2 Corintios 10:4 - Biblia Dc en Mixe de Quetzaltepec

⁴ Ja mëti'ipë yajmëtsiptuunpën ka'ap yë'ëjëty mëti'ipë yaajën naaxwiiny, yë'ë ja Dios ja myëk'ajtën mëti'ipë maayëpën ja kuttujkën tyajkutëkoyëty. Jëtu'unës nyajkutëkoytyë ja mëti'ipës nanëkoo xynyi'ë'ënëtëpën,

Biblia Mixe de Quetzaltepec

⁴ Ja mëti'ipë yajmëtsiptuunpën ka'ap yë'ëjëty mëti'ipë yaajën naaxwiiny, yë'ë ja Tios ja myëk'ajtën mëti'ipë maayëpën ja kutujkën tyajkutëkoyëty. Jëtu'unës nyajkutëkoytyë ja mëti'ipës nanëkoo xynyi'ë'ënëtëpën,

2 Corintios 10:4 ပူးပေါင်းရင်းမြစ်များ

Salmos 110:2

Jam Sión, jam yë Dios mtukë'ëtëkëty yë kuttujkën jëtu'un tä tu'uk yë tajkën, mëti'ipë myë'ijtypyën yë kuttujkën. Paaty ënät tyam mmëmëtakta'a yë mmëtsip.

Isaías 30:25

Ko ënety jyää'aty ja o'kën tëko'oyën ets kyutëkooytya'atë ja naax kajpn mëti'ipë mëkëtyën ets ta'tspëkyëtyën, Jää'ataanp ja nëë mëti'ipë nëjkx yaj'uukyën, jampaat tunkëjxm kopkëjxm ka'ap ja nëë y'ëmaaytya'aka'any.

Jeremias 1:10

Ëjts yë n'aaw n'ayuk npëjktäkpy ma m'aaw myä'änën. Tyam ja kuttujkën nmo'oy ets mnëjkxëty ma yajpaatën ja naax kajpn ets mwijxë'ëk mnujkë'ëkëtëty ets xyajkutëkoyëty ets xytyukmä'ä xytyukjëtsëty ets näjyëtu'un xymyëët'atëty ja mëk'ajtën wi'ix mkojëty mma'kxëty ets wi'ix mpänëty mkojëtyën.

Hechos 7:22

Tääts ja Moisés t'ijxpëjktaay tu'kë'ëyë ja wijyajtën kejyajtën mëti'ipë ja Egiptë ja'ayëty nyija'awëtëpën; ets mëj'äämpy y'awinpijty ma ja aaw ayukën ets ma winë ttuny tkäjpxyën.

Romanos 13:12

Tëë ja tsu'um'it nyajxnë, jëtu'un tyamnë ijxtëm jeexyë xyiinyëjanën, paaty ka'ap n'ëkpokytyu'unënëty, ka'ap n'ëk'ijtënëty akootstuuy; wä'än nyajpatëmë ajajtuuy ijxtëm tu'uk ja tsiptuunpë y'ijx'ity kyëwent'atyën.

Romanos 6:13

Ka'ap xykyë'ëyaktëty ja mjot mnini'kx ets mpokytyuntëty, ets yi'iyë ja ëxëëkpë xytyuunëtëty. Nikë oy mnäpyëjkta'akëtëty Dios kyë'ë'am, jëtu'un tä ja ja'ayën tëëpë y'ookyën ets tëëpë jatëkok jyuukpyikyën, ets xykyë'ëyaktëty ja mni'kx mkopk ma ja nipaye'eyën oypyë yë'ë wyintum.

1 Corintios 2:5

ets miits ja mëpëjkën xymyëët'atëty mëti'ipë jam tso'onpën ma Tiosën ets ka'ap yë'ëjëty mëti'ipë jam tso'onpën ma naaxwiinyëtë ja'ayën.

1 Corintios 9:7

¿Wä'än jëtää ja tsiptuunpë kë'ëm nyämyëjuyë? ¿Wä'än jëtää ja tsatym nyiyu'ujëpë ka'ap tjë'kxy ja tsatym kyo tyëëm'atyë? ¿Ëkë jää jëtää ja kupixyny këwent'ajtpë ka'apë t'uukyën ja lechë mëti'ipë yajma'tspën ma ja kupixyny taakënë?

2 Corintios 10:8

Oyës janaam jatsojk ja n'aaw n'ayuk niwinpity ets ka'ap jëtu'un kyutukyëty, ka'apës ntuktsëtyuny; jä'äkyëjxmës ja Wintsën të xymyo'otë ja kuttujkën ets miits mwinpätëty, ka'ap yë'ëjëty ets miits nyajkutëkoytyëty.

2 Corintios 13:10

Jëtu'unts miits tyam nnijäyëtë naamka'anëmës nnëjkxy ma miitsëtyën ets këtiipë nëkoo mëk xyjyawëtëty ja kuttujkën mëti'ipës ja Wintsën të xymye'eyën. Ka'ap yë'ëjëty ets nyajkutëkoytyëty; yë'ë ets miits mwinpätëty mëpëjkënkyëjxm.

2 Corintios 3:5

Ka'ap kyë'ëmëty të ni''ijxpëjkëmë ets n'ëna'anmëty ko tii nmëët'ajtëmë, Dios yajktääpy tu'kë'ëyë winë mëti'ipë ntu'unëm nkajpxëmën.

2 Corintios 4:7

Ijxtëm ja ja'ay ja myeeny tpëjkë'ëkyën naax tu'tsjoty, jëtu'un ya'atë oyajtën nmëët'ajtëmë ma ja ni'kx'ajt nkopk'ajtëmën ets nyikëxë'ëkëty ko jam tsyoony ma Tiosën.

2 Corintios 6:7

Mëët koos nkajpxwä'kxtë ja tëypyë jaantypë ets mëët koos ja Dios ja myëk'ajtën nmëët'atë. Yë'ës nätyukuwanëtëp ja tëyajtën, yë'ëjës nmëpëtë'ktëp ets yë'ëjës nätyukuwanëtëp.

1 Tesalonicenses 5:8

e ëëts'ajtëmë, mëti'ipë xëëny juukyajtëmën, xëmë wijy kejy nyajpatmëty, näkyëwent'ajtemëp mëët ja mëpëjkën ets ja nätsyok näjyawë ets njëjp'ijxmëty ja nitsokën; jëtu'unts ntu'unmëty winë ijxtëm ja tsiptuunpë nyätyukujupyën ja pujxn kujup.

1 Timoteo 1:18

Timoteo, u'unk maay; mijts yam ntuknipëjkpy ets ja tsip xy'atänëty mëët ja mëpëjkën ets ja jot winma'any, jëtu'un ijxtëm ojts ja käjpxynyajxpëtëjk mnimëtyä'äkyën. Jënaakën, mëti'ipë ojts ka'ap tja'akyukën ja jyot wyinma'any, tëë nyäyajtu'utëkoyëtë.

2 Timoteo 2:3

Mëtänë ja ëyo'on, ijxtëm tu'uk ja tsiptuunpën ko ja Kristë Jesús yë'ë xymyëpëky.

Hebreos 11:30

Mëët ko myëpëjktë, ojts ja Jericó kajpn napotsypë kyëtäy ko ja Israel ja'ayëty wëxtujk xëëw ja kajpn tna'ëwtijtë.

Josue 6:20

Ënet ja ja'ayëty tyëjkëtyë yaxpë jojkpë ets ja xuxn näjyëtu'un tjantyyaj'ënantë. Ko yë Israel ja'ayëty tmëtoowtë ja xuxn tyëjkëtyë xuxpë, ënät ojts ni'ikyë mëk jyänty'ënaanta'aktë koonëm je kajpn nyakëtaawtutaay, jä'ä ko napotsy ënety yajpaaty. Ënet tyëjkëtyë kajpnjoty ets ojts tniwa'kta'atë.