2 Corintios 12:4 - Biblia Dc en Mixe de Quetzaltepec

⁴ jam ojts yajmënëjkxy ma ja itën oypyë tsujpë, ma tmëtooyën ja aaw ayuk mëti'ipë ka'ap yajmëwinma'anypyäätyën ets ka'ap kyutukyëty ets yajnikajpxëty.

Biblia Mixe de Quetzaltepec

⁴ jam ojts yajmënëjkxy ma ja itën oypyë tsujpë, ma tmëtooyën ja aaw ayuk mëti'ipë ka'ap yajmëwinma'anypyäätyën ets ka'ap kyutukyëty ets yajnikajpxëty.

2 Corintios 12:4 ပူးပေါင်းရင်းမြစ်များ

Ezequiel 31:9

Janty oy ojts nyajyony nyajjiitsyës, mäjpxy yë nyi'aay; yë wiinkëtypë kepy mëti'ipë jamën Edén, ma ja Dios ja kyepy kyamën, wiink ijxëtëp ijty.

Ezequiel 8:3

Tëë ja ja'ay ja kyë'ë xynyimëjxajyës ets të tmatsy ja nwaayës. Ënet ja Dios ja myëj'ajtën të xyajpëtë'ëkyës etsës pojjoty të xyajnëjkxy, etsës ja Dios të xytyukwin'ixy xyajnëjkxyës jam Jerusalén, jam të xypyëjktä'äkyës ma yajnitëkën ja naax kajpn, anëkëjxytsyowpë, ma yajpaatyën ja awinax mëti'ipë ëxëëk yë Dios t'ixyën.

Lucas 23:43

Tääts ja Jesús y'ëtsooy: Tëy mijts n'ënëëmë ko tyämyë mëët ëjts myajpaata'any ma ja Dios ja y'ijtaknën.

Hechos 8:39

Ko pyëtsëëmtë nëëjoty, ënät ja Felipe ja Wintsën ja Jya'awën wiinktsow yajnëjkxë; ni kä'äp ja Etiopíë ja'ay t'ijxy maa ojts ja Felipe nyijkxy e yë'ë akujk jotkujk ojts jatëkok tyu'utëkë.

1 Corintios 13:1

Oyës njakäjpxy ja ayuk mëti'ipë ja naaxwiinyëtë ja'ay kyajpxtëpën, ëkë oyës njakäjpxy ja ayuk mëti'ipë ja tsajpjotmëtë kukäjpxy kyajpxtëpën, pën ka'apës ja njëëky nmëku'uk ntsoky njawë, jëtu'un tpaaty ijxtëm pujxn ja'ay twinwopyën ëkë ijxtëm pujxntexy je'eyë nëkoo nye'emyën.

2 Corintios 12:2

N'ixy'ajtës tu'uk ja ja'ay mëti'ipë myëpëjkën ja Kristë, jam jajëmëjt nyijkxy majkmajktsën ma yajmëpa'tëkën ma ja mëtëkëëkpë ja tsajpën. Ka'apës nnijawë pën ojts mëët yajmënëjkxy ja nyi'kx kyopk ëkë yi'iyë ja jya'awën, Dios nyija'ap.

1 Tesalonicenses 4:17

ets jënu'un ënety njaakjuuky'ajtëmën, tu'kmukyë nëjkx nyajmënëjkxëmë pojjoty yootsjoty ets nëjkx mëët nnäpyatëmë ja Wintsën, jëtu'unts xëmëkyëjxm n'ijtmëty mëët Yë'ë.

Apocalipsis 12:5

Tääts ja to'oxytyëjk ja y'u'unk tpaty, ye'etyëjk mëti'ipë ja naaxwiinyëtë ja'ay y'ënä'ämäämpyën mëët ja mëjkutujkën. E ojts ja y'u'unk yajpëjkë ets ojts yajmënëjkxy ma ja Tiosën ets ma ja kutujktaknën;

Apocalipsis 2:7

Pën yë tyatsk myëët'ajtypyën wä'än tmëtoowkukë wi'ix yë Kënu'kxymyëk'ajtën t'ënëëmën yë mëpëjkpëtëjk. Mëti'ipë mëtaktëpën ka'ap tii jyata'anëtë ko ënety ja mëmäjtsk'okpë o'kën y'ity.