2 Corintios 12:2 - Biblia Dc en Mixe de Quetzaltepec

² N'ixy'ajtës tu'uk ja ja'ay mëti'ipë myëpëjkën ja Kristë, jam jajëmëjt nyijkxy majkmajktsën ma yajmëpa'tëkën ma ja mëtëkëëkpë ja tsajpën. Ka'apës nnijawë pën ojts mëët yajmënëjkxy ja nyi'kx kyopk ëkë yi'iyë ja jya'awën, Dios nyija'ap.

Biblia Mixe de Quetzaltepec

² N'ixy'ajtës tu'uk ja ja'ay mëti'ipë myëpëjkën ja Kristë, jam jajëmëjt nyijkxy majkmajktsën ma yajmëpa'tëkën ma ja mëtëkëëkpë ja tsajpën. Ka'apës nnijawë pën ojts mëët yajmënëjkxy ja nyi'kx kyopk ëkë yi'iyë ja jya'awën, Tios nyija'ap.

2 Corintios 12:2 ပူးပေါင်းရင်းမြစ်များ

1 Reyes 18:12

Ëjts wa'atsës ntsyäty nyijawë ko ënät yaa ntsoonëtyës wiinktsow ënät ja Wintsën ja myëk'ajtën y'oyajtën myajnëjkxa'anyë maas ka'ap ninu'un nijawëtyën. E koos ënät ntuk'ëwaanëty ja Ahab, yë'ë kajts ja maa m'ëk patënëty, etsës ënätës xyaj'ookëty. Ëjts nwinkutsë'këpës yë Wintsën mutsknëm.

1 Reyes 8:27

Je'eyëp ko ¿Wä'än jëtää tyiyëty ko yë Wintsën jyëkyejpy jyuuky'atëty naaxwiiny naaxkëjxyë? Ix yë tsajp, ix jënu'un myëjëty ets ka'ap myäyë nyikojta'ajëtëty. E ya'atë tsajptëjk mëti'ipës yam të nkojyën tim yi'inëm yë'ë.

2 Reyes 2:16

ets t'ënëmaaytyë: Ëk'ix Elisejë, maa ëëtsëtyën, tä ja'ay yajpaatë niwëxtyikxymyajkën mëti'ipë jotmëkëtyën. Yë'ë ënëëmëtë wä'än nëjkx t'ixta'atë ja mwintsën Elías, jä'ä ko wä'änxyëp je'eyë yë Wintsën yë myëk'ajtën y'oyajtën të yajpëtë'ëkyë ets jatëkok të nyasmatsëty jam muum tunkëjxm kopkkëjxm ëkë jam muum joyjotm. E yë Elisejë tyaa y'ëtsooy: Ka'ap nëkoopë pën nkäjxmëty.

Salmos 148:4

Mmëjpëjkta'ak mijts tsajp ni'ik këjxmëpë yë Wintsën; mijts, nëë mëti'ipë jap tsajpnëkëjxy yajpatpën.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Ezequiel 11:24

Ënet ja Dios ja myëk'ajtën ojts xyajpëtë'ëkyës, etsës xyajwinpijty jam Babilonyë, ma yajpaatën ja wiinkëtypë ja Israel ja'ayëty tsumy matsy. Ya'atë nwin'ijxës ko ja Wintsën ja jyot jya'awën xytyuktëjkëyës. Ok, ka'apës ojts tii n'ëkwin'ijxnë.

Ezequiel 43:5

Ënet ja Wintsën ja myëk'ajtën ojts xyajpëtë'ëkyës ets xyajnëjkxyës ma ja tëja'awën tëkotytsyowpë, etsës n'ijxy ko tëë ja Wintsën ja myëj'ajt y'oyajtën tyajtuktujkta'ay ja tsajptëjk.

Lucas 24:51

Tam ënety kyënu'kxëtë, tääts y'ëxmajtsëtë ets ja Dios yajpa'tëjkëyë tsajpjotm.

Juan 6:56

Pën tsyu'tsyp ja nini'kxës ets y'ukpy ja ne'pnyës, tu'ukyë jyuuky'äty mëët ëjts ets tu'ukyës njuuky'äty mëët yë'ë.

Hechos 14:6

E ko ja Pablo ets ja Bernabé tnija'awëtyë, tää ojts kyäknëjkxtë jam Listra ets Derbe ets wiink kajpn mëti'ipë wë'ëmpën Licaonia y'itjotm.

Hechos 22:17

Ko nwinpijtyës jam Jerusalén, jamës ojts nëjkxy ma ja mëjtsajptëjkën Dios mëkajpxpë, ënät ja Dios ojts xytyuk'a'ijxnaxyës,

Romanos 16:10

Kajpxpo'kxtë ja Apeles, mëti'ipë wintëy wiinkujk myëtuumpyën ja Kristë; kajpxpo'kxtë ja Aristóbulo ets mëti'ipë tsënaaytyëpën jam ma jyëën tyëjkën.

Romanos 16:3

Kajpxpo'kxtë ja Priscila ets ja Aquila, yë'ëjës mëët nmëtuntë ja Kristë Jesús.

Romanos 16:7

Kajpxpo'kxtë ja nmëku'uk'ajtëmë Andrónico ets ja Junías, mëti'ipës të nmëpujxntëjk ja'ay'atën ets mëti'ipë ijxpëjkpëtëjk wintsë'ëkë yaj'ijtëtëpën ets jëwyiin ojts tmëpëktë ja Kristë ok ëjts.

Romanos 16:9

Kajpxpo'kxtë ja Urbano, mëti'ipë mëët nmëtu'unëmën ja Kristë tyuunk ets ja Estaquis, mëti'ipës mëk ntsojkpy nja'apën.

Romanos 8:1

Paaty tyam ka'ap pën poky y'ëk'ijnë, mëti'ipë ja Kristë Jesús mëët tu'ukyë yajpaatyën,

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

2 Corintios 11:11

¿Tii ko jëtu'un n'ëna'anyës? ¿Wä'än jëtää yë'ëjëty ko ka'ap ntsoktë? Wa'ats ja Dios nijawë ko miits ntsoktë.

2 Corintios 13:5

Nämyëmay nämyëtajëtë miits kë'ëm ets xy'ixtëty xynyijawëtëty pën mjantymyëpëjktëp ja Jesukristë. Näwyinma'any'ixëtë miits kë'ëm. ¿Këtii xynyijawëtë ko ja Jesukristë yajpaaty mëët miitsëtyë? ¿Ëkë nëkoo miits mnanyikajpxëtë ko Kristë xymyëpëktë?

2 Corintios 5:17

Paaty tyam, pën tu'ukyë mëët ja Kristë y'ityën, jemyjä'äy yajpatnë; ka'ap y'ëkjëtu'un'ajnë ijxtëm të y'ityën, aak jemy tu'kë'ëyë të y'awinpijtaaynyë.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Dios pyëjktakë ijxtëm jeexyë ja poky tmëët'atyën, jëtu'unts ja Dios xyaj'ëwaatsëpëtsë'emëty mëët ja Kristë.

Gálatas 1:22

Ka'apës ijty xy'ixy'atë mëti'ipë ja Kristë myëpëjktëpën jam Judea y'itjotm.

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Efesios 4:10

Ets mëti'ipë të kyëtä'äkyën yë'ë jatëkok të pya'tëkë këjxm jam tsajpjotm ets tyawintujkta'aja'any ja tsajp.

Deuteronomio 10:14

Yë'ë yajxon nijawëtë, ko yë mWintsënëty yë'ë winë jyä'ä'ajtääpy, wä'än tyë'ëjëty yë pojjotypë, tsajpkëjxmëpë, naaxwiinypë ets tëkokyë jënu'un jää winë yajpaatyën.

1 Tesalonicenses 4:17

ets jënu'un ënety njaakjuuky'ajtëmën, tu'kmukyë nëjkx nyajmënëjkxëmë pojjoty yootsjoty ets nëjkx mëët nnäpyatëmë ja Wintsën, jëtu'unts xëmëkyëjxm n'ijtmëty mëët Yë'ë.

Hebreos 4:14

Jesús, ja Dios U'unk, yë'ë ja nTeetywintsën'ajtëmë mëti'ipë të pya'tëkën tsajpjotm. Paatykyëjxm mëk ja mëpëjkën nmëët'ajtmëty mëti'ipë të mpatëmën.

Hebreos 9:24

Jä'ä ko ja Kristë ka'ap jap tyëjkëy ma ja wit tëjkën mëti'ipë ja naaxwiinyëtë ja'ay të tkojtën, mëti'ipë je'eyë y'awinax'ajtypyën ja mëtëypyë ja tsajptëjk, ma tyam yajpaatyën Dios wyintum ets xëmë xynyinu'kxtakëmë.

Apocalipsis 1:10

Wintsën ënety ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,

Apocalipsis 12:5

Tääts ja to'oxytyëjk ja y'u'unk tpaty, ye'etyëjk mëti'ipë ja naaxwiinyëtë ja'ay y'ënä'ämäämpyën mëët ja mëjkutujkën. E ojts ja y'u'unk yajpëjkë ets ojts yajmënëjkxy ma ja Tiosën ets ma ja kutujktaknën;

Apocalipsis 4:2

Tääts tim pojën ja Kënu'kxymyëkajtën xytyuktëjkëyës ets n'ijxpatyës tu'uk ja kutujktakn jam tsajpjotm. Jamts tu'uk y'u'unyë ja juuky'ajtpë.