2 Corintios 10:18 - Biblia Dc en Mixe de Quetzaltepec

¹⁸ Jä'ä ko ja ja'ay mëti'ipë mëpaat mëj'äämpy nyäxyën Dios wyintum, ka'ap yë'ëjëty mëti'ipë kë'ëm nämyëjpëjktakëpën, yë'ë mëti'ipë ja Wintsën yajmëjnajxëpën.

Biblia Mixe de Quetzaltepec

¹⁸ Jä'ä ko ja ja'ay mëti'ipë mëpaat mëj'äämpy nyäxyën Tios wyintum, ka'ap yë'ëjëty mëti'ipë kë'ëm nämyëjpëjktakëpën, yë'ë mëti'ipë ja Wintsën yajmëjnajxëpën.

2 Corintios 10:18 ပူးပေါင်းရင်းမြစ်များ

Proverbios 12:8

Yë'ë muum yë ja'ay yajtuk'oyjya'ap ko wyijyëty kyujkëty; e yë ja'ay mëti'ipë winma'anytyukën, ixtijy ëxwa'any nyäxy.

Proverbios 21:2

Yë naaxwiinyëtë ja'ay aak'oy t'ixy tëkokyë mëti'ipë tyuunpy kyäjpxypën; e Dios yë'ë patëp t'ixëty pën oy ja ja'ay ja jot winma'any tmëëtëty.

Proverbios 27:2

Ixmats ets wiink ja'ay oy mnimëtya'akëtëty; ka'ap y'oyëty ko kë'ëm oy mnänyimëtyä'äkyë.

Lucas 16:15

Ënet ja Jesús y'ënëmaayëtë: Miits win'ë'ëmpëtëjkëty, wa'ats mnäyajnaxëtë ma ja ja'ayëtyën, e ja Dios nyija'ap ko y'ëxëëkëty ja mjot mwinma'anyëty; jä'ä ko mëti'ipë ja ja'ay myëjpëjktaktëpën, Dios y'ëxëëk'ijxyp yë'ë.

Juan 12:43

Yë'ë ni'ik myëjpëjktaktë ja naaxwiinyëtë ja'ay ja myëj'ajt y'oyajtën këtiinëm ja Dios ja myëj'ajt y'oyajtën.

Hechos 2:22

Miitsëty, Israel ja'ay ja tyiktsëty y'aatsëty, mëtowtë mëti'ipës yam nkajpxäämpyën: Ijxtëm miitsëty wa'ats xynyijawëtën, ojts ja Dios tyaj'ixyë ja kyutujkën mëët ja Jesús, Nazaretëtë ja'ay, ko tyaj'ixyë ja myëj'ajtën y'oyajtën ets kanaakjëjp ja ijxpät.

Romanos 14:18

Mëti'ipë ja Kristë myëtuumpyën, jä'ä ja Dios tukjotkëtakëp ets näjyëtu'un ja ja'ayëty.

Romanos 16:10

Kajpxpo'kxtë ja Apeles, mëti'ipë wintëy wiinkujk myëtuumpyën ja Kristë; kajpxpo'kxtë ja Aristóbulo ets mëti'ipë tsënaaytyëpën jam ma jyëën tyëjkën.

Romanos 2:29

Yë'ëkyëjxm ja ja'ay mëtëy jyutiis'aty ko oy ja y'aaw jyot, pën ja ijxwë'ëmën myëët'ajtyp mëti'ipë ja Kënu'kxymyëkajtën mooyëpën, ka'ap yë'ëkyëjxmëty ko ja ënä'ämën jyää'aty. Pën myëët'ajtypyën ja oyjyot oywyinma'any, yë'ë ja Dios oyjya'awëyëp, ka'ap jyä'äyëty.

1 Corintios 11:19

Jëtu'un tyimjataanpë ets miits mnäpyëjkwa'kxëtëty ets yajnijawëty pën oy myëtuuntëp ja Dios.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.

2 Corintios 10:12

Ka'apës nnätyuk'a'ixëtë etsës jëtu'un nnäpyëjkta'akëtëty ijxtëm yë ja'ayëtyën mëti'ipë amëj akëjxm näyajnajxëtëpën. Tsuuwinma'any yajtuuntëp ko xim yam kë'ëm nyäy'ijxkijpxëtë.

2 Corintios 13:7

Nmëpëjktsoowtëpës ja Dios ets ka'ap ja ëxëëkpë xytyuntëty; ka'ap yë'ëkyëjxmëty ko ëëts ja ëxëëkpë të ntuknaxtë; yë'ëkyëjxm ko miitsëty maayëtëp tii oy winë xytyuntëty, oy jëtu'un yaj'ixy ka'apës yowë ja ëxëëkpë të ntuknaxtë.

2 Corintios 3:1

Koos jëtu'un n'ëna'antë, ¿wä'än jëtää miits xyjyawëtë koos kë'ëm nämyëjpëjkta'akëtë jatëkokë? ¿Ëkë atsip ënät ja nnoky tsyä'äy myajtuk'ixtëty, ëkë myaj'amëtowtëty ijxtëm jënaakën y'ëtë'ëtstënë?

2 Corintios 5:12

Ka'ap yë'ëjëty ko ëëts nämyëjawëtë, yë'ëjës ntsojktëp ets miitsëty amëj akëjxm mnäjyawëtëty ko ëëts nyam'atë, jëtu'un xymyëët'attëty ja winma'any wi'ix xy'ëtsowtëtyën ja ja'ay wiinkë'ëy akë'ëypyë tii nimëtya'aktën ets tëkatsypë ja jyot wyinma'anyëty.

2 Corintios 6:4

Ni'ikyënëm nyajnikëxë'ëktës koos ja Dios nmëtuntë, nmënax nyajnaxtës ja ëyo'on jotmay mëët ja mä'kxtujkën, oyës n'ëyowtë, oyës tii nyajmëyatë ets oy tsip ja xëëw juukyajtën nyajnaxtës,

2 Timoteo 2:15

Tun tu'kë'ëyë mëti'ipë Dios y'oyjya'apën mapaat mmëtä'äkyën, jëtu'un ijxtëm tu'uk yë ja'ayën tëëpë Dios y'ëxajëtyën, ijxtëm tu'uk yë mëtuunpën ka'apë tii tmëët'atyën tii nyatuktsëtyunëp, mëti'ipë ja tëyajtën nyikäjpxyp nyimëtyäkpyën.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënety ja Jesukristë myiny.