2 Corintios 12:19 - Biblia Dc en Mixe de Quetzaltepec

¹⁹ ¿Wä'än jëtää miits mmaytyë mtajtë? ko mä'kxën yam mpëjktsoowtëpës ma miitsëtyën, je'eyëp ko ka'ap jyëtu'unëty. Dios wyintuuy wyinkujk ëëts nkajpxtë nmëtya'aktë ijxtëm ja Kristë të xymyo'otënës ja aaw ayuk. Mëku'uktëjkëty mëti'ipës ni'ik ntsojktëpën, tu'kë'ëyë mëti'ipës ntuuntëpën, yë'ëkyëjxm ets miits mwinpätëty ma ja mmëpëjkënëtyën.

Biblia Mixe de Quetzaltepec

¹⁹ ¿Wä'än jëtää miits mmaytyë mtajtë? ko mä'kxën yam mpëjktsoowtëpës ma miitsëtyën, je'eyëp ko ka'ap jyëtu'unëty. Tios wyintuuy wyinkujk ëëts nkajpxtë nmëtya'aktë ijxtëm ja Kristë të xymyo'otënës ja aaw ayuk. Mëku'uktëjkëty mëti'ipës ni'ik ntsojktëpën, tu'kë'ëyë mëti'ipës ntuuntëpën, yë'ëkyëjxm ets miits mwinpätëty ma ja mmëpëjkënëtyën.

2 Corintios 12:19 ပူးပေါင်းရင်းမြစ်များ

Romanos 12:19

Miits mëku'uktëjkëty, ntsojktëp miits ni'ik. Ka'ap ja mmëtsip ëxëëk xymyëwinpitëty pën tëë tii mtukmëtuuntëkoyëtë, Dios yë'ë tukupätëtëp; jä'ä ko jëtu'un ja Dios ja y'aaw y'ayuk kyëxja'ayëty: Ëjts xypyatp npëjkta'akëty ja tëytyu'unën, ëjts ntukëpätëp, jëtu'un ja Wintsën y'ënä'äny.

Romanos 14:19

Wä'än yë'ë n'ixta'ayëmë wi'ix npatmëtyën ja jotkujk'ajtën ets nnäpyutëjkëmëty nixim niyam wi'ix nwinpäjtmëtyën ma ja mëpëjkën.

Romanos 15:2

Ni'ëmukë ëëts xypyaat'ajtëmë ntukjotkëtakmëty ja nmëku'uk'ajtëmë ets tuk'oy'atëty wi'ix wäänë oy tmëpëktëty ja Kristë.

Romanos 9:1

Tëy jaantyës n'ëna'any, ka'apës n'antä'äky. Ja njot nwinma'anyës Kënu'kxymyëkajtën tu'uwinwoowëp mëti'ipës xytyuknija'apën ko ya'atë tyiyëty.

1 Corintios 10:14

Paaty, mëku'uktëjkëty, këtii xy'ëwtatëty ja awinax.

1 Corintios 10:33

Mëët ëjts, yë'ëjës njatuunpy etsës ja nmëku'uk jyotkujk'atëty, ka'apës ja nkë'ëm oyajtën n'ixta'ay, ja wiinkëtypë ja jyä'ä n'ixtaayëtëpës ets tpaatëty ja nitsokën.

1 Corintios 14:26

Mëku'uktëjkëty. Ko miits mye'eymyuktëty, jyëkyejpy jam pënëty y'ëwtëty, yaj'ijxpëktëty, nimëtya'aktëty ja Dios ja y'aaw y'ayuk, tkajpxtëty ja wiink ayuk ets wiinkpë tyajniwijtëty. Je'eyëp ko yë'ë mëti'ipë ni'ëmukë yajtuk'oy'atëpën.

2 Corintios 10:8

Oyës janaam jatsojk ja n'aaw n'ayuk niwinpity ets ka'ap jëtu'un kyutukyëty, ka'apës ntuktsëtyuny; jä'äkyëjxmës ja Wintsën të xymyo'otë ja kuttujkën ets miits mwinpätëty, ka'ap yë'ëjëty ets miits nyajkutëkoytyëty.

2 Corintios 11:10

Mëtëyës n'ëna'any ko nija'apës ja Kristë ja tyiyajtën. Ka'ap tjëkyepy pën xypyëjkëtyës ja xoontakën mëti'ipës nmëët'ajtypyën ma ja nmëku'uk'ajtëmën mëti'ipë yajpatëpën jam Acaya.

2 Corintios 11:31

Ja Dios, ja Wintsën Jesukristë Tyeety, mëti'ipë paat'ajtëp ja wyintsë'kën xëmëkyëjxmëpë, nyija'ap koos tëy n'ëna'any.

2 Corintios 12:15

Ëjts winë aaw winëjotës nyajtuna'any mëti'ipës nmëët'ajtypyën, ëjtspaatës kë'ëm näyajtuna'anyë mëët miitskyëjxmëty. Pën ni'ik miits ntsoktë, ¿wäänë miits xytsyoka'antësë?

2 Corintios 13:10

Jëtu'unts miits tyam nnijäyëtë naamka'anëmës nnëjkxy ma miitsëtyën ets këtiipë nëkoo mëk xyjyawëtëty ja kuttujkën mëti'ipës ja Wintsën të xymye'eyën. Ka'ap yë'ëjëty ets nyajkutëkoytyëty; yë'ë ets miits mwinpätëty mëpëjkënkyëjxm.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

2 Corintios 3:1

Koos jëtu'un n'ëna'antë, ¿wä'än jëtää miits xyjyawëtë koos kë'ëm nämyëjpëjkta'akëtë jatëkokë? ¿Ëkë atsip ënät ja nnoky tsyä'äy myajtuk'ixtëty, ëkë myaj'amëtowtëty ijxtëm jënaakën y'ëtë'ëtstënë?

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Dios, tsojk ntu'unëm ja oypyë ets ja wa'atspë Dios wyintuuy.

Filipenses 4:1

Paaty, mëku'uktëjkëty, mëti'ipës njatsojkpyën yë'ë ets jeexyë nëjkx nku'ixëtë; miitsëty mëk n'oyjawëtë ets ntukxoontaktëp; jëtu'un njawëtë ijxtëm tu'uk ja kuma'ayënën. Itë jëtu'un mëk ma ja Wintsën xymyëpëktën.

1 Tesalonicenses 5:11

Paaty, näyjyotmëkwinkajpxëtë ets näyjyotmëkmo'ojëtë nixim niyam, jëtu'un ijxtëm jam xytyuntën.

Hebreos 6:9

Mëku'uktëjkëty, oy miits yam jëtu'un nnimëtya'aktë, nija'awëtyëpës ko miits jam myajpaatë ma ja oyajtënën, yë'ë yajtijp ko tëë ja nitsokën xypyaatë.