2 Corintios 11:31 - Biblia Dc en Mixe de Quetzaltepec

³¹ Ja Dios, ja Wintsën Jesukristë Tyeety, mëti'ipë paat'ajtëp ja wyintsë'kën xëmëkyëjxmëpë, nyija'ap koos tëy n'ëna'any.

Biblia Mixe de Quetzaltepec

³¹ Ja Tios, ja Wintsën Jesukristë Tyeety, mëti'ipë paat'ajtëp ja wyintsë'kën xëmëkyëjxmëpë, nyija'ap koos tëy n'ëna'any.

2 Corintios 11:31 ပူးပေါင်းရင်းမြစ်များ

Nehemías 9:5

ets y'ënantë ja Leví ja'ayëty mëti'ipë xyëëwajtëpën Josué, Cadmiel, Binuy, Hasabnías, Serebías, Hodías, Sebanías ets Petahías: Pëtë'kta'atë ni'ämukëty ets win'ëw winya'axtë ja mWintsënëty xëmë. Kënu'kxy, mëjjawë mëpaat yë'ë nyäxy, ets mëpaat'ajtp yajwin'ëy yajwinyä'äxy yë kyënu'kxy mëj xëëw.

Salmos 41:13

Kënu'kxy yë Wintsën y'itëty mëti'ipë yë Israel y'ëwtajtypyën tyam ets xëmëkyëjxm. Jëtu'un'atëp.

Juan 10:30

Dios Teety ets ëjts, tu'ukyë ëëtsëty.

Juan 20:17

Tä ja Jesús y'ënëmaayë: Këtiis xymyätsy, jä'ä ko ka'anëmës nnëjkxy ma ja Dios Teetyën. Nëjkx ets xytyuk'ëwaanëty ja nmëku'uktëjkës: Ko jamës nnëjkxy maas yë nTeetyën ets ma miits yë mTeetyëtyën; maajës yë nTiosën ets ma miits yë mTiosëtyën.

Romanos 1:25

Ka'ap ja Dios ja tyiyajtën të tmëjpëjktakëtë, ni'ikyë ja ënëëmëtyä'äky të tyajmëjtëkëtë ets të twintsë'ëkëtë, të t'ëwtatë mëti'ipë ja Dios të tyajkojyën; ka'ap ja Dios të twintsë'ëkëtë, mëti'ipë ja paat'ajtëpën ets jeexyë tmëjjaw tjaantyjyawëtë.

Romanos 1:9

Dios, mëti'ipës ëmuumtu'ukjot nmëtuumpyën ets nnikäjpxy nnimëtyä'äkyës ja y'u'unk, yë'ë y'ijxyp nyija'ap ko miits xëmë nja'amyätstë koos ja Dios nmëkäjpxy.

Romanos 15:6

jëtu'unts tu'ukyë xymyëjjaw xyjyääntyjyawëtëty ja Dios, Wintsën Jesukristë Tyeety.

Romanos 9:1

Tëy jaantyës n'ëna'any, ka'apës n'antä'äky. Ja njot nwinma'anyës Kënu'kxymyëkajtën tu'uwinwoowëp mëti'ipës xytyuknija'apën ko ya'atë tyiyëty.

Romanos 9:5

Yë'ë y'u'unk y'ok ja y'aptëjkëty; yë'ë tsyikts'ajt y'aats'ajtëp, ma txëëwatën naaxwiinyëtë ja'ay, ma niTios'ajta'ayën winë, mëj'äämpy wintsë'ëkë y'itëty xëmëkyëjxm. Oy jyëtu'un'atëty.

2 Corintios 1:23

Wa'ats ja Dios nijawë ko ka'anëm nnëjkxyës jam Corinto, jä'äkyëjxm ko miits nkayajjotmaytyëkëja'antë, ets Dios yë'ë wa'ats nyija'ap tii koojën.

2 Corintios 1:3

Mëjjaw jaantyjawë mëpaat nyäxy ja nWintsën'ajtëm Jesukristë ja Tyeety, jä'ä ko yë'ë Tios'ajtp mëti'ipë të xypya'ëyo'owëmën ets ja Dios mëtipë xëmë xyajjotkujktakëmën.

2 Corintios 11:11

¿Tii ko jëtu'un n'ëna'anyës? ¿Wä'än jëtää yë'ëjëty ko ka'ap ntsoktë? Wa'ats ja Dios nijawë ko miits ntsoktë.

Gálatas 1:20

Y'ijxyp nyija'ap yë Dios ko tëy mëti'ipë yam miits ntuknija'ayëtëpën.

Efesios 1:3

Mëjjaw jaantyjawë nyäxy ja Dios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Efesios 3:14

Yë'ëkyëjxmës nwinkoxtänë ja Dios,

Colosenses 1:3

Xëmë ko miits nja'amyätstë nkukajpxëtëpës ja Dios, ja nWintsën'ajtëm Jesukristë ja Tyeety.

1 Tesalonicenses 2:5

Ka'ap miits nëkoo je'eyë të nwinmëtya'aktë mëët ja aaw ayuk tsujpë ets ni të nka'amëtowtës eetsës xymyëjuytyëty. Dios yë'ë wa'ats nyija'ap.

1 Timoteo 1:11

Ya'atë mëtëypyë ijxpëjkën yë'ë mëët nyäpyäätyë ja oy aaw oy ayuk mëti'ipës të xytyuknipëkyën ja Dios kënu'kxypyë.

1 Timoteo 1:17

Mëjjaw jaantyjawë ja Dios y'itëty, yë'ë tu'ukyë Tios'ajtp, mëti'ipë xëmëkyëjxm ijtpën, mëti'ipë ka'ap y'ookyën ets ka'ap yaj'ixyën. Oy jyëtu'un'atëty.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

1 Pedro 1:3

Tsojk nmëjja'aw njaantyjya'awëm ja Dios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.