1 Timoteo 6:11 - Biblia Dc en Mixe de Quetzaltepec

¹¹ E mijts Timoteo, Dios yë y'u'unk, mkukä'äkëp yë jëtu'unpë. Mëtëy mjuuky'atëty, mpa'ëyowëp, mëpëkëp, mmëët'atëp yë tsojkën ja'awën, mëk myajpaatëty ma ja ëyo'onën ets yu'unk naxym winë'aaw winëjot.

Biblia Mixe de Quetzaltepec

¹¹ E mijts Timoteo, Tios yë y'u'unk, mkukä'äkëp yë jëtu'unpë. Mëtëy mjuuky'atëty, mpa'ëyowëp, mëpëkëp, mmëët'atëp yë tsojkën ja'awën, mëk myajpaatëty ma ja ëyo'onën ets yu'unk naxym winë'aaw winëjot.

1 Timoteo 6:11 ပူးပေါင်းရင်းမြစ်များ

2 Timoteo 2:22

Kukä'äk mëti'ipë ja ëna'ktëjk nätyukyajtëkooyëpën, yë'ë ixta'a ja oypyë ja nipaye'eyën, ja mëpëjkën, nätsyok näjyawë ets ja jotkujk'ajtën, mëët ja mëti'ipë wa'ats wiin wa'ats jot y'ëwtajtëpën ja Wintsën.

2 Timoteo 3:17

jëtu'unts ja Dios ja jyä'äy winma'anymyëët yajpaatëty ets nijawëty wi'ix oypyë tunëtyën.

1 Timoteo 4:12

Këtii xykyupëkëty ko pën mkawintsë'ëkëtëty ko mutsknëmëty; mijts ni'ikyë mëpaat ijxpäjtën xyäky ma mëpëjkpëtëjkëtyën, ko oy mkajpxëty, oy winë xytyunëty; mmëët'atëp ja tsojkën ja'awën ets ja mëpëjkën ets oy yajxon mnäyajjuuky'atëtëty.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.

1 Corintios 10:14

Paaty, mëku'uktëjkëty, këtii xy'ëwtatëty ja awinax.

1 Pedro 3:11

mëjëkäm'atë ja ëxëëkpë, wä'än ja oypyë tuny ets wä'än ja kijpxyajtën t'ixta'ay ets jä'ä jëtu'un pyanëjkxtëp.

1 Corintios 6:18

Ka'ap yë tu'u xymyo'otëty ja in'ajtën. Ko pën ja wiinkëtypë poky tuny, ka'ap ja ni'kx kopk tmëtëkoy, ets pën ëtëtsnajxpën, pokytyuunp jä'ä ma ja kyë'ëm ni'kx kyë'ëmkopkën.

Salmos 34:14

Näjyëpëkët ma ëxëëkpën, ets tun yë oypyë; ixta'a akujkajtën jotkujk'ajtën, ets yë'ë panëjkx.

1 Timoteo 5:10

Yajnija'awëp ko oy ënety winë tuny, pën tëë ja y'u'unk y'ëna'k tsuj tyajyeeky, pën tëë ja ja'ay oy tsuj tyajja'ty ma tyëjkën, pën tëë ja mëpëjkpëtëjk ja tyeky tpujë, pën tëë tputëkë mëti'ipë ëyo'onpatëpën. Ets pën tëë winë oy tuny.

1 Corintios 14:1

Yajtu'uye'etyë ja oyjyot oywyinma'any, tsojkën'atë ja tuunk mëti'ipë ja Kënu'kxymyëkajtën yäjkpyën, jä'ä wäänëni'ik m'amëtowtëp ja Dios ets ja y'aaw y'ayuk xykyajpxwa'kxëtëty.

Romanos 14:19

Wä'än yë'ë n'ixta'ayëmë wi'ix npatmëtyën ja jotkujk'ajtën ets nnäpyutëjkëmëty nixim niyam wi'ix nwinpäjtmëtyën ma ja mëpëjkën.

Isaías 51:1

Jëtu'un ja Wintsën y'ënä'äny: Mëtowtë ya'atë aaw ayuk miitsëty ninu'un xytsyojkën'atën ja oypyë juukyajtën Ixtë ja tsaa maa ojts yajnëpu'uyën ets maa ojts yajmëpëtsëmyën.

Salmos 38:20

Mëti'ipës oy të njatunyën, ëxëëk të tuunwinpitë, ëjts njatsojkpyës winë oy ntunëty, e yë'ëjëty ni'ikyës xytyukjoot'anpëktë.

2 Reyes 5:20

ko yë Guehazí, mëti'ipë ja Elisejë tyuunpë'ajtypyën, ojts myäy tyäjy: Yë nwintsënës jëtu'unyë yë Naamán, yë sirië ja'ay, të timyajwinpijnë, ka'ap wäänë nitii të t'ëxajë, mëti'ipë të jyatukniminyën. Tyamës yajxon ntimy'ënä'äny mëët yë Wintsën yë xyëëw koos mpapo'ojäämpyës yë yam, jamës n'ixëty tiijës n'ëkpatyp ma yë'ëjën.

1 Timoteo 6:20

Timoteo, këwent'at mëti'ipë të myajktuknipëkyën. Këtii xymyëtoow'itëty ko ja'ay oy wi'ix myëtya'aktëty mëti'ipë ka'ap maa tyunyën, mëti'ipëty ënantëpën ko tnijawëtë ja tëyajtën.

Jeremias 35:4

ets ojts nwoownëjkxtës jam ma tsajptëjkën, jap tëkoty nkuwo'owëtyës yë Hanán y'u'unk y'ëna'këty, yë Igdalías yë myaank mëti'ipë ijty Dios y'ëwtajtypyën. Yë ya'atë tëkot akojmuky mëët yë tyëkot ma kopktëjkëty y'itën mëti'ipë ma tsajptëjkën tuuntëpën, jam yajpaaty ma Maaseías kopkën, yë Salum yë myaank mëti'ipë ijty këwent'ajtpën ma tsajptëjk yajnitëkën.

2 Crónicas 8:14

Ojts näjyëtu'un ja tuunk tyajwa'kxta'ay jëtu'un tä ënety ja tyeety David të tni'ënä'ämën ets ja teetyëjk yi'iyë ja tyuunk tyajtu'uye'eytyëty ets ja Leví ja'ayëty jä'ä wyin'ëw wyinya'axtëp ja Wintsën ets ko muum tputëkëtëty ja teetytyëjkëty ma muum myëyätyën. Ojts näjyëtu'un tyajwä'kxy ja tuunkj ets tpëjktaktaay ja ja'ay maajaty ja tëjk'aaw yaj'atänëja'anyën, jä'ä ko jëtu'un ënety ja David të tuknipëjktaakë, mëti'ipë ja Wintsën ja'ayajtën.

2 Reyes 23:17

Tääts tyajtëëy, ¿tiipotsyën ximpë najts'ixësën? Tä ja ja'ay y'ëtsoowtë mëti'ipë jam kukajpnajtëpën: Yë'ë jam ko'knääpy ja Wintsën ja myëtuunpë, mëti'ipë ojts t'akäjpxyën ko jëtu'un jyata'any kyëpäta'any tä tyam mijts winë xytyunyën, mëët ko të xyjyijtë'kta'ay ja wintsë'këntyakn jampë Betel yajpaatyën.

2 Reyes 1:13

Ënet ja yajkutujkpë mëtëkëëk'ok tkejxy ja tsyiptuunpë wintsën mëët niwëxtyikxymyajk ja tyuunpë. E ja tsiptuunpë wintsën mëti'ipë ënety yajkäjxpën ma ja mëtëkëëk'okpën, jam ojts tyimja'ty ma ja Elías yajpaatyën ets nyäkyoxtënaaytyakë ma yë'ëjën, tmënu'kxtäky: Tun mëyajtën, käjpxynyajxpë, ijxpatkës ets ja'amyäts koos njuukyajtën tsoowpatp ets näjyëtu'un ya'atë niwëxytyikxymyajkpë ntuunpëtëjkës;

2 Reyes 1:9

Tä ënätyë tkejxy tu'uk ja tsyiptuunpë Wintsën, mëët niwëxtyikxymyajk yë tyuunpë. Ko jam jyajtë, yë Elías jam ënety yajpaaty kopkkëjxm, ënyääpy ënety jam. Tä ja tsiptuunpë wintsën y'ënëmaayë: Käjpxynyajxpë, yë yajkutujkpë jëtu'un y'ënä'äny koojëk mjënakëty.

1 Reyes 20:28

Ënet jam tu'uk yë Wintsën yë myëtuunpë tnimiiny yë yajkutujkpë mëti'ipë jam ënä'ämpën Israel ets y'ënëmaayë: Jëtu'un yë Wintsën y'ënä'äny: Jä'ä ko yë sirië ja'ayëty të y'ëna'antë ko jamës nWintsën'aty kopkkëjxm ets ka'ap jyamëty joyjotm, ëjts nkë'ëyakäämpyës nitëkokyë yë'ëjëty ma miitsëtyëty. Jëtu'un xynyijawëty ko ëjts Wintsënajtp.

1 Reyes 17:18

Ënet ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

1 Samuel 2:27

Jä'ä jëmëjt tu'uk yë Dios y'ayuk akajpxpë jyä'äjty ma Eli tyëjkën ets y'ënëmaayë: Jëtu'un yë Dios y'ënä'äny: Mijts yë m'ap m'ok mëti'ipë myëtuuntën yë yajkutujkpë jap Egiptë wa'ats tnija'awëtë ko ojtsës nnänyikëxë'ëkyë ma yë'ëjëtyën,

1 Reyes 13:26

Ko tnija'awëy, ja käxynyajxpë ja mëjja'aypyë, mëti'ipë ënety ja myëku'uk të tyajwinpityën, ënät mëk yujk'ënany: Jä'ä ja käjpxynyajxpë mëti'ipë ja Wintsën të tkäjpxykyutëjyën. Paaty yë Wintsën të tyuk'akäxëty tu'uk yë mëj kaa ets të yaj'ookyë, jä'ä ko jëtu'un ojts kë'ëm y'ënë'ëmxëty.

1 Reyes 13:1

Yë Jeroboam yë'ë ënety jam pyëjktäkpy yë poom ma wintsë'këntyaknën, ko tu'uk yë Wintsën yë kyäjpxynyajxpë jyä'äjty jam Betel, Judá tsyoony, Wintsën ënety të kyexyë.

1 Samuel 9:6

E ja tyuunpë tyaa y'ëtsoowë: Ma ya'atë kajpnën tam tu'uk tsyëënë yë ja'ay mëti'ipë y'akäjpxypën tii yë Wintsën tyunäämpyën. Ja'am n'ëk'ijxëmë, kooxyëp xynyatuk'ëwa'anëmëty mëti'ipë tu'u mëpaat nmajtsëmë.

Deuteronomio 33:1

Ka'anëm ënety ja Moisés y'ookynyëm, mëti'ipë ja Dios myëtuunën, ko ja Israel ja'ayëty ojts t'ëkjaakënu'kxnë,

Deuteronomio 16:20

Tëyajtën mëpaat winë xytyuntë ets jëtu'un mjuuky'atëty jotkujk ets xypyaatëty ja naax kam mëti'ipë yë Wintsën mo'ojanëtëpën.

Nehemías 12:36

ëpëky ja jyiiky myëku'ukëty mëti'ipë xyëëwajtëpën Semaías, Azarel, Milalai, Guilalai, Maai, Natanael, Judá ets Hananí, mëti'ipë ijty tyukxuxtëpën ja xuxn mëti'ipë David jyä'äy'ajtën, mëti'ipë myëtuunën ja Wintsën. Jam jëjp'am jam nyijkxy ja yaj'ijxpëjkpë Esdras.

Nehemías 12:24

Yë Leví ja'ay yë kyopktëjkëty jä'ä xyëëwajtë: Hasabías, Serebías, Josué, Binuy ets Cadmiel ets ja myëku'uktëjkëty jam ijty tyimyajpaatë ma ja tyuunkëtyën ets yë'ë twin'ëw twinya'axtë ja nWintsën'ajtëmë mëti'ipë nTeety'ajt nKoonk'ajtëmën ko tyuka'ajëtë, jëtu'un tä tni'ënä'ämëyën ja David, mëti'ipë myëtuunën Wintsën.

1 Crónicas 23:14

Ja Moisés mëti'ipë oy myëtuunën ja Wintsën, tu'ukyë mëët ja y'u'unk y'ok yaj'amëtyoowmujktë ja Leví ja ja'ayëty.

1 Reyes 17:24

Ets ja to'oxytyëjk y'ëtsoowë: Tyamës ënät yajxon nijawë ko mijts Wintsën mja'ay'ajtëp ets ja mëti'ipë mnikäjpxypën aakjä'ä mëti'ipë mëtëyën.

Proverbios 15:9

Dios ka'ap nijënu'un t'oy'ixy wi'ix yë ëxëëkja'aytyëjk y'ëtë'ëtstën y'ëna'antën; e tsyojkpy mëti'ipë mëtëy juukyajtpën.

1 Timoteo 1:14

Jëtu'un ja Wintsën ja mëjmëyajtën të tuny maas ëjtsën etsës të xymyo'oy ja mëpëjkën, tsojkën ja'awën mëti'ipë nmëët'ajtëmën ko tu'ukyë ja Kristë Jesús të nmëpëjkëmë.

2 Timoteo 2:21

Pën ja'ay wa'ats nyäyaj'ityë ets näkyëwent'ajtëp, jëtu'un nyaxa'any tä tii y'oyëtyën tsyujëtyën, tëëpë Dios yajtuknipëjktaakën ets tyunëty, ma ja oypyë myëyätyën.

2 Timoteo 3:10

Mijts tëë oy xypyanëjkxy yë n'ijxpëjkënës, wi'ixës njuuky'ätyën, tiis ntunäämpyën, wi'ixës nmëpekyën, wi'ixës nmä'kxtukyën, wi'ixës ja ja'ay ntsoky njawën ets wi'ixës nmëët'atyën ja mëjaaw etsës nmëtänë ja ëyo'on jotmay,