2 Corintios 1:10 - Biblia Dc en Mixe de Quetzaltepec

¹⁰ Ets ja Dios të xyaj'ëwaatsëpëtsëmtës o'kënjëjp'am. Njëjp'ijxtëpës ets xëmë xy'akëëytyuk xy'axajtuktëtyës

Biblia Mixe de Quetzaltepec

¹⁰ Ets ja Tios të xyaj'ëwaatsëpëtsëmtës o'kënjëjp'am. Njëjp'ijxtëpës ets xëmë xy'akëëytyuk xy'axajtuktëtyës

2 Corintios 1:10 ပူးပေါင်းရင်းမြစ်များ

Salmos 34:19

Yë ja'ay mëti'ipë oy juukyajtpën kanaakpëky yë ëxëëkpë tmënaxy tyajnaxy, e yë Wintsën yë'ë putëjkëyëp ma tëkokyë ëxëëkpën.

Isaías 46:3

Mëtoow'itë ya'atë aaw ayuk, miitsëty Jacob yë y'u'unk y'okëty mëti'ipë të wyë'ëmtën ma ja Israel kyajpnën: Tëë miitsëty ntsëëmjëtitë ka'anëm ënety mintënëm naaxwiiny naaxkëjxy; tëë ntsääntë nkontë,

Daniel 3:17

Ëëts ja nTiosëty, mëti'ipë n'ëwtajtëpënës, yë'ëjës xyajtso'oktëp jap jëënjoty ets muum ëxëëktum ma ënety ja yajkutujkpë ëëts xypyëjkta'aka'antën, yë Wintsën yë'ë ëëts xyajtso'okantëp.

Daniel 6:16

Paaty ja yajkutujkpë ojts tni'ënä'ämë ets tyajmintëty ja Daniel ets jap tkujëpipëtëty kepyjoty ma ja kaa jap nimay yajpaatën. E ka'anëm ënety ja Daniel jap yajkujëpipë kaa kemyjoty ko ja yajkutujkpë jyaak nëmaayë: Yë Dios mëti'ipë mëtuumpyën ets mëti'ipë wyinkutsë'këpën yë'ë myajtso'okëtëp.

Hechos 26:21

Jä'äkyëjxm ko ojts jëtu'un ntunyës, paaty ja nmëjutiis ja'ayës xymyajtstës ma ja mëjtsajptëjkën ets ojts xyjyayaj'ooka'antës.

Romanos 15:31

Amëtowtë pëjktsowtë ja Dios etsës xy'akëëytyuk xy'axajtukëty ma ja ja'ayëtyën mëti'ipë Judea yajpatëpën mëti'ipë ka'ap tmëpëktën ja Kristë ets näjyëtu'un oy yajkupëkëty ja putëjkën mëti'ipë yajtuknikäjxtëpën ja mëpëjkpëtëjk jampë tsyëënëtën Jerusalén.

2 Corintios 1:9

Jëtu'unës ënety ja n'aaw njot nja'awënëtës ijxtëm jeexyë ja o'kën tëë xymyëwinkoonëtës. E yë'ëjës të xytyukni''ixëtë wi'ix ja Dios ntuk'ijxpätëtyës, mëti'ipë ja o'kpë yajjuukpyijkpyën.

2 Corintios 6:9

Jëtu'unës ja ja'ay xyjyawëtë ijxtëmës jeexyë ka'ap xy'ixy'atën, oyës xyjya'ixy'ätë. Mëpaatëp n'o'knëtës, je'eyëp ko jaakjuuky'ajtëpës; xytyiytyuuntëpës, je'eyëp ko ka'apës xytyimyaj'ooktë.

1 Timoteo 4:10

Paaty ëëts ntuntë mëk, jä'ä ko yë Dios ntuk'ijxpätës juukpyë, mëti'ipë ni'ëmukë ja'ay yajnitsokpyën, yë'ë ni'ik mëti'ipë mëpëjktëpën.

2 Timoteo 4:17

E Ojtsës ja Wintsën Jesús xypyutëkë ets xymyooyës ja mëjaaw ets ja oy'aaw oy ayuk nkajpxwa'kxëtyës ets tmëtowtëty ja ja'ay mëti'ipë ka'ap jyutiis'atën. Jëtu'unës ja Dios xyaj'ëwa'atspëtseemy jam tsimptum o'këntum,

2 Pedro 2:9

Yë Dios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.

1 Samuel 17:37

Yë Wintsën mëti'ipës xëmë xyajtsokpën ma kaajën ets ma jëyujkën ëwa'anëtypë, nän yë'ëjës xyajtso'okaanp ma tääpë yë filistejë ja'ayën. Ënet ja Saúl y'ënëmaayë: Nëjkxts ets yë'ë Wintsën mputëkëtëp.

1 Samuel 7:12

Tä ja Samuel tkoonë'ky tu'uk yë tsaa ets tpëjktäky ma mëët nyäpyaatëtën yë Mizpá ets Sen. Tä txëëwmooy jampë it naaxwiinyëtë Eben-ézer, jä'ä ko tyaa y'ënäny: tyampaat yë Wintsën të xypyutëjkëmë.