1 Timoteo 6:13 - Biblia Dc en Mixe de Quetzaltepec

¹³ Ja Dios, mëti'ipë myoopyën ja juukyajtën oy tyimtiijëty jam Jesukristë wyintum, mëti'ipë ojts näjyëtu'un nikäjpxyën jam ma ja Poncio Pilato, mijts yam ntuknipëjkpy

Biblia Mixe de Quetzaltepec

¹³ Ja Tios, mëti'ipë myoopyën ja juukyajtën oy tyimtiijëty jam Jesukristë wyintum, mëti'ipë ojts näjyëtu'un nikäjpxyën jam ma ja Poncio Pilato, mijts yam ntuknipëjkpy

1 Timoteo 6:13 ပူးပေါင်းရင်းမြစ်များ

Mateo 27:11

Tam ënety ja Jesús twintänë ja yajkutujkpë Poncio Pilato, ko yajtëëwë: ¿Mijts jëtu'un myajkutujkpë ma jutiis ja'ayëtyënë? Tääts ja Jesús y'ëtsooy: Mijts jëtu'un m'ënaanp.

1 Timoteo 5:21

Y'ijxyp myëtoopy ja Dios Teety ets ja Jesukristë ja tsajpjotmëtë kukäjpxy winwityëtsypë, ko ya'atë yam ntuknipëky ets xykyuuytyunëty. Tu'knax mpaye'eyëty, ka'ap wyin'ixy wyinkexyëty.

Apocalipsis 3:14

Nnijayë yë tsajpjotmëtë kukäjpxy jampë yajpaatyën Laodicea: Jëtu'un y'ënä'äny ja mëti'ipë yäjkpyën ja tëyajtën ets mëti'ipë yajkutujkpyën tu'kë'ëyë mëti'ipë ja Dios yajkojën.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Juan 5:21

Jä'ä ko ijxtëm ja Dios Teety tyajjuukpyikyën ja o'kpë ets tmo'oy ja juukyajtën, näjyëtu'un ja y'U'unk ja juukyajtën tmo'oy pën myo'ojäämpyën.

Apocalipsis 22:1

Tääts ja tsajpjotmëtë kukäjpxy xytyuk'ijxyës tu'uk ja mëjnëë wa'atspë, mëti'ipë yajjuuky'ajtpën xëmëkyëjxm ko yaj'uuky. Janty të'kxy janty wa'ats yaj'ixy ijxtëm yë ijxnën; jam pyëtsimy ma ja kyutujktaknën ja Dios ets ma ja Kupixyny U'unkën.

Apocalipsis 21:6

Ënet xynyëmaayës: Tëë tyuunta'ay jyajta'ayë winë. Ëjts ntuktso'ontäkpy ets ëjts ntukjëjpkëxyp. Ëjts tso'ontakp, ets ëjts jëjpkëjxp. Pën tëtsëp, namëyajtënës ntuk'uuka'any ja wa'ats nëë mëti'ipë yajjuuky'ajtpën xëmëkyëjxm.

1 Timoteo 6:12

Nitsiptun ja mëpëjkën, këtii xy'ëxmatsëty ja juukyajtën xëmëkyëjxmëpë; jä'ä ko paaty ja Dios të mwoowtsoyë ets xynyikajpxëty ja mmëpëjkën ma ja mayjyä'äyën.

1 Timoteo 2:5

Jä'ä ko tu'ukyë je'eyë Dios, ka'ap maa wiinkpë ets tu'ukyë ja ja'ay mëti'ipë itkujky yajpatpën ma ja Tiosën mëët ja naaxwiinyëtë ja'ay: Yë Kristë Jesús.

Hechos 17:25

ets ka'ap tyajmëyäty tii ntukmëtu'unmëty, jä'ä ko yë'ë xymyo'oyëm ja juukyajtën, poj ets tu'kë'ëyë winë.

Juan 19:11

Ënet ja Jesús y'ëtsooy: Mijts nitii kuttujkën xykyamëët'aty ma ëjtsën ko jeexyë ja Dios ka'ap të mo'oyë ja kuttujkën; paaty ja mëti'ipës të xykyë'ëyäkyën ma mijtsën, ni'ik ja pyokymyëëtëty këtiinëm mijts.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Juan 5:26

Jëtu'un ijxtëm ja Dios Teety tmëëtëty ja juukyajtën, näjyëtu'un ja y'U'unk tëë tmo'oy ja juukyajtën kë'ëm,

1 Samuel 2:6

Yë Wintsën yë'ë yäjkpy yë juukyajtën, ets yë'ë pyijkpy jatëkok; yë'ë yajkutujkpy ets o'ktëy njajtmëty nkëpäjtmëty, ets yë'ë yajkutujkpy ets jotkujk nyajpatmëty.

Deuteronomio 32:39

Ëjts jëtu'un tu'kpajk Tios'ajtp; ka'ap maa pën wiinkpë tios. Ëjts nyäjkpyës yë juukyajtën, etsës mpëjkpyës jatëkok. Ëjts yajtsëtyujtp yajwintëkoopyës, ets yajtsokp yaj'akëtakpës. Ni pën tkajëkyepy tkukä'äkëty ëjts yë nmëk'ajtën.

Mateo 27:2

Tääts tyajnëjkxtë kë'ëtsumy ma ja yajkutujkpën Pilatë. Jamts tkë'ëyajktë.

2 Corintios 9:13

Ko yë'ë tmëjjaw tjaantyjawëtëty ja Dios, jëtu'un ya'atë putëjkën tyajnikëxë'ëka'any ko miits xypyatuntë ja oy aaw oy ayuk mëti'ipë ja Kristë nyikäjpxypën. Näyjyëtu'un yë'ëjëty tmëjjawëja'antë ja Dios ko miits ja putëjkën xyaktë ma yë'ëjëtyën ets ma ja wiinkëtypën.

Gálatas 3:26

Dios miits tyam ni'ëmukë m'u'unk'ajtënëtëp ko të xymyëpëktë ja Jesukristë,

1 Timoteo 1:12

Nkukajpxëpës ja nWintsën'ajtëm Jesukristë koos të xymyo'oy mëk'ajtën, yë'ëjës të xyajnaxy wa'ats ja'ay etsës të xywinwitsy etsës nmëtunëty,

1 Timoteo 1:15

Tëyajtën ya'atë, mëpëktë ni'ëmukë: Kristë Jesús yë'ë të myiny naaxwiiny ets të tyajtso'oky ja pokyjä'äytyëjk, maas ëjts jëyëjp ntuktso'ontä'äkyën.