1 Timoteo 6:1 - Biblia Dc en Mixe de Quetzaltepec

¹ Yë mëtuunpëtëjkëty mëti'ipë nitookyën, myëmay myëtajtëp ko ja wyintsënëty patëtëp ets yawintsë'ëkëtëty, këtiipë tëkatsy ja Dios ja xyëëw yajnimëtya'akëty ets näjyëtu'un mëti'ipë ëëts n'ijxpëjkëmën.

Biblia Mixe de Quetzaltepec

¹ Yë mëtuunpëtëjkëty mëti'ipë nitookyën, myëmay myëtajtëp ko ja wyintsënëty patëtëp ets yawintsë'ëkëtëty, këtiipë tëkatsy ja Tios ja xyëëw yajnimëtya'akëty ets näjyëtu'un mëti'ipë ëëts n'ijxpëjkëmën.

1 Timoteo 6:1 ပူးပေါင်းရင်းမြစ်များ

Tito 2:5

wijjyä'äy'atëty, wa'ats, ets pätë'ëky ja'axë'ëky ja jyëën tyëjk tyaj'itëty, oy ja jyot wyinma'any tmëët'atëty; këtiipë pën ja Dios ja y'aaw y'ayuk ëxëëk tnimëtyakëty.

Romanos 2:24

Paaty mëtëyën ijxtëm ja Dios ja y'aaw y'ayuk kyëxja'ayëtyën: Miits ja poky mmëët'ajtëp ko ja'ay tyajjoot'anpëktë yë Dios mëti'ipë ka'ap jyutiis'atën.

1 Pedro 3:16

E yu'unk'ajtën naxym'ajtën ets mëët winë xytyuntëty. Jëtu'un winë xytyuntëty ijxtëm mjotkujk'attëtyën, jëtu'un ja y'ayuk tsëtyu'unjawëtëty mëti'ipë ëxëëk mnikajpxëtëpën ko miits oy mja'ay'atë ets ko ja Kristë xymyëpëktë.

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

Gálatas 5:1

Tëë ja Kristë xymyo'oyëmë ja ëwaatsëtum'ajtën ets ëwa'atstuuy nyajpatmëty. Paaty tyam itë amëk jotmëk ma ëwaatsëtum myajpaatën ets këtii jatëkok m'ëk m'ëknäkyë'ëyajkënëtëty ma të myajpaatën ijxtëm jeexyë mnitooky'atën.

Hechos 15:10

E tyam, ¿tii ko ja Dios xyjyënaxa'antë ko xytyuktuna'antë ya'atë mëpëjkpëtëjk mëti'ipë ja n'ap'ajt n'ok'ajtëmë ka'ap tpatuuntën ets näjyëtu'un ëëts'ajtëmë ka'ap npatu'unëmë?

Hechos 10:22

Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Dios, oyjya'awëyëp ets tsojkëtëp ja jutiis ja'ayëty. Tu'uk ja Dios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Hechos 10:7

Tääts ko ja tsajpjotmëtë kukäjpxy tsyo'ony, ënät ja Cornelio tmëjwooy nimäjtsk ja tyuunpë ets näjyëtu'un tu'uk twoowtsooy ja tsiptuunpë mëti'ipë myëku'ukja'apën ets wyintsë'këp ja Dios.

Lucas 17:1

Jëtu'un ja Jesús t'ënëmaay ja y'ijxpëjkpëtëjk: Tëy yë'ë ko tää ja'ay mëti'ipë yajpoky tyunaanpën; je'eyëp ko tääpë ja'ay poky yë y'ity.

Mateo 11:30

Yë ijxpëjkën mëti'ipë miits tyam ntuk'ëwa'anëtëp, ka'ap tsyipë; etsës ja ntu'unën, jëtu'un jä'ä ijxtëm tu'uk ja tsëmy mëti'ipë ka'ap jye'emtyëtytyën.

Malaquías 1:6

Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?

1 Timoteo 5:14

Paatyës nëëmëtë ja ku'ooky tyo'oxytyëjkëty ëna'këtypë ets ënätyë pyëktëty, wä'än tmëët'atë y'u'unk y'ëna'këty, wä'än jyëënjoty tyëkoty tuntë, këtiipë nëkoo tëkatsy ja mëtsip nyikajpx nyimëtya'akëtëty.

1 Corintios 10:32

Ka'ap pën xymyo'otëty ja ijxpäjtën ëxëëk, ni yë'ë mëti'ipë jutiis kajutiis, ni yë'ë mëti'ipë yajpatëpën ma ja Dios ja nyaax kyajpnën.

Mateo 11:9

Pën ka'ap jyëtu'unëty, ¿tiits ko m'ojtstë? ¿Yë'ë ojts xy'ixtë tu'uk ja Dios kyäjpxynyajxpë? Jëtu'un, mëtëy yë'ë ets jä'ä mëti'ipë ni'ik mëj'äämpyën këtiinëm ja Dios kyäjpxynyajxpë.

Ezequiel 36:23

Yë'ë yam ntuk'ixäämpyës yë naax kajpn wi'ixës yë nxëëw wya'atsëtyën, mëti'ipë miitsëty të xynyi'ojëtën ma tääpë naax kajpnëtyën; koos ënety ntuny ja nmëj'ajtënës ënät nëjkx tnijawëtë ko ëjts Wintsën. Ëjts Wintsën, ëjts ënaanp.

Ezequiel 36:20

E oymyaakajpnëty ma ojts jya'tën, je'eyëm tni'ojëtë ja nxëëwës, jëtu'un ja ja'ay y'ëna'antë: Ya'atë kajpn Wintsën ijty y'ëwtajtëp, e atsip ojts tsyoontë ma nyaax kyajpnëtyën.

Isaías 58:6

Ka'ap jyëtu'unëty. Ëjts ënätës ntukjotkëta'aka'any pën m'ayuu'ajtp: Ets ja tsumjyä'äy yaj'ëxmatstëty ets ja nipaye'eyën y'itëty, ets xymyëkäjëty ja tsajpkaa mëti'ipë kutsumy yajpatpën, ets yajnajtsmatsëty ja ja'ay mëti'ipë yajtëytyuunpën, ets tyimkutëkoyëty ma ja yajkutujkpëtëjk ëxëëk y'ëtë'ëtstën y'ëna'antën;

Isaías 52:5

E tyam, ¿tiijës n'ijxyp? Nanëkookyëjxm yë nnaax nkajpnës të tyajnëjkxtë tsumy matsy jap Babilonyë. Mëti'ipë ëxëëktuun tsaatyuuntëpën amëj akëjxm, xyontë y'itë ets janaam jatsojkës xyajjoot'anpëktë.

Isaías 47:6

Ko ojts ntukjoot'anpëkyës yë nnaax nkajpnës, ojts nkë'ëyäkyës yë nkë'ëmnaax nkë'ëmkajpnës ets ëxëëk yajtun yaj'ënëëmëty, ets ojts npëjktä'äkyës mkë'ëjoty. E mijts ka'ap nijënu'un xypya'ëyooy, ni'ikyënëm ojts ja mëjja'aytyëjk xytyuktsëëmë'ëky je'emtypë tsëmy kë'ëy.

Nehemías 9:5

ets y'ënantë ja Leví ja'ayëty mëti'ipë xyëëwajtëpën Josué, Cadmiel, Binuy, Hasabnías, Serebías, Hodías, Sebanías ets Petahías: Pëtë'kta'atë ni'ämukëty ets win'ëw winya'axtë ja mWintsënëty xëmë. Kënu'kxy, mëjjawë mëpaat yë'ë nyäxy, ets mëpaat'ajtp yajwin'ëy yajwinyä'äxy yë kyënu'kxy mëj xëëw.

2 Reyes 5:13

Ko jëtu'un ja tyuunpë y'ijxëtë, ënät nyimiinëtë ets y'ënëmaayëtë: Wintsën, kooxyëp jeexyë tääpë ja'ay mëti'ipë Wintsën myëtuumpyën të mtuk'ëne'emyë mëti'ipë jaakwäänë tsip xytyunëtyën, ¿këtii jëtäätën jeexyë xytyunyë? E tääpë mtuk'ëne'emyën ka'ap yowë ijty ninu'un jyatsipëty, tim je'eyë jeexyë mtsi'iy ets mtso'okëty.

2 Samuel 12:14

Je'eyëp ko ja maank mëti'ipë të myëxu'unk'atyën kopkpëky ko y'ooka'any, mëët ko të ntuuntëkoy këjää yë Wintsën tjawë.

Deuteronomio 28:48

Yë mmëtsiptëjk yë'ë nëjkx xymyëtuny mëti'ipë ja Wintsën të mtuknikexyën ets ëxëëk mtunëtëty. Nëjkxëp m'ayuu'aty m'axëëw'aty, nëjkxëp ja nëëtëëtsë xymyënaxy xyajnaxy, ni mwit ni mtujkxy nëjkx kyaka'ty, o'ktëy mjat mkëpätëty. Yë Wintsën nëjkx jëtu'un myaj'ëyoyë, koonëm m'ookëty mtëkoyëty.

Génesis 24:27

tä y'ënäny: Nmëjja'ap nkënu'kxyjya'apës yë Wintsën, mëti'ipë y'ëwtajtypyën yë nWintsënës Abraham. Yë'ë të tyaj'ixyë y'oyajtën maas yë nWintsënën, paatyës të xytyu'uwinwoy ma ja jyiiky myëku'uk ja jyëën tyëjkën.

Génesis 24:12

Ënet ojts tyëkë kajpxtakpë ets y'ënäny: Wintsën mëti'ipë y'ëwtajtypyën yë nwintsënës Abraham. Mijts myajkutukëp ets oy wyimpëtsëm jyëjpëtsëmëty ya'atë amay jotmay tyampës nkujëtitën. Yaj'ixët yë m'oyajtën maas yë nwintsën Abrahamën.

Génesis 24:2

Paaty ojts tëkok t'ënëëmë ja tyuunpë mëti'ipë mëjja'aynyën mëti'ipë kyëwent'ajtypyën tu'kë'ëyë winë mëti'ipë ja Abraham myëët'ajtypyën. Tä t'ënëmaay: Pëjkta'ak yë mkë'ë ma npuuypya'tkënës.

Génesis 16:9

Tä ojts ja Dios kyukajpxpë y'ënë'ëmxëty: Wimpit jatëkok ma të mtsoonyën, ma mwintajën Sarai tyëjkën ets mëmëtow, pën tii mtuk'ënä'ämëp.