2 Corintios 1:12 - Biblia Dc en Mixe de Quetzaltepec

¹² Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Dios yë mëyajtën të tuny etsës oy njuuky'atëty.

Biblia Mixe de Quetzaltepec

¹² Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Tios yë mëyajtën të tuny etsës oy njuuky'atëty.

2 Corintios 1:12 ပူးပေါင်းရင်းမြစ်များ

2 Samuel 22:22

jä'ä ko yi'iyës tu'ukyë të ntimkyuuy'ixy ja Wintsën ja nyë'ë'aaw tyu'u'aaw; paatyës tyam n'ëna'any ko nijëna'ajës yë Wintsën nka'ixtija'any.

Job 13:15

Oy yë'ë jyatimy'ënaanpë koos xyaj'ooka'any, ëjts ka'apës yë n'ayuk ntukxi'ika'any, nëkoo ko n'ëktuk'ëwaanës wiinxë jëjpxë ko ëjts ka'apës tii poky të ntuny.

Isaías 38:3

Tyam nmënu'kxtä'äky mijts Wintsën ets xyjyä'äymyätsëty wi'ix oy të nmëtunyën ets tëy tëtä'äky të nyajtu'uye'eyës yë njuukyajtën, tëë npatunyës ijxtëm mijts xy'oyjyawën. Ko nyu'kxtaktaay tääts tyëjkëy yaxpë.

Hechos 23:1

Tääts ja Pablo twin'ijxpejty ja mëjja'aytyëjk ets t'ënëmaay: Mëku'uktëjkëty, ëjts nija'apës ko oyës ja njot nwinma'any nmëëtëty Dios wintum.

Hechos 24:16

Paatyës jëtu'un ntuny etsës ja Dios oy mëët nyajpaatëty, näjyëtu'un mëët ja naaxwiinyëtë ja'ay.

Romanos 9:1

Tëy jaantyës n'ëna'any, ka'apës n'antä'äky. Ja njot nwinma'anyës Kënu'kxymyëkajtën tu'uwinwoowëp mëti'ipës xytyuknija'apën ko ya'atë tyiyëty.

1 Corintios 1:17

Ka'ap ja Kristë ojts xykyexyës yajnëëpäjtpë, yë'ëjës xytyuknikäjx etsës nkajpxwa'kxëty ja oy aaw oy ayuk, ka'ap myëëtëty yë naaxwiinyëtë ja'ay wyijajtën, këtiipë ja Kristë wyë'ëmëty tukxi'iky ko të y'ooky kruutskëjxm.

1 Corintios 12:8

Mëët ja Kënu'kxymyëkajtën pënëty yajmo'otë ja wijyajtën, ets ixpëkyajtën.

1 Corintios 15:10

E ja Dios tëë ja myëj'ajtën tuny, paatyës të xykyupëky ets ja mëyajtën mëti'ipë të tunyën ka'ap ja nyatëkë'aty. Nikë tëëjës wäänëni'ik ntuny këtiinëm ja wiink ijxpëjkpëtëjkëty; je'eyëp ko ka'ap y'ëjtsëty kë'ëm, Tiosës të xypyutëkë mëët ja y'oyjyot y'oywyinma'any.

1 Corintios 2:13

Yë'ë nimëtyakëm ja aaw ayuk mëti'ipë ja Dios ja Jya'awën të xytyuknija'awëmën, ka'ap yë'ëty ja naaxwiinyëtë y'ijxpëjkën të xytyuknija'awëm. Jëtu'un ja ja'ay ntukmëmëtyakmëty ja Dios ja y'aaw y'ayuk mëti'ipë ja Kënu'kxymyëkajtën myëët'ajtëpën.

1 Corintios 4:4

koos kë'ëm n'ëna'any ko ka'apës tii poky nmëëtëty, ka'ap yë'ëkyëjxmëty koos ka'ap tii ntuuntëkoy. Yë Wintsën yë'ëjës xypyaye'eyaanp.

1 Corintios 5:8

Mëtëy ja Dios nwintsë'këmëty, ka'ap tii ntu'unmëty mëët ja ëxëëk winma'any, jëtu'un ijxtëm ja levadura tëëpë y'ëxëëkën, nikë jä'ä ntu'unmëty oypyë ijxtëm ja tsajpkääkyën mëti'ipë oyën mëti'ipë yajkääpyën ëmaay xyëëwjoty, ets ka'ap ja levadura tmëëtëty.

2 Corintios 1:17

¿Ka'apës jëtää ojts oy nmëmay nmëtajyë? ¿Wä'än m'ëna'antë koos je'eyës nkajpxminy nkajpxëpyë?

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

2 Corintios 4:2

Ka'apës tii ayu'utsy të ntuntë jëtu'un tä jeexyë tii yajtsëtyu'unjawën; ka'apës pën je'eyë të nwin'ëëntë ets ja Dios ja y'aaw y'ayuk të nyajtëkajtsëtë, tëy jaantyës të nnikäjpxy të nnimëtya'aktë mayjyä'äyjoty Dios wyintum.

2 Corintios 8:8

Ka'ap miits n'akwanë'atë, yë'ëjës ntsojktëp ets xynyijawëtëty wi'ix ja wiinkëtypë tmëët'atën ja oyjyot oywyinma'any ets miits näjyëtu'un xyaj'ixëtëty ko tëy jaanty xytsyoktë ja mëpëjkpëtëjk.

Gálatas 6:4

Kë'ëm mëpaat yajmëmay yajmëtajy tii oy ka'oy yatuump; pën mëj näyajnaxanëp, ka'ap wyi'ixëty, je'eyëp ko yë'ë nätyukyajmëjnaxëtëp mëti'ipë ënety tii oy të tunyën, ka'ap yë'ëjëty ma wiink ja'ay tii oy të tunyën.

Efesios 6:14

Jëtu'un tu'ukyë ja mwinma'anymyëët'atë, nätyukxoxëtë ja tëypyë jaantypë ets yë'ë nätyukëwent'atëtë ja tëyajtën.

Filipenses 1:10

ets xynyijawëtëty wi'ix xywyin'ixtëty mëti'ipë oyën, jëtu'unts ja juukyajtën wa'atspë xymyëët'attëty ets ka'ap tii poky xytyuntëty ko ja Kristë wyimpitëty.

1 Tesalonicenses 2:10

Miits mnija'awëtëp ets Dios näjyëtu'un, ko oy ets mëtëyës winë të ntuntë, ka'ap maa pën të nyajjoot'anpëktës ëkë të nmëtëkoytyës.

1 Timoteo 1:5

Jä'äkyëjxm tääpë ënä'ämën jyääjëty ets winpity atëjy nnätsyojkëmëty nixim niyam mëët ja oyjyot oywyinma'any ets ja mëtëypyë ja mëpëjkën.

Tito 2:7

oymyaatsowëty, ets najtstunë mijts kë'ëm wi'ix oy tii tuntëtyën. Ko xyaj'ijxpëkëty, tun mëët wa'ats aaw wa'ats jot, ka'ap tii in tsots xyajwinkëxë'ëkëty.

Hebreos 13:18

Kunu'kxtaktëkës, ëëts nija'awëtëp ko oyëx winë të ntuntë ets oyës winë ntuna'antë.

Santiago 4:6

Ets ka'ap yi'iyëty ya'atë, wäänëni'ik ja Dios ja mëyajtën tuny ma ëëtsajtëmën ets xypyutëjkëmë, paaty ja Dios ja y'aaw y'ayuk këxja'aypyë y'ënä'äny: Dios tyukjoot'anpëjkpy ja ja'ay mëti'ipë mëj këjxm nnäyjya'awëyëpën ets pyutëjkëp mëti'ipë yujy tëtä'äky ja'ay'ajtpën.

Josue 24:14

Mëët tu'kë'ëyë ya'atë mëti'ipë yë Wintsën të tunyën, wintsë'ëkëtë ënät ets mëtuntë winë aaw winëjot. Ixmatstë yë wiink tios mëti'ipë yë m'ap m'ok y'ëwtajtën jam Éufrates mëjnëë'ëkë'ëm ets Egiptë naaxjotm ets mëtuntë yi'iyë tu'uk yë Wintsën tëypyë jaantypë.

1 Pedro 3:16

E yu'unk'ajtën naxym'ajtën ets mëët winë xytyuntëty. Jëtu'un winë xytyuntëty ijxtëm mjotkujk'attëtyën, jëtu'un ja y'ayuk tsëtyu'unjawëtëty mëti'ipë ëxëëk mnikajpxëtëpën ko miits oy mja'ay'atë ets ko ja Kristë xymyëpëktë.

1 Pedro 3:21

Ya'atë nëë, jëtu'un ja nyäxy ijxtëm ja nëëpäjtënën, mëti'ipë ëëtsajtëm tyam ntuk'oy'ajtëmën. Ka'ap yë'ëjëty ja nëëpäjtën mëti'ipë ja ni'kx kopk yajwatsypyën, yë'ë mëti'ipë ja jot winma'any wa'ats yaj'itëpën Dios wyintum, jëtu'unts ja nitsokën npatmëty ko ja Jesukristë jyuukpyijky ma ënety të y'ookyën,