1 Timoteo 5:17 - Biblia Dc en Mixe de Quetzaltepec

¹⁷ Ja mëjja'aytyëjk mëti'ipë nyikopk'ajtëpën ja mëpëjkpëtëjk, paat'ajtëtëp ja wintsë'kën ets ja putëjkën; wäänëni'ik pyaat'atëtë mëti'ipë ja Dios ja y'aaw y'ayuk kyajpxwa'kxtëpën ets yaj'ijxpëjktëpën.

Biblia Mixe de Quetzaltepec

¹⁷ Ja mëjja'aytyëjk mëti'ipë nyikopk'ajtëpën ja mëpëjkpëtëjk, paat'ajtëtëp ja wintsë'kën ets ja putëjkën; wäänëni'ik pyaat'atëtë mëti'ipë ja Tios ja y'aaw y'ayuk kyajpxwa'kxtëpën ets yaj'ijxpëjktëpën.

1 Timoteo 5:17 ပူးပေါင်းရင်းမြစ်များ

Hebreos 13:17

Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Dios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.

Gálatas 6:6

Ko tu'uk ja ja'ay t'ëxajëty ja ijxpëjkën ma ja oy aaw oy ayuk ni''ijxpëkën, pyutëkëp ja mëti'ipë yaj'ijxpëjkëpën ma tii tyajmëyätyën.

Lucas 10:7

Jam wë'ëmtë ma tääpë tëjkën, mkaytyëp m'uuktëp pën tii ja ja'ay mmooyëtëp, jä'ä ko ja tuunpë paat'ajtëp myëju'uyën. Ka'ap winjëën wintëjk mjëtitëty.

Hebreos 13:7

Ja'amyätstë mëti'ipë të mkajpxwijëtën ets të m'ëwa'anxëtën ja Dios ja y'aaw y'ayuk. Mëmay mëtajtë wi'ix ja jyuuky'ajtënëty të kyukëxëtë ets patuntë ijxtëm ja mëpëjkën të tmëët'atën.

2 Timoteo 2:6

Yë ja'ay mëti'ipë naax tuunpën myëët'ajtyp ja tëyajtën ets jëyëjp tpëkëty ja pëjktä'äky mëti'ipë paat'ajtëpën.

Filipenses 2:29

M'ëxajëtëp akujk jotkujk ko jam jya'tëty ets tsoktë jawëtë tä mmëkä'äxëtyën ma tu'ukyë mëpëktën ets tsoktë jawëtë oypyënëty mëti'ipë jëtu'un ja'ay'ajtëpën ijxtëm yë'ëjën.

Romanos 12:8

mëti'ipë jotmëkwinkajpxëpën, wä'än tjotmëkwinkajpxë; mëti'ipë tii yäjkypyën, wä'än tyäky; mëti'ipë nyikopk'ajtypyën ja mëpëjkpëtëjk, wä'än tuny yajxon ets mëti'ipë oyjyä'äy'ajtpën, wä'än t'oyjyä'äy'äty.

Hechos 28:10

Mëjwiin ëëts ja ja'ay xywyintsë'ëkëtë, koos ntëjkënëtë jap kepy nëëwinye'epyëjoty winëjatyës xymyooytyë mëti'ipë ënety ëëts nyajmëyajtëpën.

2 Corintios 6:1

Jëtu'un, ijxtëm ëëtsajtëm nmëtu'unëmën ja Dios, tyam nmënu'kxta'aktë ets xytyukjuuky'atëty ja oyajtën mëti'ipë ja Dios të mtuk'ixëtën,

Romanos 16:12

Kajpxpo'kxtë ja to'oxytyëjkëty Trifena ets ja Trifosa, mëti'ipë ni'ik ja Wintsën myëtuuntëpën, näjyëtu'un kajpxpo'kxtë ja to'oxytyëjk Pérsida, ja nmëëtmëpëjkpë'ajtëm mëti'ipës ntsojkpyën, mëk yë Wintsën të tmëtuny.

Romanos 15:27

Kë'ëmwinma'any të tyajmuktë, oy n'ëna'anmëty jëtu'unyëm ënety pyaat'atëtë; jä'ä ko jëtu'un ijxtëm ja Jutiis ja'ayëtyën ojts ja myëpëjkën tpëjkwa'kxtë mëët ja mëti'ipë ka'ap jyutiis ja'ay'atën; jëtu'un tyam pyaatëtë tpukëtëty ja ka'apë jyutiis ja'ayëtyën ets tputëkëtëty mëët ja pyëjktä'äkyëty ja jutiis ja'ayëty.

Filipenses 4:3

Ets mijts mëku'uk, mëti'ipës oy të xypyutëkën ma ja Kristë yamëtunyën, n'amëtoopyës ja mëyajtën ets xypyutëkëty ya'atë to'oxytyëjkëty. Yë'ë mëk ojts tyuntë mëët ëjts ma yajkajpxwä'kxyën ja oy aaw oy ayuk, näjyëtu'un ja Clemente ets wiinkëtypë mëti'ipës mëët të ntuunmuktën. Kuja'ay ja xyëëw y'ijnëtë nokyjoty ma ja ja'ay xyëëwëtyën mëti'ipë juuky'ajtëpën xëmëkyëjxm.

1 Corintios 16:16

Yë'ës ntsojkpy ets miits xymyëmëtowtëty jëtu'unpë ja'ayëty, näjyëtu'un mëti'ipë putëjkëtëpën ets mëti'ipë jëtu'unpë tuunk tyuunk'ajtëpën.

Hechos 11:30

Ojts tyajmuktë ja näypyutëkë ets ja Bernabé tmënëjkxëty ja putëjkën mëët ja Saulo ets tmo'otëty ja mëjja'aytyëjk jam Judea.

2 Reyes 2:9

Ko tuknajxtaaytyë, ënät t'ënëmaay yë Elías ja Elisejë: Tuk'ëwa'anëkës tiijës ntunëp mëët mijts maas ka'anëm nyajjëpëkynyëm ma mijtsën. Tä Elisejë y'ëtsooy: Yë'ëjës ntsojkpy yë mkënu'kxypyoj tëkokyë jënu'un të xymyëët'atyën ets näjyëtu'un xyjyaakniyajkpätëty.

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

1 Timoteo 4:16

Mnäkyëwent'atëtëp kë'ëm ets mëk xykyëwent'atëty mëti'ipë ja'ay mtuk'ijxpëjkpyën ets jotkujk myajpaatëty. Pën mtuumpy jëtu'un, mpaatëp ja nitsokën ets myajnitso'okëp ja mëti'ipë ënety mëtoow'ijtëpën.

1 Timoteo 3:5

jä'ä ko pën ka'ap tu'uk ja ja'ay tjaty yajkutukëty tyëkoty, ¿wi'ix tkëwent'ata'any ja Dios ja myëpëjkpëtëjk?

Filipenses 2:16

Mëj xyajnaxtëty ja Dios ja y'aaw y'ayuk, mëti'ipë ja juukyajtën xytyukpatëmën. Ko ënety ja Kristë myiny nëjkxëpës jotkujk näjyawëty ko ënety miits oy winë të xytyuntë ets n'ëna'anëtyës ko ka'ap të nyatëkë'aty ja ntuunkës.

Mateo 24:25

Tëë yam ntuk'ëwaanëtë mëti'ipë tunan jatanëpën.

Hebreos 13:24

Kajpxpo'kxtë ni'ëmukë mëti'ipë jam mtu'uwinye'eyëtëpën ets ni'ëmukë mëti'ipë ja Dios kyajpn'ajtypyën. Mëti'ipë Italia tsënaaytyëpën yë'ë mkajpxpo'kxëtëp.

1 Timoteo 4:10

Paaty ëëts ntuntë mëk, jä'ä ko yë Dios ntuk'ijxpätës juukpyë, mëti'ipë ni'ëmukë ja'ay yajnitsokpyën, yë'ë ni'ik mëti'ipë mëpëjktëpën.

1 Corintios 15:10

E ja Dios tëë ja myëj'ajtën tuny, paatyës të xykyupëky ets ja mëyajtën mëti'ipë të tunyën ka'ap ja nyatëkë'aty. Nikë tëëjës wäänëni'ik ntuny këtiinëm ja wiink ijxpëjkpëtëjkëty; je'eyëp ko ka'ap y'ëjtsëty kë'ëm, Tiosës të xypyutëkë mëët ja y'oyjyot y'oywyinma'any.

Hechos 20:35

Xëmë të ntuk'ijxpëktë ko jëtu'un winë xytyuntëty, ets ja mmëku'uk xypyutëkëtëty mëti'ipë tii yajmëyajtëpën. Ja'amyätstë ja Wintsën Jesús ja y'aaw y'ayuk ko jëtu'un y'ënäny: Wäänë jotkujk mëti'ipë ja ja'ay putëjkëpën ets këtiinëm mëti'ipë yajputëjkëpën.

Juan 4:38

Ëjts miits të nkäxtë yajpëjktä'äkpyëtë'kpë ma kä'äp ojts xynyitunëtën, wiinkpë ojts tyuntë ets miits ënät tyam mtuk'oy'atantëp yë tyuunkëty.

Lucas 12:42

Tääts ja Wintsën y'ënäny: ¿Pën jëtää oy myëtuumpy ja wyintsën, mëti'ipë ja wyintsën tuknipëjkëpën ets tkëwent'atëty ja jëën tëjk, ets tyajkayëty tyaj'uukëty mëti'ipë jam yajpatëpën?

Zacarías 9:12

Miitsëty jënu'un tsumy matsy myajpaatën, mëti'ipë ka'ap të xyjyä'äytyëkoytyën ja jotkujk'ajtën, winpitë jatëkok jam ma ja kajpnën mëti'ipë ta'tspëky ets këwent'atyën yajpatpën. Jëtu'un miits n'ënëëmëtë ko mäjtsk'oknipety nmo'oja'antë yë kënu'kxën ko të m'ëyowtë.

Jeremias 17:18

Yë'ë wë'ëmtëp nëxi'iky tukxi'iky mëti'ipës xy'ixjëtijt xypyajëtijtëpën, ka'ap y'ëjtsëty; wä'än tsë'ëkëtë tjawëtë, e ëjts ka'apës mëpaat jëtu'un njaty. Mijts myajkutukëp ets o'ktëy jyatëty kyëpätëty, tuktëjëtya'a tukwäjxëtya'a.

Jeremias 16:18

Jëyëjp nëjkx ntukumëtoyës ja pyokyëty, mäjtsk oknipety nëjkx ntukumëtoyës ja tyëko'oyënëty mëët yë'ë ko të t'ëxëëktuntë ja it naaxwiinyëtë mëët ja y'awinaxëty ëxëëkpës n'ixyën ets ka'ap të twintsë'ëkëtë ja it naaxwiinyëtë mëti'ipës ojts njatukumaytyën.

Isaías 40:2

Mëët ja yu'unk aaw yu'unkjot ënëëmëtë ko tëë kyixy nyäxy ma mëtuunpë ëyoopë të y'itën, ko tëë tkumëtoowta'ay ja nyëë pyoky, ko tëë tmënaxy tyajnaxy ja ëyo'on jotmay mëti'ipë ja Wintsën mmooyëtën.

1 Timoteo 5:3

Putëkë ja ku'ooky tyo'oxytyëjk mëti'ipë ka'ap tmëët'atyën maa nyëjkxëtyën.

1 Timoteo 4:6

Tukni''ixë ya'atë mëku'uk, Kristë Jesús ënety jëtu'un oy mmëtuumpy, ets mnaxëty tu'uk ja mëtuunpë mëti'ipë yajnikëxëypyën ja mëpëjkën ets ja ijxpëjkën mëti'ipë mkuuyjyuuky'äjtypyën.

1 Corintios 3:9

Tu'ukyë ëëts ja Dios ja tyuunk ntuunëtë ets jëtu'un miitsëty ijxtëm ja kamën ma ja Dios ja tyuunk tyu'uye'eyën, jëtu'un miitsëty ijxtëm tu'uk ja mëj tëjkën mëti'ipë Dios të tkojyën.

1 Timoteo 4:14

Këtii ja mtuunk xyajtëkoyëty mëti'ipë mëët'ajtypyën, mëti'ipë ja Dios të mmo'oyën ets käjpxynyajxpë m'itëty ko ojts ja mëjja'aytyëjk mkënu'kxyë.

1 Timoteo 5:19

Ka'ap xymyëjpëjkta'akëty ko yajkni'ëënëty tu'uk yë mëjja'ay, pën ka'ap nimäjtsk ëkë nitëkëëk ja'ay tnikajpxë.

Deuteronomio 18:8

Näyjyëtu'un nëjkx tjä'ä'aty ja jë'kxy pëky, tä ja myëku'uktëjkëtyën, ëpëky mëti'ipë ënety ja tyeety tukumaayëpën.