2 Corintios 10:14 - Biblia Dc en Mixe de Quetzaltepec

¹⁴ Paatykyëjxm ja nkë'ëmwinma'any nkayajtuntës. ¿Tii jëtu'un jeexyë tuunëp jajtëp ko jeexyë ëëts jëwyiin të nkanëjkxtë ma miitsëtyën? Ëëtskyëjxm miits të xynyijawëtë ja oy ja aaw oy ayuk ma ja Kristë yajnimëtyä'äkyën.

Biblia Mixe de Quetzaltepec

¹⁴ Paatykyëjxm ja nkë'ëmwinma'any nkayajtuntës. ¿Tii jëtu'un jeexyë tuunëp jajtëp ko jeexyë ëëts jëwyiin të nkanëjkxtë ma miitsëtyën? Ëëtskyëjxm miits të xynyijawëtë ja oy ja aaw oy ayuk ma ja Kristë yajnimëtyä'äkyën.

2 Corintios 10:14 ပူးပေါင်းရင်းမြစ်များ

1 Timoteo 1:11

Ya'atë mëtëypyë ijxpëjkën yë'ë mëët nyäpyäätyë ja oy aaw oy ayuk mëti'ipës të xytyuknipëkyën ja Dios kënu'kxypyë.

1 Corintios 4:15

Oy xyjyamëët'atë majk milën ja yaj'ijxpëjkpë mëti'ipë mtuk'ijxpëjkëtëp ja Kristë ja jyä'ä, ka'ap ja mteety may xymyëët'atë, jëtu'un npëjktakmëty koos ëjts xytyeety'ajtëp jä'ä ko miits të ntuk'ëwaanëtë ja nitsokën ko ja Kristë të xymyëpëktë.

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Dios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Colosenses 1:5

Jä'äkyëjxm ko xyjyëjp'ixtë mëti'ipë të myajtuknipëjktaakëtën jam tsajpjotm. Tëë ya'atë jëtu'unpë xy'ëkmëtoowtëpë ko të xynyijawëtë ja tëyajtën ko të yajnimëtyä'ä ja oy aaw oy ayuk,

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Dios nyäjxypyën.

2 Corintios 2:12

Koos nja'ajty jam Troas etsës nkajpxwä'kxy ja oy aaw oy ayuk ma Kristë yajnimëtyä'äkyën, ja nWintsënës yaj'ëwats ja nnë'ë ntu'ujës.

1 Corintios 2:10

Ya'atë jëtu'un ja Dios të xytyuknija'awëmë mëët ja Kënu'kxymyëkajtën, jä'ä ko ja Kënu'kxymyëkajtën, yë'ë nyija'awëtyääpy winë, yë'ëpaat mëti'ipë yë Dios myääpy tyäjpyën.

Romanos 2:16

ko ënety ja xëëw tpaaty ma ja Dios tnipaye'eyä'änyën tëkokyë mëti'ipë yu'utsy'ijtpën mëët ja Jesukristë ja xyëëw, jëtu'un ijxtëmës ja oy aaw oy ayuk të nimëtyä'äkyën.

Hechos 20:24

Ka'apës yë'ë nmëjpëjktä'äky; yë njuukyajtënës ka'ap tii tsowëty, yi'iyës ntukjotkujk'ajtyp ko ja ntuunkës nyajwintu'upëka'any mëti'ipës yë Wintsën Jesús të xytyuknipëkyën ets nkajpxwa'kxëtyës ja aaw ayuk oypyë ets ntuknijawëtës wi'ix ja Dios ja ja'ay ttsoky tjawën.

Marcos 1:1

Jëtu'un tsyo'ontä'äky ja oy aaw oy ayuk ma yajnimëtyä'äkyën ja Jesukristë, Dios U'unk.

1 Corintios 3:10

Ëjts jëtu'unës të ntuny ijxtëm tu'uk yë pojtspën, maas ja Dios të xypyëjktä'äkyën ets ja potsy ëjx nyajtso'onta'akëtyës ets ja wiinkpë të myintë mëti'ipë të tjëjpëtën. Je'eyëp ko nitu'ukjaty mëk ja tyuunk tkëwent'atë.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,