2 Corintios 11:10 - Biblia Dc en Mixe de Quetzaltepec

¹⁰ Mëtëyës n'ëna'any ko nija'apës ja Kristë ja tyiyajtën. Ka'ap tjëkyepy pën xypyëjkëtyës ja xoontakën mëti'ipës nmëët'ajtypyën ma ja nmëku'uk'ajtëmën mëti'ipë yajpatëpën jam Acaya.

Biblia Mixe de Quetzaltepec

¹⁰ Mëtëyës n'ëna'any ko nija'apës ja Kristë ja tyiyajtën. Ka'ap tjëkyepy pën xypyëjkëtyës ja xoontakën mëti'ipës nmëët'ajtypyën ma ja nmëku'uk'ajtëmën mëti'ipë yajpatëpën jam Acaya.

2 Corintios 11:10 ပူးပေါင်းရင်းမြစ်များ

Hechos 18:12

E ko ja Galión ojts tyuny yajkutujkpë jam Acaya, ënät ja jutiis ja'ay nyimiinëtë ja Pablo, ets tyukjoot'anpëjkëtë. Tää yajmënëjkxnë ma ja yajkutujkpën,

Hechos 18:27

Ko ja Apolo nyëjkxany jam Acaya, ënät ja mëpëjkpëtëjk ojts jyotmëkwinkajpxëty ets nyëjkxëty jam, ets tnija'ayëtë ja mëpëjkpëtëjk ets oy tsuj tkupëktëty ja Apolo. Ko ja Apolo jam jyä'äjty, ojts mëkk tputëkë ja mëpëjkpëtëjkëty, mëti'ipë ënety ja Dios të tsyokëtën.

Romanos 1:9

Dios, mëti'ipës ëmuumtu'ukjot nmëtuumpyën ets nnikäjpxy nnimëtyä'äkyës ja y'u'unk, yë'ë y'ijxyp nyija'ap ko miits xëmë nja'amyätstë koos ja Dios nmëkäjpxy.

Romanos 16:5

Kajpxpo'kxtë näjyëtu'un ja mëpëjkpëtëjkëty mëti'ipë niye'eypyäjtëpën ma ja Priscila ets Aquila ja tyëjkën. Kajpxpo'kxtë ja Epeneto, mëti'ipës nmëku'ukja'apën, yë'ë ojts tmëpëky ja Kristë jëyëjp jam Asia y'itjotm.

Romanos 9:1

Tëy jaantyës n'ëna'any, ka'apës n'antä'äky. Ja njot nwinma'anyës Kënu'kxymyëkajtën tu'uwinwoowëp mëti'ipës xytyuknija'apën ko ya'atë tyiyëty.

1 Corintios 16:15

Mëku'uktëjkëty, mnija'awëtëp ko ja Estéfanas ja myëku'uktëjk yë'ë ojts jëyëjp tmëpëktë ja Dios ja y'aaw y'ayuk jam Acaya y'itjotm ets yë'ë tyam pyutëjkëtyëp ja ja'ayëty mëti'ipë mëpëjktëpën.

2 Corintios 1:1

Ëjts Pablo, Jesukristë y'ayuk kajpxwa'kxpë. Ëjts, mëët ja Timoteo ntuknikäxtës ya'atë noky ja mëpëjkpëtëjkëty mëti'ipë jam ye'eymyujktëpën Corinto ets ja Dios ja jyä'äyëty mëti'ipë yajpatëpën ma Acaya itjotmën.

2 Corintios 1:23

Wa'ats ja Dios nijawë ko ka'anëm nnëjkxyës jam Corinto, jä'äkyëjxm ko miits nkayajjotmaytyëkëja'antë, ets Dios yë'ë wa'ats nyija'ap tii koojën.

2 Corintios 10:15

Ka'apës yë'ëjëty ntukxoonta'aktë ja tuunk mëti'ipë wiinkëtypë të tuntën, yë'ëjës njëjp'ijxtëp ets miits mwinpätëty mëpëjkënkyëjxm etsës njaaktuntëty mëët miitsëty ijxtëm ja Dios tsokyën.

2 Corintios 11:12

E ëjts je'eyëmës ntuna'any mëti'ipës ntsojkpyën këtiipë yajtu'umo'otëty ja wiinkpë mëti'ipë nätyukmëjpëjktakëtëp ëëts ja ntuunkëty,

2 Corintios 11:31

Ja Dios, ja Wintsën Jesukristë Tyeety, mëti'ipë paat'ajtëp ja wyintsë'kën xëmëkyëjxmëpë, nyija'ap koos tëy n'ëna'any.

2 Corintios 12:19

¿Wä'än jëtää miits mmaytyë mtajtë? ko mä'kxën yam mpëjktsoowtëpës ma miitsëtyën, je'eyëp ko ka'ap jyëtu'unëty. Dios wyintuuy wyinkujk ëëts nkajpxtë nmëtya'aktë ijxtëm ja Kristë të xymyo'otënës ja aaw ayuk. Mëku'uktëjkëty mëti'ipës ni'ik ntsojktëpën, tu'kë'ëyë mëti'ipës ntuuntëpën, yë'ëkyëjxm ets miits mwinpätëty ma ja mmëpëjkënëtyën.

2 Corintios 9:2

Jä'ä ko nnija'apës ko mputëkëja'antë tsojkënkyëjxm, paaty akujk jotkujk të nëëmës ja Macedonia mëpëjkpëtëjkëty ko miits Acaya ja'ayëty junktë'ëy ja mwinma'any jëtu'un xypyaatë ko xyaka'antë ja putëjkën. Paaty näjyëtu'un të jyotmëkpëktë ja Macedonia ja'ayëty ko miits ja oyjyot oywyinma'any xymyëët'atë.

Gálatas 1:20

Y'ijxyp nyija'ap yë Dios ko tëy mëti'ipë yam miits ntuknija'ayëtëpën.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Dios ja y'U'unk, mëti'ipës të xytsyokyën etsës të xykyu'oo'kë.

1 Tesalonicenses 2:10

Miits mnija'awëtëp ets Dios näjyëtu'un, ko oy ets mëtëyës winë të ntuntë, ka'ap maa pën të nyajjoot'anpëktës ëkë të nmëtëkoytyës.

1 Tesalonicenses 2:5

Ka'ap miits nëkoo je'eyë të nwinmëtya'aktë mëët ja aaw ayuk tsujpë ets ni të nka'amëtowtës eetsës xymyëjuytyëty. Dios yë'ë wa'ats nyija'ap.

1 Timoteo 2:7

Paatyës të nyajpëjktä'äky ayuk käjpxynyajxpë etsës yë ja'ay ntuk'ijxpëkëty yë mëpëjkën ets tëyajtën mëti'ipë ka'ap jyutiis'atën. Tëyës n'ëna'any, ka'apës n'antä'äky.