2 Corintios 11:26 - Biblia Dc en Mixe de Quetzaltepec

²⁶ Tëë xii yaa njëtityës. Nija'apës ja ëyo'on ma mëj nëëkomën, näjyëtu'un ma ja mä'tspëtyën, maas ja nmëkukajpnën, näjyëtu'un xynyë'ëtän xytyu'utänëtës mëti'ipë ka'ap jyutiis'atën. Tëës n'ixy ja ëyo'on ma ja mëjëtypë kajpnën ets näjyëtu'un aayjyotm pejyjotm ets ma ja mejyën; tëëjës n'ixy ja ëyo'on jotmay ma ja mëti'ipë nätyijëtëpën mëpëjkpëtëjk.

Biblia Mixe de Quetzaltepec

²⁶ Tëë xii yaa njëtityës. Nija'apës ja ëyo'on ma mëj nëëkomën, näjyëtu'un ma ja mä'tspëtyën, maas ja nmëkukajpnën, näjyëtu'un xynyë'ëtän xytyu'utänëtës mëti'ipë ka'ap jyutiis'atën. Tëës n'ixy ja ëyo'on ma ja mëjëtypë kajpnën ets näjyëtu'un aayjyotm pejyjotm ets ma ja mejyën; tëëjës n'ixy ja ëyo'on jotmay ma ja mëti'ipë nätyijëtëpën mëpëjkpëtëjk.

2 Corintios 11:26 ပူးပေါင်းရင်းမြစ်များ

Hechos 13:45

Ko ja jutiis ja'ay t'ijxtë ko nimay ja ja'ayëty, tääts ja Pablo ojts yajtuk'ëxëëk'ixy, ets ojts twinkajpxpätë, y'ënantë ko nëkoo je'eyë wyin'ëëntë.

Hechos 13:50

E ja jutiis ja'ayëty ojts t'akajpxëtë ja to'oxytyëjkëty mëti'ipë wintsë'ëkë ijtëpën ets mëti'ipë oy juuky'ajtëpën; näjyëtu'un t'akajpxëtyë ja ye'etyëjkëty mëti'ipë mëj'äämpy ijtëpën ma ja kajpnën ets yë'ëjëty tyajjotma'atëty ja ja'ayëty ets yaj'ëxwojppëtsëmtëty ja Pablo ets ja Bernabé.

Hechos 14:19

Ënet ja jutiis ja'ayëty jyajtë mëti'ipë tso'ontëpën Antioquía ets Iconio, mëti'ipë ojts t'akajpxëtën ja ja'ay ets tyajwinmaaytyëkajtstë. Tääts ja Pablo tka'tstë, jëtu'un tjëjp'ijxtë tëë yowë tyaj'ooktë, tää tjëtujttso'ontë ets kajpnpë'am tnajtsjëtutëtë.

Hechos 14:5

Ënet ja jutiis mëët mëti'ipë ka'ap jyutiis'atën tkäjpxy'ajtë mëët ja kutuunk ets twopa'an tka'atsa'antë ja Pablo ets ja Bernabé.

Hechos 15:40

e ja Pablo yë'ë wyoow ja Silas ets ja mëpëjkpëtëjk ojts kyënu'kxëtë ma Tiosën ets tsyo'ontë;

Hechos 17:13

Ko tnija'awëtyë ja jutiis ja'ayëty mëti'ipë jam tsënaaytyëpën Tesalónica ko ja Pablo tam tkajpxwä'kxy ja Dios ja y'aaw y'ayuk jam Berea, ënät ojts nyëjkxtë ets ja ja'ay t'akajpxëtë ets tkajpxjoot'anpëjktë.

Hechos 17:5

Tam ja Judá ja'ayëty mëti'ipë joot'anpëjktën ets twoowmujktë ja ëxëëkja'aytyëjk mëti'ipë jëtijtëpën jam kajpnjotm ets ja ja'ay tyajjoot'anpëjktë ets ënätyë ye'eymyujktë. Ënet ojts pëyi'ikyë nyëjkxtë ma ja Jasón ja tyëjkën, ja Pablo ets Silas myatsantëp ets tkë'ëka'antë ma kutuunkën;

Hechos 18:12

E ko ja Galión ojts tyuny yajkutujkpë jam Acaya, ënät ja jutiis ja'ay nyimiinëtë ja Pablo, ets tyukjoot'anpëjkëtë. Tää yajmënëjkxnë ma ja yajkutujkpën,

Hechos 19:1

Naamtamnëm ënety ja Apolo y'itynyëm Corinto ko ja Pablo tuknajxy ja tunjot kopkjot ets jyä'äjty Éfeso ma tpatyën ja mëpëjkpëtëjk.

Hechos 19:23

Näy jää tiempo ja ja'ay tyajtsiptaktë jam Éfeso ja Jempyë ja Në'ë Tu'u.

Hechos 20:19

Xëmës yaa të nyajpaaty ma miitsëtyën yu'unk naxym, nmëtunyës ja Wintsën Jesús; tëëjës ëxëëk njaty nkëpety ets tëëjës një'ëy nyä'äxy ko ja jutiis ja'ayëty të xyjyayaj'ooka'antës.

Hechos 20:3

Jam ojts wyi'imy tëkëëk po'o. Tam ënety tyimtëkëjanë kepy nëëwinye'epyëjoty ets nyëjkxa'any Sirië ko tnija'awëy tëë ja jutiis ja'ayëty tuknipëjktaakëtë ko tyaj'ooka'antë ja Pablo. Paaty ojts jatëkok tyimwinpity ye'epy, jäätsow nyäjxy Macedonia.

Hechos 23:10

Tääts ko ni'ikyë tyëjkëtyë yaxpë jojkpë, ënät ja mëj tsiptuunpë wintsën ojts tsyë'ëkë ko tsojk yowë ja Pablo yajtuknukëty. Ënet ja tsyiptuumpë tkejxy ets ja Pablo yajwijtspëtsëmëty jap mayjä'äyjoty ma ya'axtën jyoktën ets ojts twoownëjkxy jëkäm ma ja tsiptuunpë y'itën.

Hechos 25:3

Ënet ja Festo t'amëtoowtë ja mëyajtën ets ja Pablo tyajminëty jam Jerusalén. Jëtu'un ënety ja jutiis ja'ayëty të tuknipëjktaakëtë ets ja Pablo tyaj'ooka'antë tu'ujoty.

Hechos 27:42

Tääts ja tsiptuunpë y'ënantë ko tyaj'ooka'antë ja tsumyjä'äy këtiipë kyä'äktëty mejyotm nëëyuump.

Romanos 15:19

ets mëët yë myëk'ajtën ja Kënu'kxymyëkajtën ko yajtuny ja mëj'ajtën. Jëtu'unës të nkajpxwä'kxy ja oy aaw oy ayuk ma ënety ka'anëm ja Kristë yajnimëtyä'äkyën, jam Jerusalén ets Lirië y'itjotm.

Romanos 8:35

¿Pën jëtää xy'ëkpëjkëmëp ja Kristë ja tsyojkën? ¿Wä'än jëtää yë'ëty tsipë, ëyo'on, ko nyaj'ëxwojpmëtyë ëkë ko yuu xëëw nyajnajxmëtyë, ëkë ko nwit'ajt nxox'ajtëm kya'itëtyë, ëkë ko kutsë'ëkëtuuy nyajpatmëtyë, ëkë ko yë ja'ay xyaj'o'kmëtyë?

1 Corintios 15:30

¿E tii ko ëëtsajtëm xëmë janaam jatsojk atsë'ëkëtuuy n'ijtëmë?

1 Corintios 15:32

Koos jeexyë ëjts nkë'ëmwinma'any të nyajtunyës, koos të ntsiptuny mëët ja ja'ayëty mëti'ipë jëtu'unëtyën tä ëwa'an jëyujkën, ¿tiis jeexyë të npaaty të n'ixyës? Pën tëy ko ja o'kpë ka'ap jyuukpyëktë, jëtu'un ijxtëm ja ja'ay y'ëna'antën: Tsojk nka'ayëm n'ukëmë, jä'ä ko jëpom n'ooka'anëmë.

2 Corintios 11:32

Ko ojts n'otyës Damaskë, ja yajkutujkpë mëti'ipë myëtuumpyën ja Aretas, ojts tni'ënä'ämë ets ja tu'u tyaj'ëtujkta'atëty mëti'ipëjaty kajpntum ja'ajtpën etsës nyajmatsëty.

Gálatas 2:4

E jam ja ja'ayëty ënety jënaakën mëti'ipë nätyijëtëpën ko myëpëktë, jä'ä ënety të tyëkëtë ayu'utsy ma ëëtsëtyën ets t'ixa'antë wi'ix tii yajtunyën ko nyajpatëmë ëwaatsëtum ma ja Kristë yajmëpëkyën; yë'ë tsyojktëp ets atsip ëëts npatuntëty jatëkok ja Moisés ja y'ënä'ämën.