1 Timoteo 6:4 - Biblia Dc en Mixe de Quetzaltepec

⁴ jëtu'unpë ja ja'ayë je'eyë nëkoo nyämyëjjawëty ets ka'ap tii tnijawë. Ko nmëëtmëtyakmëty jëtu'un nyäjyawëty tä jeexyë pya'ampetyën ets myëtsiptsoony, y'ëxëëk'ixy, y'ojy yä'äxy ets ka'ap tjëkyepy wi'ix yaj'oyjyawëty,

Biblia Mixe de Quetzaltepec

⁴ jëtu'unpë ja ja'ayë je'eyë nëkoo nyämyëjjawëty ets ka'ap tii tnijawë. Ko nmëëtmëtyakmëty jëtu'un nyäjyawëty tä jeexyë pya'ampetyën ets myëtsiptsoony, y'ëxëëk'ixy, y'ojy yä'äxy ets ka'ap tjëkyepy wi'ix yaj'oyjyawëty,

1 Timoteo 6:4 ပူးပေါင်းရင်းမြစ်များ

2 Timoteo 2:23

Këtii xymyëjpëjkta'akëty yë näkyäjpxytsyiikë mëti'ipë ka'ap tsyoowpaatyën; jä'ä ko jëtu'unpë jä'ä y'awinpity tsip.

2 Timoteo 3:4

Kyë'ëyakantëp ja myëku'ukëty, tyimtuna'antëp winë ijxtëm ja jyot wyinma'anyëtyën, jëtu'un winë tuna'antë ijxtëm tsojkën'atën ets ka'ap ja Dios t'ixta'aja'antë.

1 Timoteo 3:6

Paaty ka'ap mëpaat yë'ë kyutuunk'aty ja ja'ay mëti'ipë naamnëm Dios mëpëjkpën; këtiipë nyämyëjpëjkta'akëtëty ets kya'ajëty ëxëëktum ijxtëm jyäjtyën ja mëjku'u.

Judas 1:10

E tääpë ja'ayëty ëxëëkjaty nimëtya'aktë mëti'ipë ka'ap nijawëtën. Jëtu'un yë'ëjëty ijxtëm ja jëyujkën, ka'apë jyä'äkyukëtën, jëtu'unts ëxëëktum nyäyajka'ajëtë.

2 Pedro 2:12

Yë jëtu'unpë ja'ayëty Dios yajwintsë'këntëkooytyëp ko ka'ap tii tja'akyyukëtë. Jëtu'un nyäpyëjkta'akëtë jëyujkën, nitii ja'aykyujkën tkamëët'atë ets näjyëtu'un y'ooka'antë jëyujkën mëti'ipë të t'amin t'akä'äxëtën ja o'kën tëko'oyën.

2 Timoteo 2:14

Tukja'amyäts ya'atë ja mëpëjkpëtëjkëty, tuknipëk Dios wyintuuy ko ka'ap je'eyë nye'ojëtëty. Ka'ap jëtu'unpë tyuny. Yë näy'ojë je'eyë nëkoo y'ëxëëktuny ma ja ja'ayëtyën mëti'ipë myëtoowtëpën.

Judas 1:16

Yë jëtu'unpë ja'ayëty, nitii tkatukjotkëta'aktë, je'eyë nëkoo nyä'ämtë, aak nänyi'ojë tii tpëjkta'aktë, yi'iyë tyukjotkëtaktëp mëti'ipë kë'ëm tsyojktëpën; amëj akëjxm tii tkajpxtë, je'eyë ja Dios nëkoo tukajpxpätë ets yajputëkëtëty.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënety jemnyëm t'ëxmatstë ja ëxëëk juukyajtën.

1 Timoteo 1:7

Jyatsojktëp ets jeexyë yaj'ixjpëktë ets nimëtya'aktë ja Dios ja y'ënä'ämën tyiyajtën, je'eyëp ko tkawinjawëtë yë'ëpaat ka'ap tukjotkujk'atë mëti'ipë nyimëtyaktëpën.

1 Timoteo 1:4

ets ka'ap tmëtoow'ittëty ja apmëtyä'äky tëëyëpë tyunyë jyätyën. Jëtu'unpë mëtyä'äky je'eyë nëkoo yajtsiptuny ets ka'ap pyutëkë ma ja Dios yajjot'atyën ko yajmëpëky.

Santiago 1:19

Ja'amyätstë ya'atë mëku'uktëjkëty, a'ijxp jëjp'ijxp miits itë ets xymyëtoowkukëtëty ja oypyë ja aaw ayuk; yë'ë tëy ka'ap ja tsip äkë ets ja joot'an xymyëët'atëty.

Tito 3:9

Këtii xykyupëkëty ets ja ja'ay nëkoo atsuu apoj tii tyajkäjpxykyojtëty, ëkë nëkoo tii apmëtyä'äky tnanimëtya'aktëty, ma ja ja'ay ka'ap nyäjyä'äkyukëtën wi'ix ja Moisés ja tyiyajtën y'ënä'änyën. Ya'atë jëtu'unpë näkyäjpxytsyiikë nëkoopë je'eyë xëëw tiempë tyajtëkoy.

Hechos 15:2

Ënet ja Pablo ets ja Bernabé ojts tyajkäjpxykyojtë jëtu'unpë ja winma'any. Ok ja Pablo, Bernabé ets wiinkpë ja mëpëjkpëtëjkëty yajnikajpxpäjtë ets nyëjkxtëty jam Jerusalén ets tkajpx'oyëtëty mëët ja ijxpëjkpëtëjk ets ja mëjja'aytyëjkëty ja jampë yajpaatën.

Apocalipsis 3:17

Jä'ä ko mijts m'ëna'any ko mkumeenyëty, ko akujk jotkujk mjuuky'äty ets ko ka'ap nitii xyaj'ëmaaytyä'äky; ka'ap kë'ëm mnäy'ixyë ko mijts o'ktëy myajpaaty, m'ëyoop, myajmëyäjtyp winë ets mniwa'ats m'ëxwa'ats.

2 Tesalonicenses 2:4

Ya'atë jëtu'un mëtsip'ajtp mëti'ipë y'ëxëëk'ijxypyën tëkokyë mëti'ipë Dios jyä'ä'ajtypyën ets mëti'ipë yajwintsë'ëkëjaanpën; yë'ë tsyojkpy ets yajmëjpëjkta'akëty këtiinëm ja wiinkpë. Jampaat jya'ta'any ma ja Dios ja myëj tsajptëjkën ets jap yajpaata'any nyätyija'anyë ko Tyiosëty.

Colosenses 2:18

Ka'ap mëpaat mtuk'ëxmatsëtë Kristë mëti'ipë nätyijëtëp yujy tëtä'äky ets mëti'ipë wyintsë'këtëp ja tsajpjotmëtë kukäjpxy; jä'ä ko yë'ëjëty yë'ë kyajpxtëp mëti'ipë ka'ap nijëna'a t'ixtën, yi'iyë nätyukmëjpëjktakëtëp ja wyinma'anyëty.

Filipenses 2:14

Tuntë winë yajxon ets ka'ap y'atsip y'a'äkëty,

Filipenses 2:3

Këtii tii xytyuntëty atsip a'äkë ëkë tsipkyëjxm; yë'ë oy ko yujy tëtä'äky mja'ay'atëty ets ko mmëku'uk xymyëj'ixtëty ets xywinkutsë'ëkëtëty.

Filipenses 1:15

Tëy ko tää ja'ay mëti'ipë Kristë y'aaw y'ayuk tsipkyëjxm äkëkyëjxm kyajpxwa'kxtëpën ets näyjyëtu'un mëti'ipë oyjyot oywyinma'any mëët nyikajpxtëpën.

Gálatas 6:3

Pën jää pën mëj nyäyajnaxyë ko nyäjyawëty mëj'äämpy y'ity ets ka'ap jyëtu'unëty, kë'ëm nyäwyin'ëënyë.

Gálatas 5:26

Ka'ap amëj akëjxm nja'ay'ajtmëty, ka'ap pën nyajjoot'anpëjkmëty ets ka'ap tii nätyuk'ëxëëk ijxëmëty aak ëëts'ajtëmë.

Gálatas 5:15

Ko aak miitsëty kë'ëm mnäykyäy mnätsyu'utsëtë ijxtëm ja tënë'k nyätsyu'uts nyäwyëtsëtën winpity atëjy, kë'ëm nëjkx mnäyajkutëkoyëtë.

2 Corintios 11:20

Mmëmëtaktëp miits näjyëtu'un ko pën atsip tii mtuktuna'anëtë, mëti'ipë mtsuu'ijxëtëpën, mwin'ë'ënëtëpën, mëti'ipë mkamëj'ijxëtëp ets m'apojtsë'këtëp.

1 Corintios 11:18

Mëtu'kpëky ëjts të nyajtukmëmëtyä'äky ko miits mye'eymyuktë, ma ja Dios xywyintsë'ëkëja'antën, këëkjä'ä xyajtu'uye'eytyë ja mtuunkëty; e ëjts nmëpëjkpyës.

1 Corintios 11:16

Pën jamts pën tii tjaakkajpxa'any, wä'än tnijawë ko ëëtsëty ets mëpëjkpëjkpëtëjk ka'ap tii wiinkpë winma'any yajmëëtëty.

1 Corintios 3:18

Ni pën kë'ëm kyanäwyin'ëënëtëty: pën jää pën nyätyijyë wijy kejy ijxtëm ja naaxwiinyëtë ja'ay ja wyinma'anyëtyën, jëtu'un miits näpyëjkta'akëtë ijxtëm ja ja'ay ni'ik tsuupën mëti'ipë ka'ap tii tjaty nijawën, ënät miits myaj'ixtëty wijy kejy mëti'ipë ka'ap kyixy nyäxyën.

1 Corintios 3:3

jä'ä ko miitsëty ëmuumnëm xymyëët'atë ja naaxwiinyëtë winma'any. Ko tii mkanätyukmë'ixëtë, ko mtsiptuntë ets ko mnäy'ëxëëk'ixëtë nixim niyam, mmëët'ajtëpnëm ja naaxwiinyëtë winma'any ëmuumnëm ets jëtu'un mtu'uye'eytyë ijxtëm ja ja'ay tyu'uye'eytyën mëti'ipë ja naaxwiinyëtë winma'any yajtuuntëpën.

Romanos 14:1

Oyjyawëtë ja ja'ay mëti'ipë wäänë ja mëpëjkën myëët'ajtypyën ets këtii nëkoo mnäy'oj mnäya'axëtëty mëët.

Romanos 13:13

Tsojk winë oy ntu'unëm ijxtëm xëëny tii yajtunyën. Ka'ap je'eyë xëmë n'ukmëty nmukëmëty, ka'ap xim yam yë ye'etyëjk t'ixëty yë to'oxytyëjk ëkë yë to'oxytyëjk xim yam yë ye'etyëjk, ëkë xim yam pën mëët ntsiptu'unmëty.

Romanos 12:16

Juuky'atë tu'ukyë nixim niyam. Ka'ap amëj akëjxm mja'ay'atëty. Jëtu'un mnäpyëjkta'akëtëty tä janty mëk ëyoopëja'ayën. Ka'ap janty ixpëky mnäyajnaxëtëty.

Romanos 2:8

e tyiytyunäämpy mëët ja joot'an mëti'ipë të kyäjpxykyumëtoownaxtën, mëti'ipë myëtsip'ajtëpën ja tëyajtën ets y'oyja'awëtëp ja ëxëëkpë.

Hechos 18:15

je'eyëp ko ka'ap jyëtu'unëty, nëkoo je'eyë nkajpxtë ets mkë'ëm ënä'ämën myajtsiptaktëp. Yaj'oyëtë miits kë'ëm yë mjotmayëty. Ka'apës ntuktëkëja'any tääpë winma'any.

Hechos 8:9

Näy jam Samaria ijty tu'uk ja ye'etyëjk mëti'ipë xyëëwajtypyën Simón, mëti'ipë xëëwmääpyën. Mëj ijty kë'ëm nyäpyëjktä'äkyë ets ja ja'ay tukmëpëky mëti'ipë tyuunpyën.

Isaías 58:4

Miitsëty ko m'ayuu'atë jää mnäy'oj mnäya'axëtë ets xynyëtij xytsyajptijtë ja mkë'ë m'aawëty ko pën xyajtsëtyuta'an xyajwintëkoya'antë. Ko jëtu'un m'ëtë'ëtstë ma m'ayuu'atën, ëjts ka'apës jëtu'unpë nyajmëjnaxy.

Proverbios 26:12

Wä'än yë tsuuja'ay jyaak ja'akyukëty, këtiinëm yë ja'ay mëti'ipë wijy näyajnajxëpën.

Proverbios 25:14

Jëtu'un tä je'eyë wyintukyën ets pyojyën ets ka'ap maa tuu, jëtu'un ja ja'ay nyäxy mëti'ipë je'eyë winë y'ëwa'anëpën ets ka'ap tii tyäky.

Proverbios 13:7

Tää yë ja'ayëty ka'apë tii tmëët'atën ets jä'ä nyäyajnaxëtë kuwit kumeeny. Tää yë ja'ayëty mëti'ipë myëët'ajtëpën winë ets jä'ä nyäyajnaxëtë mëk ëyoowtë ja'ay.