1 Timoteo 6:9 - Biblia Dc en Mixe de Quetzaltepec

⁹ E mëti'ipë wit meeny je'eyë y'ixk'ajtypyën, jëtu'un kyuka'ajëtë ëxëëktum ijxtëm tii jëyujk kyukääkën ma y'o'ktaknën, ets ëxëëk jyäty kyëpety ko t'atsoky winë, ja atsojkën yë'ë ja'ay ëxëëk yajjajtyp yajkëpejtyp.

Biblia Mixe de Quetzaltepec

⁹ E mëti'ipë wit meeny je'eyë y'ixk'ajtypyën, jëtu'un kyuka'ajëtë ëxëëktum ijxtëm tii jëyujk kyukääkën ma y'o'ktaknën, ets ëxëëk jyäty kyëpety ko t'atsoky winë, ja atsojkën yë'ë ja'ay ëxëëk yajjajtyp yajkëpejtyp.

1 Timoteo 6:9 ပူးပေါင်းရင်းမြစ်များ

Proverbios 15:27

Mëti'ipë ja'ay ëxëëk y'atsokyën, yë'ëpaat jyëën tyëjk tyajtëkoy; e mëti'ipë ja'ay ka'ap tii t'ixk'atyën, nikë jotkujk jyuuky'äty.

1 Timoteo 3:7

Näyjyëtu'un wiinkutsë'ëkëtëp ja mëpëjkpëtëjk, këtiipë nyipäxëtëkëty ets ja mëjku'u yajtëkoyëtëty.

Hechos 8:20

Tääts ja Pedro y'ëtsoowë: Poky mijts m'itëty mëët yë mmeeny ëyoowtaknjoty, jä'ä ko xywyinmay xyjyuyä'äny mëti'ipë ja Dios nyayäjkpyën.

Mateo 13:22

Ja tëëmt mëti'ipë ojts kyä'äyën äpny akujk, jëtu'un jä'ä ijxtëm ja ja'ay Dios y'aaw y'ayuk t'amëtoow'ijtëtën, je'eyëp ko yë'ë myëmaay myëtajtëp ja ajuuy ato'k ets mëk tsojkën'atë ja wit meeny ets yë'ë nyätyukwin'ëënëtë. Tu'kë'ëyë ya'atë, yë'ë yajkumo'onëtyääpy ja Dios ja y'aaw y'ayuk mëti'ipë të tjamëtoow'ityën ets ka'ap maa wyinkëxë'ëky.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.

Efesios 4:22

Ixmajtsta'atë wi'ix ijty miits tëëyëp mjuuky'atën, ëxmatstë ja m'ëxëëk winma'anyëty mëti'ipë mnätyukwin'ë'ënëtëpën, jä'ä tëkokyë tääpë tëë mya'ta'ay ko yi'iyë të yaj'atsoky ka'apë myëtëyëtyën.

Marcos 4:19

je'eyëp ko jä'ä myëmaay myëtajtëp wi'ixjaty yaa naaxwiiny ja ëyo'on jotmayën, ets ja meeny yajtukwin'ë'ëntë ets y'aaktsojktaaytyëp winë. Jëtu'unts ja Dios ja y'aaw y'ayuk ka'ap tyajwinkëxë'ëktë.

Mateo 26:15

ets t'ënëmaay: ¿Jënu'un ja meeny xymyo'otëtyës etsës ja Jesús nkë'ëyakëty? Tääts yajmooy i'px majk ja poop pujxn meexy.

Mateo 19:22

Ko ja yä'äy ëna'k jëtu'un tmëtooy, ojts jyotmaytyëkë, jä'ä ko kumeeny u'unk ënety.

Proverbios 22:16

Mëti'ipë ja'ay pyëjkëpën tii yë ëyoopëja'ay ets nyäyajkumeenytya'aka'anyë mëk ëyoopëja'ay y'awinpita'any.

Proverbios 21:6

Ja wit meeny mëti'ipë yajpatpën mëët yë win'ë'ënën, ka'ap jeky y'ity ma ja'ayëtyën mëti'ipë o'kën y'ijxtaaytyëpën.

Proverbios 20:21

Ko tii yajpaaty yaj'ixy ets ka'ap nijënu'un nyimëjaawtä'äky, ok ëxëëk yajmëjaty yajmëkëpety.

2 Timoteo 2:26

Wä'än twijtë tkäjtë ets tkukä'äktëty ja ku'oypyë mëti'ipë yaj'ijtëtëpën tsumy matsy ets y'ëxëëktunëtë ijxtëm yë'ë tsokyën.

1 Timoteo 1:9

Näy nija'awëm ko ka'ap yë'ëjëty ja ënä'ämën të yajtuknipëjktaakëtë mëti'ipë ja oypyë tyuuntëpën. Yë'ë të yajtuknipëjktaakëtë mëti'ipë ëxëëk ja'ay'ajtëpën, mëti'ipë kakäjpxymyëtoowtëpën, mëti'ipë ja Dios kyamëjpëjktaktëpën, mëti'ipë pokyjyä'äyëtyën, mëti'ipë y'ëxëëk'ijxtëpën ja Dios ja jyä'ä, mëti'ipë ka'ap twintsë'ëkëtën ja Dios, mëti'ipë ja tyaak tyeety yaj'o'ktëpën, mëti'ipë yajja'ay'o'ktëpën,

Lucas 21:35

jëtu'un tä ja jëyujk yajxokyën. Jä'ä ko minaanp ma tëkokyë ja naaxwiinyëtë ja'ayën.

Zacarías 11:5

Yë ajuupyëtëjkëty ko tyaj'ooktë ja kupixyny nitiipa'ëyo'owën tkamëët'atë ets mëti'ipë ato'ktëpën jëtu'un y'ëna'antë: Yajkukajpxëp yë Wintsën ko xyajkumeenytyä'äkyës. Yë'ëpaat yë mëti'ipë kupixyny këwent'ajtëpën ninu'un tkapa'ëyowtë yë kyupixynyëty.

Isaías 5:8

Janty mon janty tuk miitsëty myajpaatë, nëkoopë mjëën mtëjk xynyijuuypyätë, nëkoopë mkam mtu'u xypyëjkta'aktë, ka'ap xy'a'ixëtë ets wiinkpë nyaax tpaatëty, ets të mtsënaaytyaknpëktë, jëtu'un tä jeexyë miits nätyu'uk nkajpn'atën.

Proverbios 23:4

Këtii nëkoo ajotkumonë mnämyëjaaw'ixëtëty ets kumeenyjyä'äy mnäyaj'awinpita'anëtëty. Ixmatsmës yë'ë, këtii yi'iyë xymyëmay xymyëtajy.

Salmos 11:6

Yë'ë yajtu'ujäämpy jëënpajk jëënyä'änk ma ëxëëkja'aytyëjkën ets tyajmina'any yë jëënpoj mëti'ipë winë yajtëtsta'ajäämpyën. Yë Wintsën yë'ë tukumëtowanëtëp nyëë pyokyëty.

Josue 7:11

Yë Israel ja'ayëty poky të tuntë, jä'ä ko ka'ap të tmëjpëjkta'aktë ja käjpxytyu'unën. Tëë tmënëjkxtë ma jyëën tyëjkëtyën mëti'ipës ënety të ntuknipëjktaakën xyajkutëkoytyëty, tëë tontë tmäätstë ets t'apëjkmuktë mëët ma winë tyaj'itën mëti'ipë jyä'ä'ajtëpën.

Deuteronomio 7:25

Nëjkxëp xynyino'kta'atë ja y'awinaxëty, mëti'ipë mëët ja pu'ts pujxn ets ja poop pujxn nyikoyëtyën. Ko xy'ixtëty jëtu'un, këtii xytyontëty ets xyjyä'ä'atantëpëty. Jä'ä ko yë Wintsën y'ëxëëk'ijxyp jëtu'unpë.

Mateo 6:19

Ka'ap ja wit meeny xynyipëjkpätëty yaa naaxwiiny, ma winë myä'ätyën ets tyënë'kën ets ma ja mä'tspë tyëkëtën ets myäätstën.

Lucas 12:21

Jëtu'un jyäty yë ja'ay mëti'ipë winë may nyipëjkpejtypyën, jam ma Tiosën, ëyoopëja'ay jam nyäxy.

1 Timoteo 6:10

Yë meeny atsojkën ëxëëk ja'ay tyajjaty tyajkëpety;; tää ja'ay tëëpë ja myëpëjkën t'ëxmajtsnën ets o'ktëy të nyätyunyë.

1 Timoteo 6:17

Pën yaa kumeeny'ajtëpën naaxwiiny, t'ënëëmë ets ka'ap yë'ë nyätyukyajmëjnaxëtëty ets ka'ap yë'ë tuk'ijxpätëty,; jä'ä ko yë kumeenyajtën këjxp najxp yë'ë. Wä'än ja Dios yë'ë tuk'ijxpätë, jä'ä ko yë'ë yajktääpy oy tyimtiijëty ets akëtä'äky jotkëtä'äky nwë'ëmëty.

Tito 2:12

Tääpë Dios yë y'oyajtën yë'ë xytyukni''ijxëm ets n'ëxmajtsmëty ja ëxëëk tu'unën ets atsojkën yaapë naaxwiinyëtën, ets oy nyajtu'uye'emyëty ja juukyajtën tyampë, mëët ja tëyajtën jaanty'ajtën,

1 Reyes 21:6

Tä ja Ahab y'ëtsooy: Jä'ä ko tëëjës njamëtyä'äky mëët yë Nabot, nja''amëtoyës yë kyam, ma y'uvë tyaj'ityë etsës të nja'ënëëmë ko oyës wiinkpë nmo'ojëty ëkë oyës nkujuuyëty, e yë'ë ka'ap tkupëky.