2 Corintios 11:2 - Biblia Dc en Mixe de Quetzaltepec

² Ni'ikës miits ntsoktë mëët ja Dios ja tsyojkën mëti'ipës të xymye'eyën. Jëtu'unës ëjts ijxtëm tu'uk ja u'unkteetyën mëti'ipë ja nyëëx nyi'ëtsoopyën ets pyëkëty mëët tu'uk ja yä'äy ëna'k. Jëtu'un miitsëty ijxtëm ja to'oxy ëna'kën ets ja Kristë ijxtëm tu'uk ja yä'äy ëna'kën. Ntsojkpyës ets miits nkë'ëyaktëty ets ja Kristë mëët mpëktëty m'uuktëty ijxtëm tu'uk ja to'oxy ëna'kën wintëy wiinkujkpë.

Biblia Mixe de Quetzaltepec

² Ni'ikës miits ntsoktë mëët ja Tios ja tsyojkën mëti'ipës të xymye'eyën. Jëtu'unës ëjts ijxtëm tu'uk ja u'unkteetyën mëti'ipë ja nyëëx nyi'ëtsoopyën ets pyëkëty mëët tu'uk ja yä'äy ëna'k. Jëtu'un miitsëty ijxtëm ja to'oxy ëna'kën ets ja Kristë ijxtëm tu'uk ja yä'äy ëna'kën. Ntsojkpyës ets miits nkë'ëyaktëty ets ja Kristë mëët mpëktëty m'uuktëty ijxtëm tu'uk ja to'oxy ëna'kën wintëy wiinkujkpë.

2 Corintios 11:2 ပူးပေါင်းရင်းမြစ်များ

Isaías 54:5

jä'ä ko ja mëti'ipë ojts myajkojyën, yë'ë mpëkan m'uukanëp. Jä'ä xyëëwajtyp Wintsën mëti'ipë maaytyääyëpën winë, ja wa'ats Dios mëti'ipë yë Israel ja'ayëty y'ëwtajtëpën, mëti'ipë Tios'ajtpën ma tëkokyë naaxwiinyëtë ja'ayën.

Juan 3:29

Ma ja pëjkën ukën y'ityën, ja ye'etyëjk yë'ë kyë'ë'am'ajtyp ja to'oxytyëjk; ets xoontakp ja pëjkpë ye'etyëjk ja myëku'uk mëti'ipë mëët oy nyämyäyën ko tmëtoy kyäjpxy myëtyä'äky ja pëjkpë ye'etyëjk. Näjyëtu'unës tyam, xoontakpës nyajpaaty ko Jesús ja y'aaw y'ayuk nmëtoowës.

Colosenses 1:28

Yë'ëjës nikajpx nimëtyaktëp ja Kristë ets nyaj'ijxpëktës ntukmëkajpx ntukmëmëtya'aktës ni'ëmukë ja ja'ayëty ja wijyajtën, ets yajpaatëty oy wa'ats ma ja Kristën.

Ezequiel 44:22

Ka'ap tjëkyepy pyëkëty mëët tu'uk yë to'oxytyëjk tëëpë kyu'ookyën ëkë mëti'ipë pëjktëkatsyën, yi'iyë mëpaat mëët pyiky tu'uk yë to'oxytyëjk mëti'ipë ka'ap ye'etyëjk tmëëtsëënënëm ëkë mëti'ipë ënety tu'uk yë teety të tku'ookyën.

Filipenses 1:8

Dios nyija'ap ko miits mëk nja'ixa'antë mëët ja Wintsën Jesukristë ja tsyojkën jya'awën.

Romanos 7:4

Näyjyëtu'un miitsëty mëku'ukëty, ko të xymyëjwa'kpätë ja Kristë jëtu'un tpaaty ijxtëm jeexyë mëët të m'ooktën ma ja ënä'ämënën, ets tu'ukyë m'itëty mëët ja Kristë ijxtëm ja ni'kx kopkën, mëti'ipë të y'ookyën ets tëë jatëkok jyuukpyiky. Jëtu'unts njuuky'ajtmëty tsuj yajxon ijxtëm yë Dios tsokyën.

2 Corintios 4:14

Jä'ä ko nnija'awëm ëëtsajtëm ko ja Dios mëti'ipë yajjuukpyëjkën ja Jesús, näjyëtu'un xyajjuukpyëka'anëmë, ets mëët miitsëty mëët tu'ukyë xyajnëjkx'anëmë wyintum wyinkujk.

1 Corintios 4:15

Oy xyjyamëët'atë majk milën ja yaj'ijxpëjkpë mëti'ipë mtuk'ijxpëjkëtëp ja Kristë ja jyä'ä, ka'ap ja mteety may xymyëët'atë, jëtu'un npëjktakmëty koos ëjts xytyeety'ajtëp jä'ä ko miits të ntuk'ëwaanëtë ja nitsokën ko ja Kristë të xymyëpëktë.

Gálatas 4:11

Njëjpja'awëpës ko wä'änxyëp ja ntuunkës të kya'oyë ma miitsëtyën.

1 Tesalonicenses 2:11

Näy mnija'awëtëp wi'ix të njotmëkmo'otën ets të nyajjotkujkta'aktën nitu'ukjaty ijxtëm ja u'unkteety y'ixy myëyätyën.

Apocalipsis 14:4

Yë'ë mëti'ipë oy tsuj të jyä'äy'atën ets ka'ap të nyäyaj'ëxëëkëtë mëët ja to'oxytyëjk. Wa'ats yë'ëjëty të nyäyaj'itëtë, pyanëjkxtëp oy tyimmaajëty mëti'ipë yajtijpën Kupixyn U'unk. Yë'ë jëtu'un jëwyiin të nyätyukmëyoxëtë ja Dios ets mëti'ipë yajtijpën Kupixyny U'unk ets të tuknitso'oktë.