2 Corintios 13:10 - Biblia Dc en Mixe de Quetzaltepec

¹⁰ Jëtu'unts miits tyam nnijäyëtë naamka'anëmës nnëjkxy ma miitsëtyën ets këtiipë nëkoo mëk xyjyawëtëty ja kuttujkën mëti'ipës ja Wintsën të xymye'eyën. Ka'ap yë'ëjëty ets nyajkutëkoytyëty; yë'ë ets miits mwinpätëty mëpëjkënkyëjxm.

Biblia Mixe de Quetzaltepec

¹⁰ Jëtu'unts miits tyam nnijäyëtë naamka'anëmës nnëjkxy ma miitsëtyën ets këtiipë nëkoo mëk xyjyawëtëty ja kutujkën mëti'ipës ja Wintsën të xymye'eyën. Ka'ap yë'ëjëty ets nyajkutëkoytyëty; yë'ë ets miits mwinpätëty mëpëjkënkyëjxm.

2 Corintios 13:10 ပူးပေါင်းရင်းမြစ်များ

1 Corintios 4:21

¿Ëkë tii miits mtsojktëp: ko nëjkx ntsaatyuntë ëkë ko ninëjkxtëty mëët ja oy'aaw oyjyotë?

1 Corintios 5:4

Ko miits mye'eymyuktëty, tam'ataanpës ja njot nja'awën ets näjyëtu'un jyam'ata'any ja Wintsën Jesukristë ja myëk'ajtën.

2 Corintios 10:2

Ka'ap wyi'ixëty, tyamës n'amëtoy npëjktsoy ja mëyajtën, ko ënety nëjkx nku'ixëtë, këtii xy'ëwa'atstëty etsës ntukjoot'anpëkëty ja jä'äjëty mëti'ipës xynyiwaanpäjtëpën, mëti'ipë ënantëpën koos jëtu'un winë ntuny nkäjpxy ijxtëm ja ja'ayëtyën mëti'ipë ja naaxwiinyëtë winma'any yajtuuntëpën.

2 Corintios 10:4

Ja mëti'ipë yajmëtsiptuunpën ka'ap yë'ëjëty mëti'ipë yaajën naaxwiiny, yë'ë ja Dios ja myëk'ajtën mëti'ipë maayëpën ja kuttujkën tyajkutëkoyëty. Jëtu'unës nyajkutëkoytyë ja mëti'ipës nanëkoo xynyi'ë'ënëtëpën,

2 Corintios 10:8

Oyës janaam jatsojk ja n'aaw n'ayuk niwinpity ets ka'ap jëtu'un kyutukyëty, ka'apës ntuktsëtyuny; jä'äkyëjxmës ja Wintsën të xymyo'otë ja kuttujkën ets miits mwinpätëty, ka'ap yë'ëjëty ets miits nyajkutëkoytyëty.

2 Corintios 13:2

Mëti'ipë tëë pyokytyuntën ets ni'ëmukë, tyam maas jëkäm nyajpaatyën jatëkok ntuk'ëwaanëtë, ijxtëm ojts n'ëktuk'ëwa'anëtëpën koos jam n'ojtsy mëmäjtsk'ok. Pën nëjkxpës jatëkok, ka'ap n'ëkpa'ëyowanëtë,

2 Corintios 13:8

Jä'ä ko ka'ap tjëkyepy ni'ojëmëty ja tëyajtën, yi'iyë xypyatëm ets oy nimëtyakmëty.

2 Corintios 2:3

Paaty je'eyë të nijayëtë, këtiipës ok nmëmay nmëtajëty, ijxtëm jeexyë ni'ikyë nxoontä'äkyënës. Njëjp'ijxypës ënety ko miitsëty näjyëtu'un mxoonta'aktëty mëët ëjts.

2 Corintios 6:6

Näjyëtu'unës të nyajnikëxë'ëktë ko wa'ats aaw wa'ats jotës të njuuky'atë, koos nijawëtë ja tëyajtën, ko yajmëët'aty ja mä'kxtujkën ets ja oyjyot oywyinma'any; ko yajpaaty ja Kënu'kxymyëkajtën ma ëëtsëtyën, mëët ja tsojkën ja'awën winë aaw winë jotpë.

Tito 1:13

Ets tëy ojts y'ënä'äny, paaty xywyinkukajpxëty mëk'äämpy ets tu'ukyë tmëpëktëty ja Wintsën,