1 Timoteo 5:3 - Biblia Dc en Mixe de Quetzaltepec

³ Putëkë ja ku'ooky tyo'oxytyëjk mëti'ipë ka'ap tmëët'atyën maa nyëjkxëtyën.

Biblia Mixe de Quetzaltepec

³ Putëkë ja ku'ooky tyo'oxytyëjk mëti'ipë ka'ap tmëët'atyën maa nyëjkxëtyën.

1 Timoteo 5:3 ပူးပေါင်းရင်းမြစ်များ

Job 29:13

Mëti'ipë winë yajmëyäjtypyën xykyukajpxëpës ijty; koos yë ku'ookytyo'oxy ijty nputëkë mëk ijty xyoonta'aktë.

Job 31:16

Ëjts xëmës yë ëyoopëja'ay të nputëkë ma winë të tyajmëyätyën, ka'apës të nkupëky ets ku'ookytyo'oxy wyë'ëmëty jaaykyäy.

Salmos 146:9

Yë Wintsën kyuwäämpy yë jaaypyaat jaaypyo'kxy, Kyëwent'ajtyp yë ku'ooky u'unk ku'ookytyo'oxy, e yë ëxëëkja'aytyëjk yë'ë kë'ëm yajnë'ëtëkoopy yajtu'utëkoopy.

Salmos 68:5

Dios, mëti'ipë ijtpën ma tsyajptëjkën, yë'ë nyiteety'äjtyp yë ku'ooky u'unk ets yë'ë näjyëtu'un pyutëjk pyupejtyp yë ku'ookytyo'oxy.

Salmos 94:6

Yaj'o'k yajtëkooytyëp yë ku'ookpyë to'oxytyëjk jaaypyaat jaaypyo'kxy ets ku'ooky'u'unk ku'ooky'ëna'k.

Éxodo 20:12

Mwinkutsë'ëkëp yë mteety mtaak ets jëtu'un jeky mjuuky'atëty yaa naaxwiiny naaxkëjxy, ja juukyajtën mëti'ipë yë mWintsën Dios mmooyëpën.

Jeremias 49:11

Wä'än ja mku'ooky u'unktëjk twë'ëmy mëët ëjts, ëjts nkëwent'atëp. Ja to'oxytyëjkëty ku'ookyëtypë ëjts nkëwent'atëp.

Mateo 15:6

ets ko pën jëtu'un y'ënä'äny, ka'ap ja tyaak tyeety atsip t'ëkputëjkënë. Paaty miitsëty tëë ja Dios ja y'aaw y'ayuk xyajkutëkooyëtë mëët ko jëtu'un winë xytyuntë ijxtëm ja mkë'ëmjot mkë'ëmwinma'anyëtyën.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Lucas 2:37

mëmajkta'px jëmëjt ënety ku'ooky të y'ijnë. Xëmë ja Dios twintsë'ëkë ma ja mëjtsajptëjkën xëëny koots; ayuu'ajtp näjyëtu'un ets ja Dios tja'amyetsy.

Lucas 7:12

Ko tmëwinkoony ja kajpn, ënät ojts t'ijxpaaty ko tu'uk ja o'kpë yajmënëjkxy ets tyajnaaxtëkëja'antë. Tu'kpajkpë tmaank'atyën tu'uk ja ku'ookytyo'oxy. May ja ja'ay jam pyanëjkxyë.

Juan 1:47

Ko ja Jesús t'ijxy ko ja Natanael myëwinkonyë ënät y'ënäny: Tyaa tu'uk ja Israel ja'ay mëtëypyë mëti'ipë ka'ap y'antä'äkyën.

Hechos 6:1

Näy jä'ä xëës jä'ä jëmëjt, ma ënety ni'ikyë nyimayëtën mëti'ipë myëpëjktëpën ja Jesús; ja ja'ayëty mëti'ipë ja griego ayuk kyajpxtëpën, ojts tukjoot'anpëktë ja myëku'ukëty mëti'ipë kyajpxtëpën ja hebreo ayuk ets y'ëna'antë ko ja ku'ooky tyo'oxytyëjkëty mëti'ipë griegë ja'ayëtyën ka'ap oy yajputëkëtë ma winë wyä'kxyën.

Hechos 9:39

Tääts ja Pedro tpatso'ony. Ko jam jyä'äjty ets ojts yajwoownëjkxy ma ja o'kpën. Ënet ja Pedro ja ku'ooktyo'oxy tyukye'eymyujkëtë ets tyuk'ijxëtë ja wit mëti'ipë ënety ja Dorcas të txuyën ko ënety mëët të jyaak juuky'atë.

Hechos 9:41

Tä ja Pedro tmajtsy ma kyë'ëjën ets tyajtënaaykyujkëy; tä tkumëkajpxëy ja mëpëjkpëtëjk ets tuk'ijxy ko ënety tëë ja Dorcas jyuukpyiky.

Deuteronomio 10:18

Mëti'ipë nyipaye'epyën ja ku'ooky'u'unk ku'ookytyo'oxy ets mëti'ipë myoopyën ja wyit tyujkxy ja jaaypyaat jaaypyo'kxy; mëti'ipë yajpatëpën ma miitsëtyën.

Deuteronomio 14:29

Yë'ë mo'otëp yë Leví ja'ayëty, ko ënety mnimin mnija'tëtë. Miits tëë xynyijawëtë, ko yë'ëjëty ka'ap tii nyaax kyamëty jëtu'un tä miitsëtyën; yë'ë nëjkx xymyo'otë yë jaaypyaat jaaypyo'kxyëty, ku'ooky'u'unkëty ets ku'ooky tyo'oxyëty ets jëtu'un näjyëtu'un yajpaatëty ku'uxyë jotkëtä'äky. Yë Wintsën nëjkxëp mkënu'kxëtë ets mjuuky'atëty mëjwiin këjää ko ënety jëtu'un xytyuntë.

Deuteronomio 16:11

Jëtu'un nëjkx ja Wintsën tu'uk ja myëjxëëw xyaj'apaatëtë jam ma ja it naaxwiinyëtë kë'ëm të twin'ixyën ets ja xyëëw jam yaja'amyätsëty; ko tyaapë xëëw xyaj'apaatëtëty, tam'ajtp ënety ja m'u'unk m'ëna'këty, mëtuunpë, Leví ja'ayëty, jaaypyaat jaaypyo'kxy, ku'ooky'u'unkëty ets ku'ookytyo'oxëty.

Deuteronomio 16:14

Ma tyaapë xëëw tyunyë jyätyën miits xoonta'aktëmës jää mëët yë m'u'unk m'ëna'këty, mëtuunpë mkupëjkpëty ets näjyëtu'un yë Leví ja'ayëty; jaaypyaat jaaypyo'kxyëty, ku'ooky'u'unkëty ets ku'ooktyo'oxy mëti'ipë tsënaay juuky'ajtëpën ma mnaax mkajpnëtyën.

Deuteronomio 27:19

Poky yë ja'ay wyë'ëmëty, mëti'ipë o'ktëy yë jaaypyaat jaaypyo'kxy tyuunpyën näjyëtu'un yë ku'ookytyo'oxy ets ku'ooky'u'unk. Ënet ja ja'ay y'ëtsowtëty: Oy, jëtu'un'atëp.

1 Tesalonicenses 2:6

Ka'apës yë'ëjëty njotmay'atë etsës ja ja'ay xymyëjjawëtëty ëkë miitsëty ëkë wiinkëtypë xyajmëjnaxtëtyës.

1 Timoteo 5:2

Ja mëj ja'ayëtypë ja to'oxytyëjktëjk jëtu'un xyjyawëty ijxtëm ja mtaakën; e ja to'oxy ëna'ktëjk jëtu'un xyjyawëty ijxtëm ja mmëka'axën, wa'ats wiin wa'ats jot.

Santiago 1:27

Ja mëpëjkën oypyë ets wa'atspë Dios Teety wintumpë yë'ë ya'atë: yajputëjkëp ja ku'ooky u'unk ets ja ku'ooky tyo'oxytyëjk mëti'ipë maaytyëp tajtëpën, näjyëtu'un yajputëkëty ka'apë nyäyaj'ëxëëkëtyën mëët ja ëxëëkajtën yaapë naaxwiinyëtën.

1 Pedro 2:17

Wintsë'ëkëtë ni'ëmukë mëjpë mutskpë, tsoktë ja mëku'ukëty, wintsë'ëkëtë ja Dios ets ja yajkutujkpë kopk.

1 Pedro 3:7

Näyjyëtu'un miits ye'etyëjkëty, wintsë'ëkëtë ja mto'oxytyëjkëty. Mëj'äämpy xyajnaxtëty ijxtëm pyaat'atyën. Mnijawëtëp ko yë'ëjëty ëmaay yajpaatë ets jä'ä të yajtuknipëjktaakëtë ets ja jyuukyajtën tpuyaktëty mëti'ipë ja Dios të tyukwinwanëtën tä tu'uk yë näkyumayën. Jëtu'unts tuntë këtiipë tii m'atsipëtëty ko ënety ja Dios xyjyä'ämyätstë.