1 Timoteo 5:4 - Biblia Dc en Mixe de Quetzaltepec

⁴ E pën jam ja ku'ooky tyo'oxytyëjk ja y'u'unk y'ëna'k ëkë y'ok u'unk y'ok'ëna'k; yë'ë patëtëp tputëkëtëty ja tyaak ëkë ja nyanwelë, jä'ä ko yë'ë të yajyääk të yajpätëtë ma teety taak të txëëwatën. Jëtu'un ja Dios tukjotkëtä'äky.

Biblia Mixe de Quetzaltepec

⁴ E pën jam ja ku'ooky tyo'oxytyëjk ja y'u'unk y'ëna'k ëkë y'ok u'unk y'ok'ëna'k; yë'ë patëtëp tputëkëtëty ja tyaak ëkë ja nyanwelë, jä'ä ko yë'ë të yajyääk të yajpätëtë ma teety taak të txëëwatën. Jëtu'un ja Tios tukjotkëtä'äky.

1 Timoteo 5:4 ပူးပေါင်းရင်းမြစ်များ

Génesis 47:12

Yë José yë'ë ënety kyääkymyoopy jyi'kxymyoopy yë myëku'uktëjk, ijxtëm ënety tyajmëyatën këëkjëën këëktëjk.

Génesis 47:28

Jä'ä ojts yë Jacob jap jyaakjuuky'äty Egiptë majkmokx mäjtsk jëmëjt. Paaty ko ojts y'o'knë, jä'ä ënety yë jyëmëjt mëko'px ja wëxtyikxy wëxtujk.

Job 18:19

Ma nëjkx tmëët'atyën yë y'u'unk y'ok ma naax kajpnën; nitu'uk nëjkx pën kyawë'ëmy juuky ma tyëjkën.

Proverbios 31:28

Ja y'u'unk y'ëna'k ets ja nyiye'etyëjk mëj'äämpy pyëjktä'äkyë ets jëtu'un y'ënë'ëmxëty:

Isaías 14:22

Jëtu'un ja Wintsën mëti'ipë maaytyääyëpën winë y'ënä'äny: Tsiptunaanpës yam mëët yë'ëjëty, ja Babilonyë ja xyëëw ka'ap nijëna'a y'ëkyajja'amyäjtsnëty, yë'ëpaat ja ja'ayëty ets ja y'u'unk y'ëna'këty ka'ap nëjkx nimaa y'ëkyajnija'awënëtë.

Lucas 2:51

Tääts mëët wyimpijnëtë jam Nazaret. Jam tsyënaay Nazaret ja Jesús, ets myëmëtoow ja tyaak tyeety. Ja Maria pëjkë'ëky tyaj'ity y'aawjoty jyotjoy wi'ix tu'kë'ëyë winë tyunyë jyätyën.

1 Timoteo 2:3

Ya'atë jëtu'unpë y'oyjya'ap yë Dios mëti'ipë xyajnitsokëmën,

1 Timoteo 5:16

Pën jam ja to'oxytyëjk mëti'ipë mëpëjktëpën tmëët'atë ja jyiiky myëku'uk mëti'ipë ku'ookyën ets to'oxytyëjk, wä'än tputëkëtë këtiipë tëkatsy yajnikajpx yajnimëtya'akëty ja mëpëjkpëtëjkëty. Jëtu'unts ja mëpëjkpëtëjk tjëkyäptëty wi'ix tputëkëtëty ja mëjja'aytyëjk to'oxytyëjkpë mëti'ipë ku'ookyën ka'apë tmëët'atyën maa nyëjkxëty ets pën putëkëtëp.

Tito 1:11

Ya'atë ja'ayëty, ka'ap mëpaat nyajkajpxëmë, yajma'tëp ja ja'ay tu'kjëën tu'ktëjkpë ets tyuk'ijxpëjktëp mëti'ipë ka'ap pyaat'atyën ets tpaatëty ja meeny.

Jueces 12:14

tuktujk jëmëjt. Abdón jä'ä y'ijty y'ëna'k niwëxtyikxy, ets yë'ë y'okmaank ni''i'px majk; tääpë y'ok'ëna'këty aak kruktskëjxy ijty jyëtitë.

Rut 2:18

Tä ojts wyimpijnë ma ja kajpnën, tam tpatsëmy ja tsyajpmok ets tuk'ijxy ja xyäkxy Noemi. Ok tyajpëtsëëmy ja kyääytyuk ets tuk'akaaytyujky ja Noemi.

Rut 2:2

Ënet yë Rut jatëkok t'ënëmaay yë Noemi: Nanë, ëwatskës yë ntu'u, wä'änës nëjkx n'ixta'ay yë tsajpmok, kooxyëp muum npaatëtyës yë ja'ay mëti'ipë oyjyä'äyën ets jam kyamjotm npëjkmukëtyës yë tsajpmok mëti'ipë tu'uka'apën. Nëjkx, u'unk, nëjkx, jëtu'un ja tyaakxyäkxy y'ëtsoowë.