2 Corintios 11:9 - Biblia Dc en Mixe de Quetzaltepec

⁹ E koos jam n'ojtsy ma miitsëtyën, ojtsës nyajmëyäty mëti'ipës ënety xykya'ijtëpën, je'eyëp ko kä'äp ojts miits n'amëtowtë, ka'ap ojts pën n'atsipyës. Ko ja nmëku'uk'ajtëm jyajtë mëti'ipë ënety tso'ontëpën Macedonia, yë'ë ojts xymyo'otë mëti'ipë ënety ëjts nyajmëyäjtypyën, kä'äp miits n'amëtoowtë tii ets kä'äpyëm tii n'amëtowa'antë.

Biblia Mixe de Quetzaltepec

⁹ E koos jam n'ojtsy ma miitsëtyën, ojtsës nyajmëyäty mëti'ipës ënäty xykya'ijtëpën, je'eyëp ko kä'äp ojts miits n'amëtowtë, ka'ap ojts pën n'atsipyës. Ko ja nmëku'uk'ajtëm jyajtë mëti'ipë ënäty tso'ontëpën Macedonia, yë'ë ojts xymyo'otë mëti'ipë ënäty ëjts nyajmëyäjtypyën, kä'äp miits n'amëtoowtë tii ets kä'äpyëm tii n'amëtowa'antë.

2 Corintios 11:9 ပူးပေါင်းရင်းမြစ်များ

Nehemías 5:15

E ja yajkutujkpëtëjk mëti'ipë ënety jëyëjp të tyuntën je'eyë ijty xëmë ja naax kajpn tuk'atsiptë ja ayajk ako'onën, xëmë ja ja'ay ijty yaj'amëtowtë ja wit meeny këëkwëxtyikxy ja poop pujxn mëti'ipë ja yajkutujkpë nyikayëp nyi'uukëpën. E xëmë ijty winjëpom ja naax kajpn winë tjanty'amëtowtë ets tjantypyëjkëtë. Ëjts ka'apës jëtu'un ja naax kajpn ntuuny jä'ä ko ja Wintsën jä'äs ntsë'këp.

Hechos 18:3

jam ojts wyi'im tuunpë. Näy jä'ä ja Pablo tyuunk'ajtyp ja wit tëjk xuuyk.

Hechos 18:5

Ko ja Silas ets ja Timoteo jam jyajtë, Macedonia tsyoontë, ënät ja Pablo tu'ukyë tpatëjkëy ja Dios ja y'aaw y'ayuk tkajpxwa'kxë, ets tuk'ëwa'anëy ja jutiis ja'ayëty ko Jesús yë'ë jëtu'un Kristë.

Hechos 20:33

Ka'apës nijëna'a të n'atsoky yë wit meeny, pu'ts pujxn ëkë wit xox,

Romanos 15:26

Jä'ä ko tëë ja näypyutëkë tyajmuktë ja nmëku'uk'ajtëmë mëti'ipë jam tsënaaytyëpën Macedonia ets Acaya ets tuknikäxtë ja mëpëjkpëtëjk, ëyoopëja'ayëty jampë Jerusalén.

1 Corintios 16:17

Jotkujkës näjyawëty ko të myintë ja Estéfanas, Fortunato ets ja Acaico. Yë'ës të xypyutëkëtë ets të xyjyotmëkmo'otës ko miits të mkamintë.

2 Corintios 6:4

Ni'ikyënëm nyajnikëxë'ëktës koos ja Dios nmëtuntë, nmënax nyajnaxtës ja ëyo'on jotmay mëët ja mä'kxtujkën, oyës n'ëyowtë, oyës tii nyajmëyatë ets oy tsip ja xëëw juukyajtën nyajnaxtës,

2 Corintios 9:12

Ko yajtukninëjkxtëty ja näypyutëkë ja nmëku'uk'ajtëmë, ka'ap yi'iyë yajmo'oja'antë mëti'ipë ënety ka'ijtxëtëp, näjyëtu'un nnëmä'ämyëty wä'än ja Dios tkukajpxëtë.

Filipenses 2:25

Jëtu'unës nmay ntajy ko kopkpëky etsës näjyëtu'un nkäxa'any ja nmëku'uk'ajtëm Epafrodito, mëti'ipë mëët tu'ukyë ntuunmukyënës ets ntsiptunyës, mëti'ipës ojts miits xytyuknikäxtën etsës xypyutëkëty ko tiiputëjkën nyajmëyatëtyës.

1 Tesalonicenses 2:6

Ka'apës yë'ëjëty njotmay'atë etsës ja ja'ay xymyëjjawëtëty ëkë miitsëty ëkë wiinkëtypë xyajmëjnaxtëtyës.

1 Tesalonicenses 2:9

Mëku'uktëjkëty, wa'ats ënät miits xyjyä'ämyätstë wi'ix ijty ntuntënës xëëny koots këtiipë myaj'atsiptëty ko ntukmëmëtyaktë ja oy aaw oy ayuk, mëti'ipë Dios jyä'ä'ajtypyën.

Hebreos 11:37

Wiinkpë ojts y'ooktë kuka'atsy ets ojts yajjë'ëtwa'ktë kujkm, ëkë kupuxy mëët ja mëtyäät. Tam mëti'ipë ja wyit xyox kakaajtën, tsajppax ak kupixyny jyaak wit'ajtëp ets yaj'ëyow yaj'ama'at jyëtijtë wyimpäjtë jyëjptaktë.