2 Corintios 1:9 - Biblia Dc en Mixe de Quetzaltepec

⁹ Jëtu'unës ënety ja n'aaw njot nja'awënëtës ijxtëm jeexyë ja o'kën tëë xymyëwinkoonëtës. E yë'ëjës të xytyukni''ixëtë wi'ix ja Dios ntuk'ijxpätëtyës, mëti'ipë ja o'kpë yajjuukpyijkpyën.

Biblia Mixe de Quetzaltepec

⁹ Jëtu'unës ënäty ja n'aaw njot nja'awënëtës ijxtëm jeexyë ja o'kën tëë xymyëwinkoonëtës. E yë'ëjës të xytyukni''ixëtë wi'ix ja Tios ntuk'ijxpätëtyës, mëti'ipë ja o'kpë yajjuukpyijkpyën.

2 Corintios 1:9 ပူးပေါင်းရင်းမြစ်များ

Job 40:14

Ënätës ëjts nijawëty ko mijts yë mkutujkën të myëtä'äky.

Salmos 22:29

Winta'ak naaxkowtë ma yë'ëjën nitëkokyë jënu'un winë mëj këjää xymyëët'atën, tu'kë'ëyë jënu'un naaxway y'awinpita'antën, jä'ä ko ka'ap kë'ëm mnäyajjuuky'atëtë.

Proverbios 14:32

Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

Proverbios 28:26

Yi'iyë tsuuja'ay ënaanp ko oy myäy tyäjy; mëti'ipë ja'ay niwijy winë tyuunpyën, ëwaatsëtum nyäyaj'ita'anyë.

Isaías 38:10

Tyaajës ënety ëjts të nmay të ntajy: Maas ënety jotkujk njuuky'ätyën jääjës nëjkx ntso'onë; jä'ä ko jëtu'un të nyaj'ëne'emyës koos jam nnëjkxëty ma xëmëkyëjxm ooky nyajpatmëtyën.

Ezequiel 33:13

Ko tu'uk yë ja'ay ntukwinwanëtyës yë juukyajtën ets yë'ë y'ëna'anëty ko kopkpëky ja jyuukyajtën tmëët'ajnë ets tyuuntëkoyëty, ka'apës nëjkx yë'ë n'ixy oy ënety oy tii më''ëka'any të tuny, nëjkxëp ja tku'ookë ja tyuuntëko'oyën.

Lucas 18:9

Ënet ja Jesús ojts nimëtyä'äky tu'uk ja ijxpäjtën ets tuk'ëwaanëja'any ja ja'ay mëti'ipë pyäjxtëpën ja wiinkëtypë ja myëku'uk ets nyäyjyawëtë ko oy tmëtuntë ja Dios:

Romanos 8:36

Jëtu'un ijxtëm ja Dios ja y'aaw y'ayuk y'ënä'änyën: Jä'äkyëjxm ko mijts myajmëpëky, xëmë ëëts ja ja'ay xyaj'ooka'antë, jëtu'un ëëtsëty naxtë ijxtëm ja kupixyny yajmënejkxyën ma ja y'o'ktaknën.

2 Corintios 1:10

Ets ja Dios të xyaj'ëwaatsëpëtsëmtës o'kënjëjp'am. Njëjp'ijxtëpës ets xëmë xy'akëëytyuk xy'axajtuktëtyës

2 Corintios 1:8

Mëku'uktëjkëty, yë'ë miits ntuk'ëwaanëjantëp wi'ixës ja jotmay të ntuknaxtën jam Asia y'itjotm. Mëk ëëts ja ëyo'on të npaat të n'ixtë, ka'ap myëtënaaynyëty; ka'apës n'ëkjëjp'ijxnëtë ënety ets jam npëtsëmtëtyës juuky.

2 Corintios 3:5

Ka'ap kyë'ëmëty të ni''ijxpëjkëmë ets n'ëna'anmëty ko tii nmëët'ajtëmë, Dios yajktääpy tu'kë'ëyë winë mëti'ipë ntu'unëm nkajpxëmën.

2 Corintios 4:7

Ijxtëm ja ja'ay ja myeeny tpëjkë'ëkyën naax tu'tsjoty, jëtu'un ya'atë oyajtën nmëët'ajtëmë ma ja ni'kx'ajt nkopk'ajtëmën ets nyikëxë'ëkëty ko jam tsyoony ma Tiosën.

Hebreos 11:19

Paaty ja Abraham jëtu'un tuuny ko ojts myäy tyäjy ko Dios myëët'ajtyp yë mëk'ajtën ets o'kpë paat tyajuukpyëkëty, paaty ja Abraham ja y'u'unk jatëkok t'ëxajëy ets ojts yë'ë wyi'imy ijxpät.