2 Corintios 1:18 - Biblia Dc en Mixe de Quetzaltepec

¹⁸ Wa'ats ja Dios nijawë ko mëtëy winë të ntukmëmëtya'aktë.

Biblia Mixe de Quetzaltepec

¹⁸ Wa'ats ja Tios nijawë ko mëtëy winë të ntukmëmëtya'aktë.

2 Corintios 1:18 ပူးပေါင်းရင်းမြစ်များ

Juan 7:28

Tam ënety ja Jesús yaj'ixpëky ma ja mëjtsajptëjkën, ënät mëk y'ënäny: Xy'ixy'ajtëpës miits ets mnija'awëtëp maas ntsoonyën. E ka'apës kë'ëmwinma'any të nminy, yë'ëjës të xykyexy mëti'ipë mëtëy winë tyuunpyën, mëti'ipë miits ka'ap xy'ixy'atën.

Juan 8:26

Mayës ja winma'any nmëët'aty mëti'ipës nnikajpxäämpyën ets ntukpaye'eytyëty. Mëti'ipës xykyäjxpën mëtëy të y'ënä'äny; paaty mëti'ipës nimëtyäkpyën ma ja ja'ayëtyën nän yë'ë mëti'ipës të nmëtoyën maas ja nteetyën.

1 Corintios 1:9

Dios, mëti'ipë y'ayuk pyatuumpyën, yë'ë të xywyin'ijxëmë ets tu'ukyë mëët njuuky'ajtmëty ja y'u'unk Jesukristë, ëëts yë nWintsën'ajtëmë.

2 Corintios 1:23

Wa'ats ja Dios nijawë ko ka'anëm nnëjkxyës jam Corinto, jä'äkyëjxm ko miits nkayajjotmaytyëkëja'antë, ets Dios yë'ë wa'ats nyija'ap tii koojën.

2 Corintios 11:31

Ja Dios, ja Wintsën Jesukristë Tyeety, mëti'ipë paat'ajtëp ja wyintsë'kën xëmëkyëjxmëpë, nyija'ap koos tëy n'ëna'any.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

2 Corintios 6:8

Jëna'ajëtyës pën xykyamëj'ixtë ets jëna'ajëty pën xyajjotma'atës; jëna'ajëty nyajnimëtya'aktës ëxëëk oyës ja mëtëypyë njanimëtya'aktë.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.

Apocalipsis 3:14

Nnijayë yë tsajpjotmëtë kukäjpxy jampë yajpaatyën Laodicea: Jëtu'un y'ënä'äny ja mëti'ipë yäjkpyën ja tëyajtën ets mëti'ipë yajkutujkpyën tu'kë'ëyë mëti'ipë ja Dios yajkojën.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy: