytsyojkëmën ëmuumtu'ukjot, paaty të xykyu'o'këmë. Näyjyëtu'un ëëts nkë'ëyajkmëty ja njuukyajtën'ajtëm ets nku'o'këmëty ja nmëku'uk'ajtëmë.

Efesios 5:9

Ko ja ja'ay yajpaaty ajajëntuuy, tyuunpy ja oypyë, mëti'ipë paat'ajtëpën ets mëti'ipë mëtëyën.

Efesios 2:18

Kristë xypyutëjkëmëp ni'ëmukë mëët ja kënu'kxymyëk'ajtën ets npatmëty ja Dios, jëtu'un ja jutiis ja'ayëty ets näjyëtu'un mëti'ipë ka'ap jyutiisëty.

1 Corintios 14:16

Ko mijts ja Dios xy'ëwtatëty ets xyajtunëty ja wiink ayuk, ets ja wiink ja'ay tmëtowëty ko tam ja Dios xymyëkäjpxy, ka'ap tjëkyepy mpukajpxëtëty jä'ä ko ka'ap ënety tja'akyukë mëti'ipë mjakäjpxypën.

1 Corintios 12:13

Yë'ëkyëjxm ko tëë ni'ëmukë nnëëpäjtëmë mëët ja Kënu'kxymyëkajtën paaty tu'ukyë nyajpatëmë ijxtëm ja ni'kx kopkën tu'ukyëpë, wä'än tjutiis ja'ayëty ëkë wä'än tkajutiis ja'ayëty, wä'än tmëtuunpëty ëkë tkamëtuunpëty.

Romanos 16:27

Ja Dios, tu'ukyëpë wyijy'äty kyejy'ätyën, wä'än yë'ë tyajmëjjaw tyajjaantyjyawë xëmëkyëjxm mëët ja Jesukristë. Jëtu'un y'itëty.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Hechos 15:11

Ni'ikyënëm ëëts nija'awëm ko ja Wintsën Jesús të xyajtswokëm mëët ja y'oyjyot y'oywyinma'any, nän timjëtu'un tä yë'ëjëtyën.