1 Timoteo 5:20 - Biblia Dc en Mixe de Quetzaltepec

²⁰ Pën pokytyuuntëpën, tuknëëmë ma ja mayjyä'äyën ets ja ja'ay tsyë'ëkëtëty.

Biblia Mixe de Quetzaltepec

²⁰ Pën pokytyuuntëpën, tuknëëmë ma ja mayjyä'äyën ets ja ja'ay tsyë'ëkëtëty.

1 Timoteo 5:20 ပူးပေါင်းရင်းမြစ်များ

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Tito 1:13

Ets tëy ojts y'ënä'äny, paaty xywyinkukajpxëty mëk'äämpy ets tu'ukyë tmëpëktëty ja Wintsën,

Hechos 5:11

Ënet ja mëpëjkpëtëjk tsyë'këtyääytyë, mëët ja ja'ayëty mëti'ipë y'ixtë nyija'awëtyën tii të tyuny të jyätyën.

Deuteronomio 13:11

Jëtu'un'äämpy ja Israel ja'ayëty nijawëtëty ets ja tsë'ëkë tmëët'atëty, këtiipë ja ëxëëkpë t'ëktuuntëkooynyëtëty.

1 Timoteo 1:20

Jëtu'un jyajtë ja Himeneo ets ja Alejandro, mëti'ipës të ntukë'ëtëkëtën ja mëjku'u ets tyukwij tyukäjëtëty ets ka'ap ja Dios tnäkymyëkajpxtëkoytyëty.

Hechos 5:5

Je'eyë ja Ananías jëtu'un tmëtooy, ooky tyimnakëtäky. Ets mëti'ipë y'ijxtën nyija'awëtën, ni'ëmukë tsyë'këtyë.

Deuteronomio 21:21

Ënet nëjkx ja kunaax kukajpn tkuka'atstë ya'atë jëtu'unpë ja yä'äy'ëna'k. Jëtu'un'äämpy ka'ap yaj'ijxta'akëty ja ëxëëkajtën ma ja naax kajpnën, e ko ja Israel ja'ayëty nijawëtëty, myëët'atëp ja tsë'ëkë.

Deuteronomio 19:20

Ko nëjkx ja ja'ay tnijawëtë ja jëtu'unpë nëjkxëp y'ëna'antë: Kajtëm y'oyëty ko jëtu'un nja'ay'ajtmëty ets nëjkxëp ja tsë'ëkë tmëët'atë, këtiipë jëtu'un y'ëtë'ëtstëty.

Deuteronomio 17:13

Jëtu'un'äämpy ja naax kajpn tmëët'atëty ja tsë'ëkë ko jëtu'un tnijawë'atëty këtiipë wiinkjaty winë y'ëkyajtuunëty.

Hechos 19:17

Ni'ëmukë ja jutiis ja'ayëty ets ka'apë jyutiisëty, mëti'ipë jam tsënaaytyëpën Éfeso, tnija'awëtyääytyë ets ja tsyë'këtyë. Jëtu'un ja Wintsën Jesús ja xyëëw ni'ikyë myëjtëjkëy.

2 Corintios 7:11

Jëtu'un miits ja ma'ayën tajën të xymyëtänëtë ijxtëm ja Dios tukjotkëtä'äkyën. Ets ixtë ënät tyam wi'ix të wyimpëtsëmyën. Tëë xytyukpëtsëmtë ja aaw ayuk mëti'ipës të nnikäjpxyën, ojts mjoot'anpëktë ets tëë mtsë'ëkëtë. Ok ojts xyjya'ixa'antës ets xytyukkumëtoowtë ja pokyjyä'äy ja nyëë pyoky. Yë'ë miits myajnikëxë'ëktëp ko ka'ap myiitsëty të mtuuntëkoytyë.

Efesios 5:11

Ka'ap xytyuntëty mëti'ipë ka'ap y'oyëtyën, ijxtëm mëti'ipë ja Kristë ka'ap tmëpëktën; yë'ë mtuntëp wi'ix xyajnikëxë'ëkëtyën ko ka'ap y'oyëty mëti'ipë yë'ë tyuuntëpën.

Tito 2:15

Ya'atë ja mëpëjkpëtëjk mtuk'ijxpëkëp, jotmëkwinkajpxë ets amëk jotmëk tkajpxëty mëtya'akëty mëët tu'kë'ëyë ja mkutujkën këtiipë pën mpäxëtëty.