2 Corintios 10:1 - Biblia Dc en Mixe de Quetzaltepec

¹ Ëjts, Pablo, n'amëtoy npëjktsoyës ja mëyajtën ma miitsëtyën, mëët ja Kristë yujy'ajt nyäxym'ajtën; oy pën y'ëna'anëty ko amonyës n'ity koos jam nyajpaaty ma miitsëtyën, ko ku'aawës näpyëjktä'äkyë koos jëkäm nyajpaaty.

Biblia Mixe de Quetzaltepec

¹ Ëjts, Pablo, n'amëtoy npëjktsoyës ja mëyajtën ma miitsëtyën, mëët ja Kristë yujy'ajt nyäxym'ajtën; oy pën y'ëna'anëty ko amonyës n'ity koos jam nyajpaaty ma miitsëtyën, ko ku'aawës näpyëjktä'äkyë koos jëkäm nyajpaaty.

2 Corintios 10:1 ပူးပေါင်းရင်းမြစ်များ

Salmos 45:4

Yë mmëj'ajt m'oyajtën tu'uye'eyaanp ets mëta'akaanp. Nyitsiptunäämpy yë tëyajtën, ets nyipaye'eyäämpy yë ëyoopëja'aytyëjk. Yë m'a'oykyë'ë mëjwiin këjää winë tuna'any.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Mateo 11:29

Kupëktë ëjts ja n'ijxpëjkën ets jatë ëjts ja ntu'unën, mä'kxtujkpës, ets yujy tëtä'äkyës ja nwinma'any, jëtu'unts xypyaatëty ja po'kxën.

Mateo 21:5

Ënëëmëtë yë Jerusalén ja'ayëty: Tää myajkutujkpë mniminëtë yujypyë naxymyëpë, kruktskëjxy y'u'unyë, tu'uk yë jëyujk u'unk mëti'ipë tsëmy pyatsëëmpyën.

Hechos 8:32

Yë'ë ënety kyäjpxyp ma ja Dios ja y'aaw y'ayuk y'ënä'änyën: Jëtu'un jä'ä ijxtëm ja kupixyny yajmënejkxyën ma y'o'ktaknën; ets ijxtëm ja kupixyny u'unk amonyë tkupëkyën ko yajknikeepy, ni tuk'aaw ojts kyakäjpxy.

Romanos 10:20

Näyjyëtu'un ja Jeséas tkajpxnajxy: Ja ja'ay mëti'ipës ijty ka'ap xy'ixta'atën, tëëjës ja xypyaatë, ets tëëjës nätyuk'ixyë mëti'ipës ijty ka'ap xyajnitëwëtën.

Romanos 12:1

Mëku'uktëjkëty, yë'ëkyëjxm ko ja Dios pya'ëyoy nyajts'ëyowë, nmënu'kxtaktëp miitsëty ets mnätyukë'ëtëkëtëty ja Dios, miits kë'ëm wintsë'kën'atë ma ja Tiosën ijxtëm ja wintsë'kën juukpyë, wa'atspë ets mëti'ipë Dios y'oyjya'apën. Ya'atë jëtu'un wintsë'kën'ajtp mëtëypyë mëti'ipë mëpaat xyaktën.

Romanos 15:15

Paaty miits tyam ya'atë noky ntuknijayëtë ets ntukja'amyätstë. Jä'äkyëjxmës jëtu'un ntuny ko ja Dios të xytyuknipëkyës mëët ja y'oyjyot y'oywyinma'any

1 Corintios 2:3

Yaj'ayow yaj'ama'at jam nmiinyës ma miitsëtyën ets tsë'ëkë tsë'ëkë.

1 Corintios 4:10

Koos ja Kristë nmëpëktë, tsuuja'ayës nyajtijtë; nkukajpxëpës ja Kristë ko miits myajtijtë wijy kejy; ëëtsëty ka'apës njotmëk'atë, e miitsëty amëk jotmëk myajpaatë. Ka'apës ja'ay xytsyoktë, e miitsëty myajtsojktëp.

1 Corintios 4:21

¿Ëkë tii miits mtsojktëp: ko nëjkx ntsaatyuntë ëkë ko ninëjkxtëty mëët ja oy'aaw oyjyotë?

2 Corintios 10:10

Jä'ä ko tam mëti'ipë ënaanpën: Yë Pablo nëkoo y'ëk'ënä'ämnë mëët yë noky, koos muum nyajpaaty ka'apës pën tii ntuk'atsip'aty ets ka'apës pën tii atsip ntuktuny.

2 Corintios 10:2

Ka'ap wyi'ixëty, tyamës n'amëtoy npëjktsoy ja mëyajtën, ko ënety nëjkx nku'ixëtë, këtii xy'ëwa'atstëty etsës ntukjoot'anpëkëty ja jä'äjëty mëti'ipës xynyiwaanpäjtëpën, mëti'ipë ënantëpën koos jëtu'un winë ntuny nkäjpxy ijxtëm ja ja'ayëtyën mëti'ipë ja naaxwiinyëtë winma'any yajtuuntëpën.

2 Corintios 10:7

Miits yi'iyë m'ijxtëp mtuntëp wi'ix tii nyikëxë'ëkyën. Pën ënaanp ko ja Kristë jä'ä'ajtëp, wa'ats tnijawëty koos näjyëtu'un ja Kristë xyjyä'ä'atë.

2 Corintios 11:21

Oyës njatsëtyuntë koos jëtu'un n'ëna'any, ëëtsëty ka'apës ojts jëtu'unpë ja winma'any mpaatë. Je'eyëp ko pën jää ja wiinkëtypë mëti'ipë nätyukmëjja'awëtëpën, tyamës näjyëtu'un n'ëtë'ëtsëty oy wiink jyayaj'ixy.

2 Corintios 11:30

Pën xyjyäntypyaat'ajtpës ja nämyëjpëjkta'akë nikë yë'ëjës nnätyukmëjpëjkta'akëtëp koos n'ëyoopëja'ayëty.

2 Corintios 12:5

Mëpaat jeexyë ëjts yë'ë nätyukmëjjawëty, je'eyëp ko ka'apës jëtu'unpë winma'any npaty, wä'änës jëtää nätyukmëjjawëtëty koos n'ëyoopëja'ayëty.

2 Corintios 3:12

Mëët yë'ë ko tääpë ja oyajtën n'a'ix njëjp'ijxëmë, paaty akujk jotkujk nikajpx nimëtyakëmë.

2 Corintios 5:20

Yë'ë të xytyuknipëjkëm ets ja Kristë nkutënä'ämyëty, ets jëtu'un tpaaty ijxtëm jeexyë miits mmënu'kxta'akëtën ja Dios, je'eyëp ko ëëts xyajkajpxtëp. Jëtu'un miits nmënu'kxta'aktë mëët ja Kristë ja xyëëw ets mnämyë'oypyëkëtëty mëët ja Dios.

2 Corintios 6:1

Jëtu'un, ijxtëm ëëtsajtëm nmëtu'unëmën ja Dios, tyam nmënu'kxta'aktë ets xytyukjuuky'atëty ja oyajtën mëti'ipë ja Dios të mtuk'ixëtën,

2 Corintios 7:4

Ntukjoot'ëmëj'ajtëp ets ntukjotkëtaktëp miitsëty. Oyës ja ëyo'on npaaty, jotmëk ets jotkujkës näjyawëty mëët miitskyëjxmëty.

Gálatas 4:13

Ijxtëm xynyijawëtën, pa'amkyëjxmës ojts ëka'any nkajpxwä'kxy ja oy aaw oy ayuk ma miitsëtyën.

Gálatas 5:2

Ëjts nxëëwajtyp Pablo, mëtoow'itë wi'ixës yam n'ëna'ana'anyën. Pën mkupëjktëp miits ets yajnatsujk'ëwtitëty ja mye'etyëjk'ajtënëty, tii ja Kristë nyawa'anëty ma miitsëtyën.

Efesios 3:1

Paatyës, ëjts Pablo, yap tsumy n'ity mëët yë'ëkyëjxm koos ja Kristë nmëtuny ets miits xytyuk'oy'attëty mëti'ipë ka'ap jyutiis'atën.

Efesios 4:1

Paaty ëjts, maas yap tsumy n'ityën koos yë Wintsën Jesukristë tmëpëky, tyam miits nmënu'kxta'aktë ets jëtu'un mjuuky'attëty ijxtëm ja ja'ayëtyën mëti'ipë ja Dios të myëkajpxëtën, ijxtëm miitsëty ojts mjuuky'atën.

Filipenses 4:5

Wä'än ja ja'ay nijawëtë ko yujy naxym mja'ay'atë. Tää ja Wintsën tyimwiinkony.

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

2 Tesalonicenses 3:17

Ëjts Pablo, ëjts kë'ëm njääpy ya'atë kajpxpo'kxën ets miits ntuknijayëtë. Jëtu'unës nyajkojy ja noky mëti'ipës njääpyën, ijxtëm nja'ayën'atyënës.

Filemón 1:19

Ëjts Pablo, kë'ëmës yam nja'ay ya'atë noky. Ëjts nkëpätäämpy yë nu'kxy. Ka'apës yam n'ëna'any ets mijts xykëpätëty, jä'ä ko tamës mijts xymyënu'kxy'äty ko të ntukmëmëtyä'äky ja nitsokën ets ja Kristë të mpokymye'kxyë.

Filemón 1:9

nikë oy yajmëtowëty ko mijts nmënu'kxta'akëty mëët ja tsojkën ja'awën. Ëjts Pablo, tëëjës nmëjja'ayënë ets tsumy matsyës yap n'ity koos ja Kristë Jesús ja y'aaw y'ayuk nkajpxwa'kxë.

1 Pedro 2:11

Mëku'uktëjkëty jëtu'un yam miits nmënu'kxta'aktë tääjës jeexyë ëjts njaaypyo'kxyjyä'äyëtyën tëyëpë nyäxyën yaa naaxwiiny; ko ka'ap xyajmëta'aktëty ja yääyëpë naaxwiiny yajxoontä'äkyën mëti'ipë ja n'anëmë'ajtëm ka'ap tkupëkyën.

Apocalipsis 1:9

Ëjts Juan, miits yë mmëku'ukëty, ets koos tu'ukyë nyajpaaty mëët yë Jesús, xypaat'ajtpës mëët miitsëty ja Dios ja kyutujkën, ma n'ëyo'onpatëmën ets ma akujky jotkujk n'ijtëmën ets tu'ukyë jotmëk nyajpatmëty. Jä'äkyëjxm koos ja Dios ja y'aaw y'ayuk të nimëtyakë mëti'ipë ja Jesús ojts nimëtyä'äkyën, jamës ënety nyajpaaty Patmos, ma tu'kkëëyi'ikpyën ja naax jam mejyjyotm.