2 Corintios 11:11 - Biblia Dc en Mixe de Quetzaltepec

¹¹ ¿Tii ko jëtu'un n'ëna'anyës? ¿Wä'än jëtää yë'ëjëty ko ka'ap ntsoktë? Wa'ats ja Dios nijawë ko miits ntsoktë.

Biblia Mixe de Quetzaltepec

¹¹ ¿Tii ko jëtu'un n'ëna'anyës? ¿Wä'än jëtää yë'ëjëty ko ka'ap ntsoktë? Wa'ats ja Tios nijawë ko miits ntsoktë.

2 Corintios 11:11 ပူးပေါင်းရင်းမြစ်များ

Salmos 44:21

Mijts wa'ats jeexyë xy'ixy xynyijawë, jä'ä ko mijts mtuk'ijxnajxyp yë jot winma'any.

Juan 21:17

E mëtëkëëk ok yajtëëwkojënëpë: Simón, Juan yë myaank, ¿xytsyojkpësë? Ets ja Pedro jyotmaytyëjkëy ko mëtëkëëk ok yajtëyë pën tsyojkpy ets t'ëtsooy: Wintsën, mnija'ap mijts tu'kë'ëyë winë, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

Hechos 15:8

Dios, mëti'ipë wa'atsën nyija'awëp wi'ix ja ja'ay ja y'aaw jyot tu'uktu'uk tmëëtëtyën; tëë tyajnikëxë'ëky ko yë'ë kyupëjkpy ja ja'ay wä'än tpënëty, paaty ja Kënu'kxymyëkajtën ojts tmo'oy ijxtëm ëëts ojts xymyo'oyëmën.

Romanos 1:9

Dios, mëti'ipës ëmuumtu'ukjot nmëtuumpyën ets nnikäjpxy nnimëtyä'äkyës ja y'u'unk, yë'ë y'ijxyp nyija'ap ko miits xëmë nja'amyätstë koos ja Dios nmëkäjpxy.

2 Corintios 11:10

Mëtëyës n'ëna'any ko nija'apës ja Kristë ja tyiyajtën. Ka'ap tjëkyepy pën xypyëjkëtyës ja xoontakën mëti'ipës nmëët'ajtypyën ma ja nmëku'uk'ajtëmën mëti'ipë yajpatëpën jam Acaya.

2 Corintios 11:31

Ja Dios, ja Wintsën Jesukristë Tyeety, mëti'ipë paat'ajtëp ja wyintsë'kën xëmëkyëjxmëpë, nyija'ap koos tëy n'ëna'any.

2 Corintios 12:15

Ëjts winë aaw winëjotës nyajtuna'any mëti'ipës nmëët'ajtypyën, ëjtspaatës kë'ëm näyajtuna'anyë mëët miitskyëjxmëty. Pën ni'ik miits ntsoktë, ¿wäänë miits xytsyoka'antësë?

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

2 Corintios 7:3

Ka'apës yë'ëkyëjxm jëtu'un n'ëna'any ko miits ni'ojëtë, miits të nëëmëtë ko tyam n'aaw'at njot'atë ets tu'ukyë njuuky'ajtmëty ets tu'ukyë n'o'kmëty.

Hebreos 4:13

Nitii tkajëkyepy ja Dios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

Josue 22:22

Yë Wintsën, mëti'ipë nyiTios'ajtypyën wiinkëtypë tiosëty, wa'ats tnijawë ko ëëtsëty ka'apës ya'atë wintsë'këntyakn të nyajpëtë'ëktë mëët ko nkäjpxykyumëtoownaxtës ëkë ko n'ëxmatstës. Yë'ë nyija'ap wa'ats ets tyam miits ntuknijawëtë; e pën kajts jyëtu'unëty, yaj'o'ktëkës.